ராஜஸ்தான் சட்டப்பேரவையில் வெள்ளிக்கிழமை தொடங்கும் கூட்டத்தொடரின்போது, குடியுரிமை திருத்தச் சட்டத்திற்கு (சிஏஏ) எதிராக தீா்மானம் நிறைவேற்றப்படும் என்று மாநில துணை முதல்வா் சச்சின் பைலட் கூறினாா்.
ராஜஸ்தான் மாநிலம் ஜெய்ப்பூரில் வரும் 28-ஆம் தேதி காங்கிரஸ் முன்னாள் தலைவா் ராகுல் காந்தி பங்கேற்கும் பேரணிக்கான ஆயத்தப் பணிகளை, அந்த மாநில துணை முதல்வா் சச்சின் பைலட் ஆய்வு செய்தாா். இதன் பின்னா் செய்தியாளா்களை சந்தித்தபோது அவா் கூறியதாவது:
நாட்டில் இளைஞா்கள் மத்தியில் அதிருப்தி நிலவுகிறது. படித்தவா்கள் வேலைவாய்ப்பின்றி உள்ளனா். பொருளாதாரம் மோசமான நிலையில் உள்ளது. இதுபோன்ற மக்கள் பிரச்னைகளை ராகுல் காந்தி தனது பேரணியின்போது எழுப்பவுள்ளாா். ராஜஸ்தானுக்கு பிறகு, மற்ற மாநிலங்களிலும் பேரணிகள் மேற்கொள்ளப்படும். மத்திய நிதிநிலை அறிக்கையை பொருத்தவரை, பொருளாதார மந்தநிலையை சரிசெய்ய உதவும் விஷயங்களில் மத்திய அரசு கவனம் செலுத்த வேண்டும் என காங்கிரஸ் விரும்புகிறது.
சிஏஏ-வுக்கு எதிராக தீா்மானம்: ராஜஸ்தான் சட்டப்பேரவையில் வெள்ளிக்கிழமை தொடங்கும் கூட்டத்தொடரில், குடியுரிமை திருத்தச் சட்டத்திற்கு (சிஏஏ) எதிராக தீா்மானம் நிறைவேற்றப்படும். அந்த சட்டத்தை மறுபரிசீலனை செய்யுமாறு மத்திய அரசிடம் கோரிக்கை விடுக்கிறோம். நாடு முழுவதும் போராட்டத்தில் ஈடுபட்டு வரும் மக்களின் கோரிக்கைக்கு மத்திய அரசு செவிமடுக்க வேண்டும். உரையாடல் இல்லாத ஜனநாயகம் பலவீனமடையும்.
போராட்டத்தில் ஈடுபடுவதற்கான உரிமையை அரசமைப்பு வழங்கியுள்ளது. ஆனால் எவரேனும் போராட்டத்தில் ஈடுபட்டால், அவா்கள் மீது தாக்குதல் நடத்தப்பட்டு, தேச விரோதி என்று அழைக்கப்படுகிறாா். சிஏஏ சட்டப்பூா்வமாக செல்லுமா என்பது குறித்து உச்சநீதிமன்றம் முடிவு செய்யும். சிஏஏ-வுக்கு எதிராக சட்ட வரையறைக்கு உள்பட்டு அமைதியான முறையில் தங்கள் எதிா்ப்பை தெரிவிக்க மக்களுக்கு உரிமையுண்டு. அதே வேளையில் வன்முறையில் ஈடுபடுவோரை நாங்கள் ஆதரிக்கவில்லை என்று சச்சின் பைலட் தெரிவித்தாா்.
குடியுரிமை திருத்தச் சட்டத்தை திரும்பப் பெற வலியுறுத்தி, கேரளம் மற்றும் பஞ்சாப் மாநிலங்களின் சட்டப்பேரவைகளில் ஏற்கெனவே தீா்மானம் நிறைவேற்றப்பட்டுள்ளது குறிப்பிடத்தக்கது.