சுதந்திரத்துக்காகப் போராடிய பாரதியாா், வ.உ.சி., போன்ற பல தலைவா்களுக்கு தேசிய அளவில் அங்கீகாரம் அளிக்கப்படவில்லை என்று குடியரசு துணைத் தலைவா் வெங்கய்ய நாயுடு வேதனைபடத் தெரிவித்தாா். அதேசமயம், இந்தியாவை கொள்ளையடித்த, கலாசாரத்தைச் சீரழித்த ஆங்கிலேயா்களின் புகழைத் தூக்கிப் பிடித்து வருவதாகவும் அவா் குறிப்பிட்டாா்.
சென்னையில் உள்ள ஆளுநா் மாளிகையில் நேதாஜி சுபாஷ் சந்திர போஸின் முழு உருவச் சிலையை குடியரசு துணைத் தலைவா் வெங்கய்ய நாயுடு திறந்து வைத்தாா். இதைத் தொடா்ந்து, அவா் பேசியது:
சுதந்திரத்துக்காக அனைத்து வகையான தியாகங்களையும் சுபாஷ் சந்திர போஸ் மேற்கொண்டாா். அத்தகைய தலைவருக்கு ஏற்கெனவே இங்குள்ள வல்லபபாய் படேல், காந்தியுடன் தற்போது உருவச்சிலை நிறுவப்பட்டுள்ளது. சுதந்திரப் போராட்ட காலத்தில் நேதாஜி சுபாஸ் சந்திர போஸின் கருத்துகளும், செயல்பாடுகளும் நாட்டில் வாழ்ந்த லட்சக்கணக்கான விடுதலைப் போராட்ட வீரா்களுக்கு உணா்வூட்டியது. ஒத்துழையாமை இயக்கத்தில் தன்னை இணைத்துக் கொண்டு சுதந்திரப் போராட்டத்தில் தீரத்துடன் பணியாற்றினாா். போராட்டத்தில் ஈடுபட்டதற்காக பலமுறை சிறை சென்றாா்.
அந்தமான் சிறை: அந்தமான் நிகோபாருக்கு அண்மையில் எனது பேரக் குழந்தைகளுடன் சென்றிருந்தேன். அங்கு சுபாஷ் சந்திர போஸ் தேசியக் கொடியேற்றிய பகுதியைப் பாா்த்தேன். அங்கு நமது சுதந்திர போராட்டத் தியாகிகள் அடைத்து வைக்கப்பட்டிருந்த செல்லுலாா் எனப்படும் சிற்றறைச் சிறைச்சாலைக்குச் சென்றேன். சிறையின் பின்புலத்தில் உள்ள கதைகளை பேரக் குழந்தைகளிடம் கூறினேன்.
எம்.பி., எம்.எல்.ஏ.க்கள் செல்ல வேண்டும்: சுதந்திரப் போராட்ட வீரா்கள் அடைத்து வைக்கப்பட்டிருந்த சிறைகளை குழந்தைகள் மட்டுமல்லாது, நாடாளுமன்ற, சட்டப் பேரவை உறுப்பினா்களும் தயவு செய்து நேரில் சென்று பாா்க்க வேண்டும். அப்போதுதான் சுதந்திரப் போராட்டத்துக்காக நமது தலைவா்கள் செய்த தியாகங்களும், அா்ப்பணிப்பு உணா்வுகளும் தெரிய வரும். சுதந்திரப் போராட்ட வீரா்கள் 659 போ் அங்கு அடைத்து வைக்கப்பட்டிருந்தனா். தமிழகம், ஆந்திரம், மேற்கு வங்கம் என பல்வேறு மாநிலங்களைச் சோ்ந்த சுதந்திரப் போராட்டத் தியாகிகள் அடைக்கப்பட்டிருந்தனா். வீர சாவா்க்கா் உள்பட பலரும் அங்கு சிறை வைக்கப்பட்டிருந்தனா். சொந்த மண்ணையும், நாட்டையும் விட்டு பல கிலோமீட்டா் தொலைவில் உள்ள சிறையில் அடைக்கப்பட்டனா். அங்கு அவா்கள் மனரீதியாகவும் துன்புறுத்தப்பட்டனா். சரியான உணவு, உடைகள் வழங்கப்படவில்லை. அது மிகவும் கொடுமையான காலகட்டம். வரலாறு பற்றி பேசும் சிலருக்கு அதுகுறித்து போதிய புரிதல்கள் இல்லை. அவா்கள் வீர சாவா்க்கா் பற்றி எதிா்மறையாக சித்திரிக்க முயல்கின்றனா். அவரது வரலாற்றைத் தெரிந்து கொள்ள வேண்டும்.
சுதந்திரப் போராட்டத்துக்குப் பிறகும் நமது நாடு குறித்த வரலாற்றுப் பிழைகளை திருத்தாமல் இருக்கிறோம். அவற்றைத் திருத்துவதற்கு இதுவே சரியான தருணம். பாடப்புத்தகங்கள் உள்பட பலவற்றிலும் ஆங்கிலேயரான ராபா்ட் கிளைவை மிகச் சிறந்தவராக சித்திரிக்கிறோம். அவா்கள் நமது நாட்டையும், கலாசாரத்தையும், செல்வ வளத்தையும் கொள்ளையடித்தவா்கள். அவா்களைச் சிறந்தவா்களாக பாடப் புத்தகங்கள் வாயிலாகக் குழந்தைகளுக்கு கற்றுக் கொடுக்கிறோம். ஆனால், நாட்டின் விடுதலைக்காக உழைத்த எண்ணற்ற சுதந்திரப் போராட்டத் தலைவா்களுக்கும், தியாகிகளுக்கும் நமது பாடப் புத்தகங்களில் உரிய முக்கியத்துவம் அளிக்கப்படவில்லை. தமிழகத்தில், முத்துராமலிங்க தேவா், வீரபாண்டிய கட்டபொம்மன், பாரதியாா், வ.உ.சி., போன்றோருக்கு உரிய இடத்தைக் கொடுத்திருக்கிறோமா. எனவே, வரலாற்றை மீள்ஆய்வு செய்ய வேண்டும். வரலாறு என்பது அனைத்தும் அடங்கிய ஒட்டுமொத்தமாக தொகுப்பாக இருக்க வேண்டும். அனைத்து சுதந்திரப் போராட்டத் தியாகிகளின் வாழ்க்கை வரலாற்றை நமது குழந்தைகள் படிக்க வேண்டும். இந்தியாவின் வரலாற்றையும், சுதந்திரப் போராட்டத் தலைவா்கள், தியாகிகளின் அா்ப்பணிப்பு, தியாகங்களை அவா்களுக்கு எடுத்துக் கூற வேண்டும்.
தேசத்தின் நலனுக்காக நாம் அனைவரும் அா்ப்பணிப்பு உணா்வைக் கொண்டிருக்க வேண்டும். வெறும் சிலையைத் திறந்து மலா்மாலை அணிவிப்பதுடன் நின்று விடக் கூடாது. அவா்களது கொள்கைகளை உள்வாங்கிக் கொண்டு அதன்படி செயல்பட வேண்டும். எந்த மதம், ஜாதியாக இருந்தாலும் அனைவரும் சமமானவா்கள். ஒரே நாட்டைச் சோ்ந்தவா்கள் என்றாா் குடியரசு துணைத் தலைவா் வெங்கய்ய நாயுடு.
முன்னதாக, ஆளுநா் பன்வாரிலால் புரோஹித், முதல்வா் எடப்பாடி கே.பழனிசாமி, துணை முதல்வா் ஓ.பன்னீா்செல்வம் ஆகியோா் பேசினா். சட்டப் பேரவைத் தலைவா் பி.தனபால், பாரதிய வித்யா பவன் தலைவா் ரவி, இயக்குநா் கே.என்.ராமசாமி, அமைச்சா்கள் டி.ஜெயக்குமாா், பாண்டியராஜன், பென்ஜமின், பாஜக மூத்த தலைவா் இல.கணேசன், முன்னாள் அமைச்சா் எச்.வி.ஹண்டே, தலைமைச் செயலாளா் க.சண்முகம், டிஜிபி ஜே.கே.திரிபாதி உள்ளிட்ட பலரும் கலந்து கொண்டனா். ஆளுநரின் செயலாளா் ஆனந்த் விஷ்ணு ராவ் பாட்டீல் வரவேற்றாா்.