மகாராஷ்டிரத்தில் பாஜக ஆட்சிக்கு வரக் கூடாது என்பதையே சிறுபான்மையினா் விரும்பினா்; அவா்கள் சிவசேனைக்கு எதிராக இல்லை’ என்று தேசியவாத காங்கிரஸ் தலைவா் சரத் பவாா் தெரிவித்துள்ளாா்.
மகாராஷ்டிரத்தில் கடந்த ஆண்டு நடைபெற்ற பேரவைத் தோ்தலில் பாஜக-சிவசேனை கூட்டணி அமைத்து போட்டியிட்டது. ஆட்சியமைப்பதற்கு தேவையான பெரும்பான்மையை அந்த கூட்டணி பெற்றிருந்தும், முதல்வா் பதவியை பகிா்ந்து கொள்வது தொடா்பாக ஏற்பட்ட பிரச்னையில் பாஜகவுடனான கூட்டணியை சிவசேனை முறித்துக் கொண்டது. அதன் பின் பல அரசியல் திருப்பங்களுக்கு பின்னா், சிவசேனை-தேசியவாத காங்கிரஸ்-காங்கிரஸ் கூட்டணி அமைத்தது. சிவசேனை தலைவா் உத்தவ் தாக்கரே மாநில முதல்வராக பதவியேற்றாா். இந்த கூட்டணி இணைவதற்கு சரத் பவாா் அச்சாணியாக செயல்பட்டாா் என்று கூறப்படுகிறது.
இந்நிலையில், மும்பையில் தேசியவாத காங்கிரஸின் சிறுபான்மையினா் பிரிவு நடத்திய நிகழ்ச்சியில் சரத் பவாா் பேசியதாவது:
மாநிலத்தில் பேரவைத் தோ்தல் முடிவுகள் வெளியாகி 4 வாரம் வரை ஆட்சியமைப்பது குறித்து எவ்வித முடிவும் எடுக்கப்படவில்லை. சிவசேனையுடன் கூட்டணி அமைப்பது குறித்து மகாராஷ்டிரம், உத்தரப் பிரதேசம், பிகாா் ஆகிய மாநிலங்களில் மக்களிடம் கருத்துகள் கோரினோம். அப்போது, சிவசேனையுடன் கூட்டணி வைப்பதில் பிரச்னையில்லை; ஆனால் மாநிலத்தில் பாஜக ஆட்சியமைக்க வேண்டாம் என்று சிறுபான்மையினா் தரப்பில் எங்களிடம் கூறப்பட்டது. சிவசேனையுடன் தேசியவாத காங்கிரஸ் கூட்டணி அமைத்ததை சிறுபான்மையின மக்கள் வரவேற்றனா். மகாராஷ்டிர பேரவைத் தோ்தலில் பாஜகவுக்கு சிறுபான்மையினா் வாக்களிக்கவில்லை. தேசியவாத காங்கிரஸ் எம்எல்ஏவுக்கு சிறுபான்மையினா் நலத் துறை ஒதுக்க வேண்டும் என்று வலியுறுத்தி அந்த துறையை பெற்றோம் என்று சரத் பவாா் தெரிவித்துள்ளாா்.