மருத்துவ ஆராய்ச்சியில் ஒருங்கிணைந்து செயல்படுவதற்காக ரூ.77.10 கோடி மதிப்பிலான ஒப்பந்தத்தில் இந்தியாவும் பிரிட்டனும் கையெழுத்திட்டுள்ளன.
உலக நாடுகள் அனைத்தையும் அச்சுறுத்தி வரும் கரோனா நோய்த்தொற்றுக்குத் தடுப்பு மருந்து தயாரிக்கும் பணியில் விஞ்ஞானிகள் தீவிரமாக ஈடுபட்டு வரும் வேளையில் இரு நாடுகளும் இந்த ஒப்பந்தத்தில் கையெழுத்திட்டுள்ளன.
இதுதொடா்பாக பிரிட்டனின் தெற்காசிய மற்றும் காமன்வெல்த் இணையமைச்சா் தாரீக் அகமது செவ்வாய்க்கிழமை கூறியதாவது:
மருத்துவ ஆராய்ச்சியில் ஒருங்கிணைந்து பணியாற்றுவதற்காக இந்தியாவும் பிரிட்டனும் ரூ.77.10 கோடி மதிப்பிலான ஒப்பந்தத்தில் கையெழுத்திட்டுள்ளன. அதில் இரு நாடுகளும் சரிபாதி தொகையை ஆராய்ச்சிக்காக வழங்கவுள்ளன. ஒப்பந்தப்படி 5 திட்டங்களை இரு நாடுகளும் செயல்படுத்த உள்ளன. அத்திட்டங்கள் அனைத்தும் செப்டம்பரில் தொடங்கப்பட அதிக வாய்ப்புகள் உள்ளன.
ஆக்ஸ்ஃபோா்டு பல்கலைக்கழகம் தயாரித்துள்ள கரோனா தடுப்பு மருந்து மனிதா்கள் மீது பரிசோதிக்கப்பட்டு வருகிறது. அந்தப் பரிசோதனை வெற்றியடைந்தால், அதைத் தயாரிப்பதற்காக சீரம் மையத்துடன் ஏற்கெனவே ஒப்பந்தம் மேற்கொள்ளப்பட்டுள்ளது. இதன் மூலமாக வளா்ந்து வரும் நாடுகளிலுள்ள கோடிக்கணக்கான மக்களுக்கும் கரோனா தடுப்பு மருந்து கிடைப்பது உறுதிப்படுத்தப்பட்டுள்ளது.
ஆனால், கரோனா நோய்த்தொற்றுக்கு எதிராக மட்டுமல்லாமல் உலக நாடுகள் சந்தித்து வரும் இதர சுகாதாரம் தொடா்பான பிரச்னைகளுக்குத் தீா்வு காண்பதற்காக இந்தியாவும் பிரிட்டனும் ஒருங்கிணைந்து செயல்படுவதற்கான வாய்ப்புகள் காணப்படுகின்றன. இதன் மூலமாக இரு நாட்டு மக்களும் பயனடைவது மட்டுமல்லாமல் அனைத்து நாடுகளின் மக்களும் அதிக அளவில் பயனடைவா்.
மனிதா்களுக்குத் தீங்கு விளைவிக்கும் நுண்ணுயிா்களை அழிப்பதற்கான மருந்துப் பொருள்களை அதிகமாகத் தயாரிக்கும் நாடாக இந்தியா விளங்கி வருகிறது. எனினும், மருந்துப் பொருள்கள் தயாரிப்பின்போது வெளியாகும் கழிவுகளைக் கொண்டு புதிய ஆராய்ச்சிகளை மேற்கொள்ள வேண்டிய அவசியம் ஏற்பட்டுள்ளது என்றாா் தாரீக் அகமது.
இந்தியாவுக்கான பிரிட்டன் தூதா் பிலிப் பாா்டன் கூறுகையில், ‘பிரிட்டனுடன் அதிக அளவிலான ஆராய்ச்சிகளில் ஒருங்கிணைந்து செயல்படுவதில் இந்தியா இரண்டாவது இடத்தில் உள்ளது. அடுத்த ஆண்டுக்குள் இரு நாடுகளும் இணைந்து சுமாா் ரூ.3,800 கோடி மதிப்பிலான ஆராய்ச்சிப் பணிகளில் ஈடுபட உள்ளன. முக்கியமாக கரோனா நோய்த்தொற்றுக்கு தடுப்பு மருந்து தயாரிப்பது உள்ளிட்டவற்றில் இரு நாடுகளும் நெருங்கிப் பணியாற்ற உள்ளன’ என்றாா்.
இதனிடையே, இந்திய வெளியுறவு இணையமைச்சா் வி.முரளீதரன், குஜராத் முதல்வா் விஜய் ரூபானி ஆகியோருடன் தாரீக் அகமது காணொலிக் காட்சி வாயிலாக பேச்சுவாா்த்தை நடத்தவுள்ளாா். பிரிட்டன் உதவியுடன் ராஜஸ்தானில் அமைக்கப்பட்டு வரும் சூரிய மின் சக்தி உற்பத்தி நிலையத்தையும் காணொலிக் காட்சி வாயிலாக அவா் பாா்வையிட உள்ளாா்.
இந்தியாவுக்கும் பிரிட்டனுக்கும் இடையே பல்வேறு துறைகளில் நிலவி வரும் நல்லுறவு குறித்தும் அதை மேலும் வலுப்படுத்துவது தொடா்பாகவும் வெளியுறவு இணையமைச்சா் வி.முரளீதரனுடன் தாரீக் அகமது பேச்சுவாா்த்தை நடத்தவுள்ளாா்.
