Enable Javscript for better performance
ஐக்கிய நாடுகளின் பருவநிலை இளம் ஆலோசகா்கள் குழுவில் இந்தியப் பெண்- Dinamani

உடனுக்கு உடன் செய்திகள்

    ஐக்கிய நாடுகளின் பருவநிலை இளம் ஆலோசகா்கள் குழுவில் இந்தியப் பெண்

    By DIN  |   Published On : 29th July 2020 08:15 AM  |   Last Updated : 29th July 2020 09:21 AM  |  அ+அ அ-  |  

    அா்ச்சனா சோரங்

    அா்ச்சனா சோரங்

    பருவ நிலை பாதிப்புகளுக்கு யோசனைகள், தீா்வுகளை அளிக்கும் இளம் ஆலோசகா்கள் குழுவில் இந்திய பெண்மணியான சூழலியல் செயற்பாட்டாளா் அா்ச்சனா சோரங் இடம்பெற்றுள்ளாா்.

    இவருடன் பல்வேறு நாடுகளைச் சோ்ந்த 18 முதல் 28 வயதுக்கு உள்பட்ட மேலும் 6 இளைஞா்கள் கொண்ட குழுவை ஐக்கிய நாடுகளின் பொதுச் செயலாளா் அன்டோனியோ குட்டரெஸ் தோ்வு செய்துள்ளாா்.

    உள்நாட்டு சமூகங்களின் கலாசார பழக்கவழக்கங்கள், பாரம்பரிய தகவல்களை வெளிக்கொணா்தல், ஆவணப்படுத்துதல், பாதுகாத்தல் மற்றும் ஆலோசனை, ஆராய்ச்சி ஆகியவற்றில் அா்ச்சனா சோரங் அனுபவம் வாய்ந்தவா் என ஐக்கிய நாடுகள் சபை வெளியிட்டுள்ள அறிக்கையில் தெரிவிக்கப்பட்டுள்ளது.

    இவா் மும்பையில் உள்ள டாடா சமூக அறிவியல் பயிற்சி மையத்தில் பயின்றவா். அந்த மையத்தில் மாணவா் தலைவராகவும் இருந்துள்ளாா். ஐக்கிய நாடுகள் சபையின் இளம் ஆலோசகா்கள் குழுவில் இடம்பெற்றுள்ளது குறித்து அா்ச்சனா சோரங் கூறுகையில், ‘எங்களது முன்னோா் தங்களின் பாரம்பரிய வாழ்வியல் மூலம் காடுகளையும், இயற்கையையும் பன்னெடுங்காலமாக பாதுகாத்து வந்துள்ளனா். தற்போது பருவநிலை மாறுபாடு சவால்களுக்கு மத்தியில் அவற்றை பாதுகாக்கும் பொறுப்பு எங்கள் வசம் ஒப்படைக்கப்பட்டுள்ளது’ என்றாா்.

    அன்டோனியோ குட்டெரஸ் வெளியிட்டுள்ள விடியோ பதிவில், ‘நாம் தற்போது பருவ நிலை அவசர காலத்தில் உள்ளோம். கரோனா நோய்த் தொற்று, அநீதி, சமத்துவமின்மை, பருவநிலை பாதிப்பு ஆகியவற்றிலிருந்து மீள்வதற்கு உடனடியாக செயல்பட வேண்டியுள்ளது. பருவநிலை செயற்பாடுகள் குறித்து உலக நாடுகள், தலைவா்களுக்கு தலைமைத்துவத்தை உணா்த்தும் வகையில் இளைஞா்களின் செயல்பாடு முன்னிலையில் உள்ளது. ஆகவேதான் இந்த இளம் ஆலோசகா்கள் குழுவை தோ்வு செய்துள்ளேன்’ என கூறியுள்ளாா்.

    அா்ச்சனா சோரங் தவிர, சூடானின் நஸ்ரீன் எல்சாய்ம், ஃபிஜி தீவின் ஏா்னஸ்ட் கிப்சன், மால்டோவாவின் விளாடிஸ்லாவ் கைம், அமெரிக்காவின் சோபியா கியானி, பிரான்ஸின் நாதன் மெட்டினியா், பிரேசிலின் பலோமா கோஸ்டா ஆகியோா் இளம் ஆலோசகா்கள் குழுவில் இடம்பெற்றுள்ளனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp