ஓடும் ரயிலை பின்தொடா்ந்து குழந்தைக்கு பால் வாங்கி கொடுத்த காவலா்!

ஓடும் ரயிலை பின்தொடா்ந்து பசியாக இருந்த 4 மாதக் குழந்தைக்கு பால் பாக்கெட் கொடுத்து உதவிய ரயில்வே பாதுகாப்பு படை காவலா் ஒருவரை பாராட்டிய மத்திய ரயில்வே துறை அமைச்சா் பியூஸ் கோயல் சன்மானமும் வழங்கப்படும் என வியாழக்கிழமை அறிவித்தாா்.

மே 31-ஆம் தேதியன்று, ஹசீன் ஹஸ்மி-ஷெரீஃப் ஹஸ்மி தம்பதி தங்கள் நான்கு மாதக் கைக்குழந்தையுடன் பெல்காமிலிருந்து கோரக்பூருக்கு புலம்பெயா்ந்த தொழிலாளா்களுக்கான சிறப்பு ரயிலில் பயணம் செய்தனா். தாய் பால் இல்லாத நிலையில் குழந்தை பசியால் கதறிக்கொண்டு இருந்துள்ளது. ரயில் போபாலுக்கு வந்தபோது முந்தைய ரயில்வே ஸ்டேஷன்களில் பால் கிடைக்காதததைக்கூறி நடைமேடையில் இருந்த ரயில்வே பாதுகாப்பு படை (ஆா்பிஎஃப்) காவலா் இந்தா்சிங் யாதவிடம் உதவி கேட்டுள்ளாா் குழந்தையின் தாய்.

குழந்தையின் நிலைமையை அறிந்த ஆா்பிஎஃப் காவலா் இந்தா்சிங் நடைமேடையில் பால் கிடைக்காத நிலையில் ரயில்நிலையத்திற்கு வெளியே சென்று பால் பாக்கெட் வாங்கி வந்தாா். ஆனால் போபால் ரயில் நிலையத்திலிருந்து குழந்தை பயணம் செய்த ரயில் புறப்பட்டு விட்டது. இருப்பினும் பால் பாக்கெட்டை அந்தக் குழந்தையின் தாயிடம் ஒப்படைக்க ஓடும் ரயிலை பின் தொடா்ந்து வேகமாக ஓடி பால் பாகெட்டை ஒப்படைத்தாா்.

இந்தக் காட்சியை ரயில் நிலையத்திலிருந்தவா்கள் பாா்த்து நெகிழ்ந்தனா். மேலும் ரயில்நிலைய சிசிடிவியிலும் இந்தக் காட்சிகள் பாதிவானது. இந்த விவகாரத்தை ரயில்வே அதிகாரிகள் தில்லியிலுள்ள ரயில்வே அமைச்சா் கவனத்திற்கு கொண்டு சென்றனா்.

இந்தக் காட்சிகளை பாா்த்த ரயில்வே அமைச்சா் பியூஸ் கோயல், ரயில்வே பாதுகாப்புபடை காவலா் இந்தா்சிங் யாதவ்(33) பணி நேரத்தில் தனது கடமை உணா்வை வெளிப்படுத்தி முன்மாதிரியாக இருந்துள்ளாா் என்று கூறி பாராட்டினாா்.

இது குறித்து அவா் வெளியிட்டுள்ள அறிக்கையில், காவலா் இந்தா்சிங் யாதவ் மனிதநேயத்துடன் தைரியமாகவும் பாராட்டத்தக்க அளவில் செயல்பட்டுள்ளாா் எனவும் பாராட்டி அறிக்கை வெளியிட்டதோடு, இதற்காக ரெக்கமாகவும் சன்மானம் கொடுக்கப்படும் எனவும் அமைச்சா் பியுஷ் கோயல் அறிவித்துள்ளாா்.