ஜாா்க்கண்டில் மாநிலங்களவை இடங்களுக்கான தோ்தலில், ஜாா்க்கண்ட் முக்தி மோா்ச்சா கட்சியின் தலைவா் சிபு சோரன் உள்ளிட்ட மூவா் போட்டியிடுகிறாா்கள்.
ஜாா்க்கண்டில் காலியாகவுள்ள 2 மாநிலங்களவை இடங்களுக்கான தோ்தல், வரும் 19-ஆம் தேதி நடைபெறவுள்ளது. இந்த தோ்தலுக்கான அறிவிப்பை தோ்தல் ஆணையம் இந்த ஆண்டின் தொடக்கத்தில் வெளியிட்டதும், சிபுசோரன், காங்கிரஸ் சாா்பில் ஷாஸ்தா அன்வா், பாஜக மாநிலத் தலைவா் தீபக் பிரகாஷ் ஆகியோா் கடந்த மாா்ச் மாதம் வேட்புமனுக்களை தாக்கல் செய்தனா்.
கடந்த மாா்ச் 26-ஆம் தேதி தோ்தல் நடைபெறுவதாக இருந்த நிலையில், கரோனா பொதுமுடக்கம் காரணமாக, தோ்தல் ஒத்திவைக்கப்பட்டது. இந்நிலையில், வரும் 19-ஆம் தேதி தோ்தல் நடைபெறவுள்ளது.
82 உறுப்பினா்களைக் கொண்ட ஜாா்க்கண்ட் சட்டப்பேரவையில், காங்கிரஸ் எம்எல்ஏ ராஜேந்திர பிரசாத் சிங் கடந்த மாதம் உயிரிழந்தாா். இரு தொகுதிகளில் வெற்றி பெற்றிருந்த சிபுசோரன், தும்கா தொகுதி எம்எல்ஏ பதவியை ராஜிநாமா செய்ததால், அந்தத் தொகுதியும் காலியாக உள்ளது. நியமன உறுப்பினா்களுக்கு வாக்குரிமை இல்லை.
எனவே, 82 உறுப்பினா்களைக் கொண்ட ஜாா்க்கண்ட் பேரவையில் 79 போ் வாக்களிக்க இருக்கிறாா்கள். இவா்களுக்குரிய வாக்குச்சீட்டுகள் அச்சிடப்பட்டு தயாா் நிலையில் வைக்கப்பட்டிருப்பதாக, பேரவைச் செயலகத்தின் மூத்த அதிகாரி ஒருவா் புதன்கிழமை கூறினாா்.
ஜாா்க்கண்ட் பேரவையில் ஜாா்க்கண்ட் முக்தி மோா்ச்சா கட்சிக்கு 29 எம்எல்ஏக்களும், பாஜகவுக்கு 25 எம்எல்ஏக்களும், காங்கிரஸ் கட்சிக்கு 15 எம்எல்ஏக்களும் உள்ளனா். இவா்கள் தவிர, ஜாா்க்கண்ட் விகாஸ் மோா்ச்சா (பிரஜாதந்திரிக்) உறுப்பினா்கள் 3 பேரும், அனைத்து ஜாா்க்கண்ட் மாணவா்கள் சங்க எம்எல்ஏக்கள் 2 பேரும், மாா்க்சிஸ்ட் லெனினிஸ்ட் கட்சி, தேசியவாத காங்கிரஸ், ராஷ்ட்ரீய ஜனதா தளம் கட்சிகளுக்கு தலா ஒரு உறுப்பினரும் சுயேச்சை எம்எல்ஏக்கள் 2 பேரும் உள்ளனா்.