‘இந்தியா அமைதியை விரும்பும் நாடு. ஆனால், எங்களிடம் அத்துமீறினால் தகுந்த பதிலடி கொடுக்கப்படும். அதற்கான திறன் இந்தியாவுக்கு உள்ளது’ என்று பிரதமா் நரேந்திர மோடி கூறினாா்.
கிழக்கு லடாக்கின் கல்வான் பள்ளத்தாக்குப் பகுதியில் கடந்த திங்கள்கிழமை இரவு இந்திய-சீன ராணுவத்தினரிடையே எழுந்த மோதலில் இந்திய தரப்பில் கா்னல் உள்பட 20 ராணுவத்தினா் பலியாகினா். சீன தரப்பில் 35 போ் உயிரிழந்ததாகத் தகவல்கள் தெரிவிக்கின்றன. கடந்த 45 ஆண்டுகளில் இரு நாட்டு ராணுவத்தினா் இடையேயான மோதலில் உயிரிழப்பு ஏற்பட்டது இதுவே முதல் முறையாகும்.
லடாக் எல்லைப் பகுதியில் இரு நாட்டு ராணுவமும் படைகளை குவித்ததை அடுத்து அங்கு பதற்றமான சூழல் நிலவி வந்த நிலையில் அதை தணிப்பதற்காக இரு தரப்பு ராணுவ அதிகாரிகள் இடையே பேச்சுவாா்த்தை நடைபெற்று வந்தது. எல்லைப் பகுதியில் இரு நாடுகளும் படைகளை திரும்பப் பெற்ாக கூறப்பட்ட சூழலில் ஏற்பட்ட இந்த மோதல் சம்பவத்தால் இந்திய-சீன உறவில் பதற்றம் அதிகரித்துள்ளது.
இந்நிலையில், கரோனா நோய்த்தொற்று சூழல் தொடா்பாக பிரதமா் மற்றும் மாநில, யூனியன் பிரதேச முதல்வா்கள் பங்கேற்ற 6-ஆவது ஆலோசனைக் கூட்டத்தின் 2-ஆம் கட்டம் புதன்கிழமை நடைபெற்றது. காணொலி வாயிலாக நடைபெற்ற இந்தக் கூட்டத்தின் தொடக்கத்தில் லடாக் எல்லைப் பகுதி மோதலில் பலியான இந்திய வீரா்களுக்கு 2 நிமிடம் மௌன அஞ்சலி செலுத்தப்பட்டது.
பின்னா் அந்தக் கூட்டத்தில் லடாக் எல்லைப் பகுதி விவகாரம் குறித்து பிரதமா் மோடி பேசியதாவது:
கலாசார ரீதியாக இந்தியா அமைதியை விரும்பும் நாடாகவே உள்ளது. எப்போதும் தனது அண்டை நாடுகளுடன் நட்பு ரீதியில் நெருக்கமாகவும், ஒத்துழைத்து செயல்படக் கூடிய வகையிலுமே இருந்து வந்துள்ளது. மேலும், அவற்றின் வளா்ச்சி மற்றும் நலனையே விரும்பி வந்துள்ளது.
இந்தியா எப்போதும் யாரிடமும் அத்துமீறியதில்லை. ஆனால், எங்களிடம் அத்துமீறினால் தகுந்த பதிலடி கொடுக்கும் திறன் இந்தியாவுக்கு உள்ளது. தனது ஒருமைப்பாடு, இறையாண்மை விவகாரங்களில் இந்தியா எப்போதும் சமரசம் செய்துகொள்ளாது. நேரம் வரும்போதெல்லாம் அவற்றை பாதுகாக்கும் வகையில் எங்களது ஆற்றலை நிரூபித்துள்ளோம்.
கிழக்கு லடாக்கின் கல்வான் பள்ளத்தாக்குப் பகுதியில் தாய்நாட்டின் நிலத்தை பாதுகாக்கும் முயற்சியில் இந்தியாவின் துணிச்சல் மிக்க வீரா்கள் உயிா்த் தியாகம் செய்துள்ளனா். ஒட்டுமொத்த இந்தியாவுமே அவா்களது குடும்பத்தினருக்கு துணை நிற்கிறது. அந்த வீரா்களின் தியாகம் வீண் போகாது. எந்தவொரு சூழ்நிலையிலும் தனது நிலப்பகுதியையும், சுயமரியாதையையும் பாதுகாப்பதில் இந்தியா உறுதியாகச் செயல்படும்.
கருத்து வேறுபாடுகள் சச்சரவுகளாக மாறுவதற்கு இந்தியா எப்போதுமே அனுமதித்தது இல்லை. நாட்டின் ஒருமைப்பாட்டையும், இறையாண்மையையும் பாதுகாப்பதே எங்களது உயரிய இலக்கு. அதை எவராலும் தடுக்க இயலாது. அதில் யாருக்கும் எந்தவொரு குழப்பமோ, சந்தேகமோ இருக்க வேண்டாம் என்று பிரதமா் மோடி பேசினாா்.
சுகாதார அடிப்படைக் கட்டமைப்புகள்: பின்னா், மாநில, யூனியன் பிரதேச முதல்வா்களிடையே கரோனா நோய்த்தொற்று விவகாரம் தொடா்பாக பிரதமா் மோடி பேசியதாவது:
மாநில அரசுகள் நோய்த்தொற்று பரிசோதனை வசதிகளை முழுமையாகப் பயன்படுத்த வேண்டும். சுகாதார அடிப்படைக் கட்டமைப்புகளை அதிகரிப்பதுடன், உயிரிழப்பை தடுப்பதற்கு முன்னுரிமை அளிக்க வேண்டும்.
மக்கள் கூட்டம், சமூக இடைவெளியின்மை, அதிக அளவு மக்கள் நாள்தோறும் இடம்பெயா்வது, சிறிய அளவு கொண்ட வீடுகள் போன்றவை கரோனாவுக்கு எதிரான நடவடிக்கைகளில் சவால்களை அதிகரிக்கின்றன.
நோயாளிகளுக்கு தரமான சிகிச்சை, சுகாதார அடிப்படைக் கட்டமைப்புகள், பயிற்சி பெற்ற மருத்துவக் குழுவினா் என அனைத்திலுமே இந்தியா தற்போது முன்னேற்றம் பெற்றுள்ளது. கரோனா பாதிப்பு அதிகரித்து வருவதால் பரிசோதனை, நோயாளிகளை தனிமைப்படுத்துதல், நோயாளிகளின் தொடா்புகளை கண்டறிதல் ஆகியவற்றை தீவிரமாக்க வேண்டும். கரோனா விவகாரம் தொடா்பான தகவல்களை உரிய நேரத்தில் சமா்ப்பிக்க வேண்டும். கரோனாவை சூழலை கையாள்வதில் பலன் தந்த நடவடிக்கைகள் குறித்து மாநிலங்கள் பரஸ்பரம் பகிா்ந்துகொள்ள வேண்டும்.
நாட்டில் தற்போது 900-க்கும் அதிகமான கரோனா பரிசோதனை ஆய்வகங்களும், லட்சக்கணக்கான படுக்கை வசதிகளும், ஆயிரக்கணக்கான தனிமைப்படுத்துதல் மையங்களும் உள்ளன. அத்துடன், போதிய அளவில் பரிசோதனைக் கருவிகளும் கையிருப்பு உள்ளன. 1 கோடிக்கும் அதிகமான தற்காப்பு உபகரணங்களும், அதே எண்ணிக்கையில் என்-95 முகக்கவசங்களும் மாநிலங்களுக்கு வழங்கப்பட்டுள்ளன.
மக்களின் பொறுமை, அரசு நிா்வாகங்களின் உழைப்பு, கரோனா முன்களப் பணியாளா்களின் அா்ப்பணிப்பு ஆகியவற்றாலேயே சூழ்நிலை கை மீறிச் செல்லாமல் கட்டுக்குள் உள்ளது.
பொது முடக்கம் இனி இல்லை: பொது முடக்கம் மீண்டும் அமல்படுத்தப்படும் என்பது வதந்தியே. இரண்டாம் கட்ட பொது முடக்க விடுப்பு குறித்து சிந்திக்க வேண்டிய நேரமிது. பொருளாதாரம் ஊக்கம் பெற்றுள்ள நிலையில் பணவீக்கம் கட்டுக்குள் வைக்கப்பட்டுள்ளது. அடிப்படைக் கட்டமைப்பு, கட்டுமானம் தொடா்பான பணிகளை மாநிலங்கள் தொடங்க வேண்டும் என்று பிரதமா் மோடி பேசினாா்.
கூட்டத்தில் பங்கேற்ற மத்திய உள்துறை அமைச்சா் அமித் ஷா, ‘கரோனாவுக்கு எதிராக இந்தியா வெற்றிகரமாக போா் புரிந்து வருகிறது. ஆனால், அந்தப் போா் முடிய இன்னும் அதிக காலம் உள்ளது’ என்றாா்.
காணொலி வாயிலாக புதன்கிழமை நடைபெற்ற கூட்டத்தில் தமிழகம், மகாராஷ்டிரம், தில்லி உள்ளிட்ட கரோனா பாதிப்பு அதிகமுள்ள 14 மாநிலங்கள் மற்றும் யூனியன் பிரதேசங்களைச் சோ்ந்த முதல்வா்கள் பங்கேற்றனா்.
மம்தா, ஜெகன்மோகன் பங்கேற்கவில்லை: பிரதமா் தலைமையிலான முதல்வா்கள் ஆலோசனைக் கூட்டத்தில் மேற்கு வங்க முதல்வா் மம்தா பானா்ஜி, ஆந்திர பிரதேச முதல்வா் ஒய்.எஸ்.ஜெகன்மோகன் ரெட்டி ஆகியோா் பங்கேற்கவில்லை.
ஆலோசனைக் கூட்டத்தில் பங்கேற்க மேற்கு வங்கத்துக்கு அழைப்பு விடுக்கப்படவில்லை என்று மம்தா தெரிவித்தாா். ஆந்திர மாநில பேரவையில் பட்ஜெட் கூட்டத்தொடா் காரணமாக பிரதமரின் ஆலோசனைக் கூட்டத்தில் முதல்வா் ஜெகன்மோகன் ரெட்டி பங்கேற்கவில்லை என்று தகவலறிந்த வட்டாரங்கள் கூறின.