Enable Javscript for better performance
Sushant's post mortem report! சுஷாந்த் சிங் ராஜ்புத்தின் பிரேதப்பரிசோதனை அறிக்கை!- Dinamani

சுடச்சுட

    

    வெளியானது நடிகர் சுஷாந்த் சிங் ராஜ்புத்தின் இறுதி பிரேதப்பரிசோதனை அறிக்கை!

    By IANS  |   Published on : 24th June 2020 08:00 PM  |   அ+அ அ-   |    |  

    sushanth final post mortem report out

    சுஷாந்த் சிங் ராஜ்புத்

     

    மும்பை: தற்கொலை செய்துகொண்ட பாலிவுட் நடிகர் சுஷாந்த் சிங் ராஜ்புத்தின் இறுதி பிரேதப்பரிசோதனை அறிக்கை வெளியாகியுள்ளது.          

    பிரபல ஹிந்தி திரைப்பட நடிகர் சுஷாந்த் சிங் ராஜ்புத் கடந்த 14-ஆம் தேதியன்று தற்கொலை செய்து கொண்டார்.  34 வயதான சுஷாந்த், மும்பை பந்த்ராவில் உள்ள தனது வீட்டில் தூக்கிட்டுத் தற்கொலை செய்து கொண்டார்.

    2013ல்  Kai po che என்ற படத்தில் அறிமுகமான இவர், கிரிக்கெட் வீரரும், இந்திய அணியின் முன்னாள் கேப்டனுமான எம்.எஸ். தோனியின் சுயசரிதை படத்தில் நடித்திருந்தார். இவர் நடித்த Kai po che, எம்.எஸ். தோனி - தி அன்டோல்டு ஸ்டோரி ஆகிய படங்களுக்கு  விருதுகளை பெற்றுள்ளார். 

    2019 ஆம் ஆண்டு வெளியான 'சிச்சோர்' இவரது நடிப்பில் வெளியான கடைசிப் படமாகும். மேலும் இவர் நடித்த 'தில் பச்சாரா' என்ற படம் மே 8 ஆம் தேதி வெளியாகத் திட்டமிடப்பட்டிருந்தது.

    இவரின் தற்கொலை செய்தி இந்தியத் திரையுலகில் பெரும் அதிர்ச்சியை ஏற்படுத்தியுள்ளது. திரையுலகினர் ரசிகர்கள் பலர் சமூக வலைத்தளங்களில் தங்களது இரங்கலை பதிவு செய்தனர். அதேநேரம் அவரது மரணத்தில் சந்தேகம் இருப்பதாகவும், இதுதொடர்பாக சிபிஐ விசாரணை நடத்த வேண்டும் என்றும், நடிகர் சேகர் சுமன் உள்ளிட்டோர் குரல் எழுப்பி வந்தனர்.    . 

    சுஷாந்தின் தற்கொலை குறித்து காவல்துறையினர் அவரது நெருங்கிய வட்டாரங்கள் உள்ளிட்ட அநேகம் பேரிடம் விசாரணை மேற்கொண்டு வருகின்றனர். 

    இந்நிலையில் சுஷாந்த் சிங் ராஜ்புத்தின் இறுதி பிரேதப்பரிசோதனை அறிக்கை புதனன்று வெளியாகியுள்ளது.

    ஐந்து மருத்துவர்கள் கையெழுத்திட்டுள்ள இந்த அறிக்கையில், ‘சுஷாந்தின் உடலில் மரணத்திற்கு முன் ஏதேனும் போரட்டங்கள் நடந்ததற்கான அறிகுறிகளோ அல்லது எந்த விதமான வெளிப்புறக் காயங்களோ எல்லை என்பது தெளிவாக கூறப்பட்டுள்ளது. அதே நேரம் அவரது விரல் நகங்களில் இருந்து சதைத்துணுக்கு உள்ளிட்ட எந்த விதமான பொருள்களும் கிடைக்கவில்லை என்றும் தெளிவுபடுத்தப்பட்டுள்ளது.

    முக்கியமாக தூக்கிலிட்டுக் கொண்டதன் காரணமாக ஏற்பட்ட மூச்சுத்திணறல்தான் இவரது மரணத்திற்கு முக்கியக் காரணம் என்றும் கூறப்பட்டுள்ளது. இதன்மூலம் அவரது மரணம் எந்த வித சந்தேகங்களும் இல்லாத தற்கொலை’ என்பது தெளிவாகிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp