நிலக்கரிச் சுரங்கத் துறையில் 100 சதவீத அந்நிய நேரடி முதலீட்டை அனுமதிக்கும் முடிவை மத்திய அரசு மறுபரிசீலனை செய்ய வேண்டும் என்று மேற்கு வங்க முதல்வா் மம்தா பானா்ஜி வலியுறுத்தியுள்ளாா்.
இதுதொடா்பாக, பிரதமா் நரேந்திர மோடிக்கு அவா் வியாழக்கிழமை இரவு கடிதம் எழுதியுள்ளாா். அதில், அவா் கூறியிருப்பதாவது:
நிலக்கரித் துறையில் 100 சதவீத அந்நிய நேரடி முதலீட்டை அனுமதிப்பதற்கு மத்திய அரசு கூறும் காரணம் ஏற்புடையதாக இல்லை. அரசின் கொள்கையால், வெளிநாடுகளில் இருந்து அந்நிய நேரடி முதலீடு வரப்போவதுமில்லை; வெளிநாட்டுத் தொழில்நுட்பமும் வரப்போவதில்லை.
தொடக்கத்தில் இருந்தே சுயசாா்பு இந்தியா திட்டத்தை பின்பற்றி வருகிறோம். இந்நிலையில், அரசின் அந்நிய நேரடி முதலீட்டுக் கொள்கை, அந்த திட்டத்தின் நோக்கத்தை சீா்குலைப்பதாக உள்ளது.
அண்மைக் காலமாக, சா்வதேச முதலீட்டாளா்கள் நிலக்கரிச் சுரங்கத் திட்டங்களைக் காட்டிலும் மரபுசாரா எரிசக்தித் துறையில் முதலீடு செய்வதில் ஆா்வம் காட்டி வருவதைக் கண்கூடாகப் பாா்க்க முடிகிறது. சுமாா் 100 சா்வதேச நிதி நிறுவனங்கள் தங்கள் முதலீடுகளை நிலக்கரித் துறையில் இருந்து வேறு துறைக்கு மடைமாற்றம் செய்துள்ளனா். எனவே இந்தக் கொள்கையால் நிலக்கரித் துறைக்கு அந்நிய நேரடி முதலீடு வரும் என்பது எட்டாக்கனியாகும்.
நாட்டின் ஒட்டுமொத்த நிலக்கரி வளத்தில் 80 சதவீதம் கிழக்குப் பகுதியில்தான் உள்ளது. இந்நிலையில், கோல் இந்தியா நிறுவனத்தின் நான்கு துணை நிறுவனங்களை கொல்கத்தாவில் இருந்து வேறு இடங்களுக்கு மாற்றுவதற்கு மத்திய அரசு திடீரென்று முடிவு எடுத்துள்ளது. இது, நிலக்கரித் துறை தொடா்புடைய அனைவரையும் பாதிப்புக்குள்ளாக்கும்.
எனவே, நிலக்கரித் துறையில் 100 சதவீத அந்நிய நேரடி முதலீட்டை அனுமதிக்கும் முடிவை பிதமா் மோடி மறுபரிசீலனை செய்ய வேண்டும். மேலும், கோல் இந்தியா நிறுவனத்தின் துணை நிறுவனங்களை கொல்கத்தாவில் இருந்து வேறு இடங்களுக்கு மாற்றும் முடிவையும் கைவிடுமாறு நிலக்கரித் துறை அமைச்சகத்தை பிரதமா் மோடி அறிவுறுத்த வேண்டும் என்று அந்தக் கடிதத்தில் மம்தா பானா்ஜி குறிப்பிட்டுள்ளாா்.