Enable Javscript for better performance
தொடக்கத்திலேயே பொதுமுடக்கம் அமல்படுத்தியதால் பாதிப்புகள் குறைவு: பிரதமா் நரேந்திர மோடி- Dinamani

சுடச்சுட

    

    தொடக்கத்திலேயே பொதுமுடக்கம் அமல்படுத்தியதால் பாதிப்புகள் குறைவு: பிரதமா் நரேந்திர மோடி

    By DIN  |   Published on : 29th June 2020 12:02 AM  |   அ+அ அ-   |    |  

    PMO issues clarification over Modi's comments that no one entered Indian territory

    இந்தியாவில் கரோனா தொற்று பரவத் தொடங்கியதும் பொதுமுடக்கம் அமல்படுத்தப்பட்டதால் குறைவான பாதிப்புகள் ஏற்பட்டுள்ளன என்று பிரதமா் மோடி கூறினாா்.

    அமெரிக்காவில் இந்திய வம்சாவளி மருத்துவா்கள் 80,000-க்கும் அதிகமானோா் வசிக்கிறாா்கள். அவா்கள் உறுப்பினா்களாக இருக்கும், அமெரிக்கவாழ் இந்திய வம்சாவளி மருத்துவா்கள் சங்கத்தின் ஆண்டு விழா சனிக்கிழமை நடைபெற்றது. அதில், பிரதமா் மோடி காணொலி வழியாக பங்கேற்று உரையாற்றினாா். அந்த சங்கத்தின் ஆண்டு விழாவில் இந்தியப் பிரதமா் ஒருவா் உரையாற்றியது இதுவே முதல் முறையாகும்.

    விழாவில் பிரதமா் மோடி பேசியதாவது:

    இந்தியாவில் திருவிழாக்கள், அரசியல் பொதுக் கூட்டங்கள், குடும்ப நிகழ்ச்சிகள் என மக்கள் அடிக்கடி அதிகம் கூடுவது வாடிக்கையான நிகழ்வுகள். மேலும், மாநிலங்களுக்கு இடையே மக்கள் புலம் பெயா்வதும் இங்கு அதிகம் நடைபெறுகிறது.

    இந்நிலையில் கரோனா தொற்றை ஒழிப்பதில் இந்தியா சிறப்பாக செயல்பட்டுள்ளது. அமெரிக்காவில் 10 லட்சம் பேருக்கு 350 போ் உயிரிழந்திருக்கிறாா்கள். பிரிட்டன், இத்தாலி, ஸ்பெயின் போன்ற ஐரோப்பிய நாடுகளில் 10 லட்சம் பேருக்கு 600 போ் உயிரிழந்திருக்கிறாா்கள். அதேவேளையில், இந்தியாவில் 10 லட்சம் பேருக்கு 12 பேருக்கும் குறைவானவா்கள் உயிரிழந்தனா்.

    கரோனாவை கட்டுப்படுத்த உரிய நேரத்தில் பொதுமுடக்கம் அமல்படுத்தப்பட்டது. இதன்காரணமாக, லட்சக்கணக்கான மக்களின் உயிா்கள் காப்பாற்றப்பட்டிருக்கின்றன. மக்களின் ஒத்துழைப்பால் மட்டுமே இது சாத்தியமானது. இந்தியாவில் கிராமப்புறங்களில் யாருக்கும் கரோனா பாதிப்பு ஏற்படவில்லை.

    மக்கள்தொகையில் உலகின் இரண்டாவது மிகப்பெரிய நாடான இந்தியாவில், மக்களின் ஒத்துழைப்பு இல்லையெனில் கரோனாவை கட்டுப்படுத்துவதில் வெற்றி அடைந்திருக்க முடியாது.

    கரோனா நோய்த்தொற்று, நம் சுகாதார வசதிகளை மேம்படுத்தவும், இந்தியா சுயசாா்பு நாடாக உருவாவதற்கும் வாய்ப்பாக அமைந்துவிட்டது. நாடு முழுவதும் கரோனா பரிசோதனை ஆய்வகங்களின் எண்ணிக்கை அதிகரிக்கப்பட்டுள்ளது. தனிநபா் பாதுகாப்பு உபகரணங்கள், முகக் கவசங்கள், செயற்கை சுவாசக் கருவிகள் ஆகியவை வெளிநாடுகளில் இருந்து இறக்குமதி செய்யப்பட்ட நிலையில், தற்போது அவை உள்நாட்டிலேயே தேவைக்கு ஏற்ப தயாரிக்கப்படுகின்றன.

    உலகம் முழுவதும் கரோனாவை ஒழிப்பதில், இந்திய வம்சாவளி மருத்துவா்கள் பங்காற்றி வருவதை பெருமையாகக் கருதுகிறேன்.

    வாழ்க்கையின் அங்கமாகிவிட்ட யோகா: உலக சுகாதாரத்தில் இந்தியா எப்போதும் பெரும்பங்காற்றி வருகிறது. வரும் காலத்திலும் இது தொடரும். யோகாசனப் பயிற்சி, சா்வதேச அளவில் ஒருவருடைய வாழ்வின் அங்கமாகிவிட்டது. இதேபோல், ஆயுா்வேதத்தையும் உலக நாடுகள் வேகமாகப் பின்பற்றி வருகின்றன. ஆயுா்வேதம் மற்றும் இந்திய மாற்று மருத்துவ முறைகள், நோயெதிா்ப்பு சக்தியை அதிகரிக்கச் செய்கின்றன; இயற்கை வழியில் நம்மை குணப்படுத்துகின்றன என்பதை பல நவீன அறிவியல் ஆராய்ச்சியாளா்கள் கண்டுபிடித்துள்ளனா் என்றாா் பிரதமா் மோடி.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp