Enable Javscript for better performance
ஆங்கிலத்தில் சரளமாக பேசி அசத்தும் மூதாட்டி: குவியும் லைக்குகள்!- Dinamani

உடனுக்கு உடன் செய்திகள்

    முகப்பு இந்தியா

    ஆங்கிலத்தில் சரளமாக பேசி அசத்தும் மூதாட்டி: குவியும் லைக்குகள்!

    By DIN  |   Published On : 03rd March 2020 02:47 PM  |   Last Updated : 03rd March 2020 02:52 PM  |  அ+அ அ-  |  

    old_lady

     

    ராஜஸ்தானைச் சேர்ந்த பக்வானி தேவி என்ற மூதாட்டி ஆங்கிலத்தில் சரளமாகப் பேசும் விடியோ சமூக வலைத்தளங்களில் அனைவராலும் பகிரப்பட்டு வருகின்றது. 

    ராஜஸ்தான் மாநிலத்தின் கிராமப் பகுதிகளில் பெரும்பாலானோர் கல்வியறிவு இல்லாதவர்களாகவே இன்றுவரை இருந்துவருகின்றனர். இந்நிலையில், ராஜஸ்தான், ஜூன்ஜூனு பகுதியைச் சேர்ந்த பக்வானி தேவி என்ற மூதாட்டி அசத்தலாக ஆங்கிலத்தில் சரளமாகப் பேசி அனைவரையும் வியக்க வைத்துள்ளார். இந்த விடியோ சமூக வலைத்தளங்களில் வைரலாக பரவி வருகிறது. 

    மூதாட்டியிடம் காந்தி பற்றிக் கேட்ட போது, உலகின் மிகச் சிறந்த தலைவர்களுள் ஒருவர், மிகவும் எளிமையானவர். அஹிம்சையை வலியுறுத்தியவர், தேசப்பிதாவான காந்தி இந்து இஸ்லாமியர்களை மிகவும் நேசித்தவர் என மளமளவென ஆங்கிலத்தில் பேசி தள்ளினார். மூதாட்டியின் ஆங்கில திறமையைக் கண்டு அனைவரும் அசந்துபோயினர். 

    இந்த வீடியோவை, ஐ.பி.எஸ்., அதிகாரி அருண் போத்ரா என்பவர் தனது டிவிட்டர் பக்கத்தில் பதிவிட்டிருந்தார். மூதாட்டிக்கு 10-க்கு எத்தனை மதிப்பெண் கொடுக்கலாம் எனவும் கேட்டிருந்தார். மூதாட்டிக்கு 10க்கு 100 மதிப்பெண்களை கொடுக்கலாம் என்று அவரவர் கருத்துக்களை பதிவிட்டு வருகின்றனர். 

    இந்த வீடியோ வெளியான ஒரே நாளில், மூன்று லட்சத்துக்கும் அதிகமானோர் விடியோவை பார்த்துப் பகிர்ந்துள்ளனர். 20 ஆயிரத்திற்கும் மேற்பட்டோர் பாராட்டிப் பதிவிட்டுள்ளனர்.

    நெட்டிசன்கள் சமூக ஊடகங்களில் பக்வானி தேவியை "ஆங்கிலம் பேசும் தாதி" என்று அன்பாக அழைத்து வருகின்றனர். ராஜீவ் காந்தியைப் பற்றி அவர் பேசும் மற்றொரு விடியோவும் சமூக ஊடகங்களில் அனைவரால் பகிரப்பட்டு ஆயிரக்கணக்கான லைக்குகளை அள்ளியுள்ளது என்பது குறிப்பிடத்தக்கது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp