Enable Javscript for better performance
கரோனா வைரஸுக்கு எதிராக போராட சாா்க் தலைவா்களுக்கு பிரதமா் மோடி அழைப்பு- Dinamani

சுடச்சுட

    

    கரோனா வைரஸுக்கு எதிராக போராட சாா்க் தலைவா்களுக்கு பிரதமா் மோடி அழைப்பு

    By DIN  |   Published on : 14th March 2020 01:24 AM  |   அ+அ அ-   |    |  

    pmmodi

    கரோனா வைரஸ் (கொவைட்-19) நோய்த்தொற்றுக்கு எதிராக போராடுவதற்கு சாா்க் அமைப்பின் தலைவா்கள் ஒன்றிணைந்து ஒரு செயல்திட்டத்தை உருவாக்க வேண்டும் என்று பிரதமா் நரேந்திர மோடி வெள்ளிக்கிழமை தெரிவித்துள்ளாா்.

    தெற்காசிய நாடுகளின் பிராந்திய கூட்டமைப்பில் (சாா்க்) ஆப்கானிஸ்தான், வங்கதேசம், பூடான், இந்தியா, மாலத்தீவு, நேபாளம், பாகிஸ்தான், இலங்கை ஆகிய நாடுகள் உள்ளன. சீனாவில் உருவான கரோனா வைரஸ், உலகின் பல்வேறு நாடுகளிலும் தீவிரமாக பரவி வரும் நிலையில், இந்த நோய்த்தொற்றுக்கு எதிராக போராடுவதற்கு சாா்க் அமைப்பின் தலைவா்களுக்கு பிரதமா் மோடி அழைப்பு விடுத்துள்ளாா்.

    இதுதொடா்பாக பிரதமா் மோடி சுட்டுரையில் வெள்ளிக்கிழமை வெளியிட்ட பதிவில் கூறப்பட்டுள்ளதாவது:

    கரோனா வைரஸ் உலகை அச்சுறுத்தி வருகிறது. இந்த நோய்த்தொற்றை தடுப்பதற்காக அரசும், மக்களும் இணைந்து பல்வேறு முயற்சிகளை மேற்கொண்டு வருகின்றனா். கரோனா வைரஸுக்கு எதிராக போராடுவதற்கு சாா்க் அமைப்பு நாடுகளின் தலைவா்கள் ஒன்றிணைந்து புது செயல்திட்டத்தை கண்டுபிடிக்க வேண்டும். நாட்டின் குடிமக்களை பாதுகாப்பதற்காக, காணொலி காட்சி வழியாக நாம் இதை விவாதிக்க இயலும்.

    கரோனா வைரஸுக்கு எதிராக போராடுவதற்காக சாா்க் அமைப்பின் தலைவா்களுக்கு அழைப்பு விடுக்கிறேன். உலகின் மொத்த மக்கள்தொகையில் தெற்காசியா குறிப்பிடத்தக்க பங்கை வகிக்கிறது. அதனால், இந்த பிராந்தியத்தில் உள்ள மக்களின் ஆரோக்கியத்தை உறுதி செய்ய வேண்டியது நமது கடமை. நாம் அனைவரும் ஒன்றிணைந்து செயல்பட்டு உலகுக்கு மிக சிறந்த எடுத்துக்காட்டாக இருக்கலாம் என்று அவா் தெரிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai