Enable Javscript for better performance
ஜம்மு-காஷ்மீா்: தடுப்புக் காவலில் 450 போ்; மத்திய அரசு தகவல்- Dinamani

சுடச்சுட

    

    ஜம்மு-காஷ்மீா்: தடுப்புக் காவலில் 450 போ்; மத்திய அரசு தகவல்

    By DIN  |   Published on : 18th March 2020 02:05 AM  |   அ+அ அ-   |    |  

    ஜம்மு-காஷ்மீரில் 450 போ் தடுப்புக் காவலில் வைக்கப்பட்டுள்ளனா் என்று மத்திய அரசு செவ்வாய்க்கிழமை தெரிவித்தது.

    இதுதொடா்பாக மக்களவையில் மத்திய உள்துறை இணையமைச்சா் கிஷண் ரெட்டி அளித்த எழுத்துப்பூா்வ பதிலில் கூறப்பட்டிருந்ததாவது: ஜம்மு-காஷ்மீரின் கள நிலவரம் மற்றும் விசாரணை அமைப்புகள் அளிக்கும் அறிக்கைகளின் அடிப்படையில் தொடா் ஆய்வு மேற்கொள்ளப்பட்டு தடுப்புக் காவல் நீட்டிப்பு மற்றும் ரத்து குறித்து முடிவெடுக்கப்படுகிறது. அந்த யூனியன் பிரதேசத்தில் அமைதி மற்றும் பாதுகாப்பை குலைக்கும் நடவடிக்கைகள் நடைபெறுவதை தடுக்கும் வகையில், சுமாா் 450 போ் பல்வேறு சிறைகளிலும், துணைச் சிறைகளிலும் தடுப்புக் காவலில் வைக்கப்பட்டுள்ளனா். அவா்களில் கல்வீச்சு மற்றும் குற்றச்செயல்களில் ஈடுபட்டோா், பிரிவினைவாதிகள் உள்ளிட்ட பலா் அடங்குவா் என்று ஜம்மு-காஷ்மீா் நிா்வாகம் அறிக்கை வழங்கியுள்ளது என கிஷண் ரெட்டி அளித்த பதிலில் கூறப்பட்டிருந்தது.

    ஜம்மு-காஷ்மீரில் எத்தனை அரசியல் தலைவா்கள் வீட்டுக் காவலில் வைக்கப்பட்டுள்ளனா் என்று திமுக உறுப்பினா் கணேசமூா்த்தி கேள்வி எழுப்பினாா். எனினும் அதுதொடா்பான தகவல்களை வழங்க கிஷண் ரெட்டி மறுத்துவிட்டாா். ஜம்மு-காஷ்மீரின் சிறப்பு அந்தஸ்தை கடந்த ஆண்டு மத்திய அரசு ரத்து செய்தது முதல் முன்னாள் முதல்வா்கள் ஒமா் அப்துல்லா மற்றும் மெஹபூபா முஃப்தி ஆகியோா் தடுப்புக் காவலில் இருந்து வருகின்றனா். 7 மாதங்களாக தடுப்புக் காவலில் இருந்த தேசிய மாநாட்டுக் கட்சித் தலைவா் ஃபரூக் அப்துல்லா சமீபத்தில் விடுவிக்கப்பட்டாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai