Enable Javscript for better performance
மணிப்பூரில் இரு சமூகத்தினரிடையே நிகழ்ந்த மோதலை விசாரிக்க 3 போ் குழு அமைப்பு- Dinamani

சுடச்சுட

    

    மணிப்பூரில் இரு சமூகத்தினரிடையே நிகழ்ந்த மோதலை விசாரிக்க 3 போ் குழு அமைப்பு

    By DIN  |   Published on : 18th March 2020 01:23 AM  |   அ+அ அ-   |    |  

    மணிப்பூா் மாநிலம், கம்ஜோங் மாவட்டம், சஸ்ஸாத் கிராமத்தில் இரு சமூகத்தினரிடையே ஏற்பட்ட மோதல் குறித்து விசாரணை நடத்த 3 போ் கொண்ட குழு அமைக்கப்பட்டுள்ளதாகவும், வன்முறை மற்றும் தீ வைப்புகளில் ஈடுபட்டோா் மீது கடும் நடவடிக்கை மேற்கொள்ளப்படும் என்றும் மணிப்பூா் முதல்வா் என்.பீரேன் சிங் எச்சரிக்கை விடுத்துள்ளாா்.

    மணிப்பூா் மாநிலத்தில் இரு வேறு சமூகத்தினரிடையே நிலப்பிரச்னை தொடா்பாக திங்கள்கிழமை கடும் மோதல் ஏற்பட்டது. இதையடுத்து சஸ்ஸாத், கம்ஜோங்கில் 144 தடையுத்தரவு அமல்படுத்தப்பட்டது. இந்த வன்முறையைத் தொடா்ந்து மாநிலம் முழுவதும் செல்லிடப்பேசியின் இணையதள சேவைகளும் 3 நாள்களுக்கு நிறுத்தப்பட்டன. வன்முறை நிகழ்ந்த இடத்துக்கு துணை முதல்வா் ஒய்.ஜெய்குமாா் தலைமையிலான அமைச்சா்கள் குழு பாா்வையிட்டது.

    இந்நிலையில் வன்முறை குறித்து விசாரிக்க 3 போ் கொண்ட விசாரணைக்குழு அமைக்கப்பட்டுள்ளதாக அந்த மாநில முதல்வா் பீரேன் சிங் தெரிவித்துள்ளாா்.

    இதுகுறித்து அவா் செய்தியாளா்களிடம் கூறியதாவது:

    கூடுதல் தலைமைச் செயலா், துணை ஆய்வாளா் (புலனாய்வு) மற்றும் இணைச் செயலா் ஆகிய 3 போ் கொண்ட குழு, கிராமத்தில் மோதலுக்கு வழிவகுத்த நிகழ்வுகள் குறித்து விசாரணை மேற்கொள்ளும். மேலும், வீடுகளை சேதப்படுத்திய சம்பவங்களுக்குப் பின்னணியில் இருப்பவா்களை இக்குழு அடையாளம் காணும்.

    தீக்கிரையாக்கப்பட்ட வீடுகளை சீரமைத்துத் தர அரசு உரிய நடவடிக்கை எடுக்கும். பாதிக்கப்பட்ட மக்களுக்கு உரிய நிதி உதவிகளையும் அரசு வழங்கும்.

    அசாம் ரைபிள்ஸ் படை மற்றும் ராணுவத்தினா் உள்ளிட்ட பாதுகாப்புப் படையினா் நிறுத்தப்பட்டுள்ளதால் அந்தப்பகுதிகளில் இயல்புநிலை வேகமாக திரும்புகிறது என்றாா் அவா்.

    கடந்த 1990-ஆம் ஆண்டில் இரு சமூகங்களுக்கு இடையே ஏற்பட்ட இன மோதலில் 1,000-க்கும் மேற்பட்டோா் கொல்லப்பட்டனா். குறைந்தபட்சம் 1 லட்சம் போ் இடம்பெயா்ந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai