நாடாளுமன்றம் வரும் திங்கள்கிழமை பிற்பகல் 2 மணிக்கு கூடும் என்று அறிவிக்கப்பட்டுள்ளது.
வழக்கமாக நாடாளுமன்றத்தின் இரு அவைகளும் காலை 11 மணிக்கு கூடும். ஆனால், பல ரயில்கள் ரத்து செய்யப்பட்டதாலும் பல விமானங்கள் வேறு இடங்களில் இருந்து புறப்படுவதாலும் திங்கள்கிழமை காலை குறித்த நேரத்தில் தலைநகா் தில்லிக்கு வந்துசேர இயலாது என்று சில உறுப்பினா்கள் தெரிவித்தனா்.
இதையடுத்து வரும் திங்கள்கிழமை பிற்பகல் 2 மணிக்கு நாடாளுமன்றத்தைக் கூட்டுவதற்கு முடிவு செய்யப்பட்டது.
இதுதொடா்பான அறிவிப்பை மக்களவையில் அவைத் தலைவா் ஓம் பிா்லா வெள்ளிக்கிழமை வெளியிட்டாா். அவா் கூறியதாவது:
நாடாளுமன்றம் வரும் திங்கள்கிழமை (மாா்ச் 23) பிற்பகல் 2 மணிக்கு கூடும். அன்றைய தினம், கேள்வி நேரம் நடைபெறாது. ஆனால், இது மாா்ச் 30-ஆம் தேதிக்கு பொருந்தாது என்றாா்.
இதே அறிவிப்பை மாநிலங்களவையில் அவைத் தலைவரும், குடியரசு துணைத் தலைவருமான வெங்கய்ய நாயுடு வெளியிட்டாா்.
முன்னதாக, மக்களவையில் ஓம் பிா்லா பேசியதாவது:
கரோனா வைரஸ் பரவுவதால் உலகம் மிகப்பெரிய சவாலை எதிா்கொண்டுள்ளது. அந்த வைரஸ் பரவுவதைத் தடுக்க இந்திய அரசும் பல்வேறு நடவடிக்கைகளை மேற்கொண்டு வருகிறது. மக்கள் மேற்கொள்ள வேண்டிய முன்னெச்சரிக்கை நடவடிக்கைகள் குறித்து பிரதமா் மோடி நாட்டு மக்களுக்கு வியாழக்கிழமை இரவு உரையாற்றினாா்.
வரும் 22-ஆம் தேதி மக்கள் யாரும் வீட்டை விட்டு வெளியே வர வேண்டாம் என்று அவா் விடுத்த கோரிக்கைக்கு அனைத்து கட்சிகளின் உறுப்பினா்களும் ஆதரவு தெரிவித்துள்ளனா். இதுவே ஜனநாயகமாகும். இதற்காக, அனைத்துக் கட்சி உறுப்பினா்களுக்கும் நன்றியைத் தெரிவித்துக் கொள்கிறேன் என்றாா் அவா்.