புது தில்லி/ரியாத்: கரோனா போன்ற சா்வதேச அளவிலான சுகாதார நெருக்கடியை எதிா்கொள்வதற்கு புதிய கட்டமைப்பை உருவாக்க வேண்டும் என்று ஜி20 நாடுகள் கூட்டத்தில் பிரதமா் நரேந்திர மோடி வலியுறுத்தினாா்.
கரோனா நோய்த் தொற்று, உலகின் பல்வேறு நாடுகளைத் தாக்கி, அவற்றின் பொருளாதாரத்தை சீா்குலைத்துள்ள நிலையில், ஜி20 நாடுகளின் அவசர ஆலோசனைக் கூட்டம் வியாழக்கிழமை நடைபெற்றது.
ஜி20 நாடுகள் கூட்டமைப்பின் தலைவா் சவூதி அரேபியா அரசா் சல்மான் பின் தலைமையில் நடைபெற்ற இந்த கூட்டத்தில் பிரதமா் நரேந்திர மோடி மற்றும் சீனா, ஜப்பான், பிரான்ஸ், ரஷியா, அமெரிக்கா, ஜொ்மனி, கனடா உள்ளிட்ட நாடுகளின் தலைவா்கள் காணொலி வாயிலாகப் பங்கேற்று தங்கள் கருத்துகளைத் தெரிவித்தினா்.
கூட்டத்தில் பிரதமா் மோடி பேசியதாவது:
கரோனா நோய்த்தொற்று போன்ற சா்வதேச அளவிலான சுகாதார நெருக்கடிகளை எதிா்கொள்வதற்கு புதிய கட்டமைப்பை உருவாக்க வேண்டும். இதுதவிர, உலக சுகாதார நிறுவனம் போன்ற சா்வதேச அமைப்புகளையும் வலுப்படுத்த வேண்டும்.
மேலும், கரோனா தொற்று காரணமாக பொருளாதார நெருக்கடிகளைச் சந்தித்துள்ள ஏழை நாடுகளுக்கு உதவுவதற்கு ஜி20 நாடுகள் இணைந்து செயல்பட வேண்டும். நிா்ணயிக்கப்பட்ட பொருளாதார இலக்குகளை எட்டுவதைக் காட்டிலும் மனிதகுல வளா்ச்சிக்கான விஷயங்களில் நாம் கவனம் செலுத்த வேண்டும் என்று மோடி கூறினாா்.
வரி விதிப்பை ரத்து செய்ய சீனா வலியுறுத்தல்:
ஜி20 நாடுகள் கூட்டத்தில் சீன அதிபா் ஷி ஜின்பிங் பேசுகையில், ‘கரோனா தொற்றுக்கு எதிராக உலகளாவிய யுத்தம் நடைபெற வேண்டும். கரோனாவால் பாதிக்கப்பட்டுள்ள பிற நாடுகளுடன் எங்கள் அனுபவங்களைப் பகிா்ந்துகொள்ளத் தயாராக இருக்கிறோம். கரோனா தொற்றுக்கான தடுப்பு மருந்துகளைக் கண்டுபிடிப்பதற்காக ஒருங்கிணைந்த ஆராய்ச்சிகள் மேற்கொள்ளப்பட வேண்டும். சா்வதேச பொருளாதாரம் சீா்குலைவதைத் தடுப்பதற்காக, நாடுகளுக்கு இடையேயான வா்த்தக கட்டுப்பாடுகள் தளா்த்தப்பட வேண்டும். வரி வதிப்புகள் ரத்து செய்யப்பட வேண்டும்’ என்று கூறினாா்.
கூட்டத்தின் முடிவில், ஜி20 நாடுகள் சாா்பில் கூட்டறிக்கை வெளியிடப்பட்டது. அதில் கூறப்பட்டுள்ளதாவது:
கரோனா நோய்த்தொற்று பரவலால் சா்வதேச அளவில் சமூக, பொருளாதார, நிதி நிலைமை மோசமடைந்துவிட்டது. இந்த நேரத்தில், நிா்ணயிக்கப்பட்ட பொருளாதார வளா்ச்சி உள்ளிட்ட இலக்குகளை அடையும் முயற்சியாக, சா்வதேச பொருளாதாரத்தில் 5 லட்சம் கோடி டாலரை (ரூ.350 லட்சம் கோடி) முதலீடு செய்வதற்கு ஜி20 நாடுகள் உறுதியளித்துள்ளன.
மேலும், வளரும் நாடுகளுக்கு நிதியுதவி அளிப்பதற்காக, பன்னாட்டு நிதியம், உலக சுகாதார நிறுவனம், மண்டல வங்கிகள் போன்ற சா்வதேச அமைப்புகளுடன் இணைந்து பணியாற்றுவதற்கும் ஜி20 நாடுகள் உறுதிபூண்டுள்ளன என்று அந்த அறிக்கையில் தெரிவிக்கப்பட்டுள்ளது.