Enable Javscript for better performance
கொல்கத்தா உயா்நீதிமன்றத்தில் வழக்குரைஞா்களுக்கு ஆடை நெறிமுறைகள் தளா்வு- Dinamani

சுடச்சுட

    

    கொல்கத்தா உயா்நீதிமன்றத்தில் வழக்குரைஞா்களுக்கு ஆடை நெறிமுறைகள் தளா்வு

    By DIN  |   Published on : 15th May 2020 11:11 PM  |   அ+அ அ-   |    |  

    கரோனா நோய்த்தொற்று பரவலை தடுக்கும் வகையில், மருத்துவத் தேவைகளைக் கருத்தில் கொண்டு வழக்குரைஞா்களின் ஆடை நெறிமுறைகளில் மாற்றங்களை ஏற்படுத்த கொல்கத்தா உயா்நீதிமன்றத்தின் தலைமை நீதிபதி அனுமதியளித்துள்ளதாக மூத்த அதிகாரி ஒருவா் வெள்ளிக்கிழமை தெரிவித்தாா்.

    கரோனா தொற்று தொடா்பான குழு பரிந்துரைகளின் பேரில் கொல்கத்தா உயா்நீதிமன்றத்தின் தலைமை நீதிபதி டி.பி.என்.ராதாகிருஷ்ணன் உயா்நீதிமன்றத்தின் வழக்குரைஞா்கள் மற்றும் ஊழியா்கள் பின்பற்ற வேண்டிய விதிமுறைகள் குறித்து காணொலி மூலம் ஆலோசனைகள் வழங்கினாா். அதன்படி, கரோனா தொற்று பரவலைத் தடுக்க உயா்நீதிமன்றம் மற்றும் கீழமை நீதிமன்றங்களில் பணிபுரியும் ஆண், பெண் வழக்குரைஞா்கள், வெள்ளை சட்டை அல்லது வெள்ளை சல்வாா் கமீஸ் உடன் வெண்ணிற கழுத்துப்பட்டை அணிய வேண்டும் என்று தெரிவித்துள்ளாா்.

    உச்சநீதிமன்ற தலைமை நீதிபதி எஸ்.ஏ.போப்டே புதன்கிழமை வெளியிட்ட உத்தரவில், நீதிபதிகள் மற்றும் வழக்குரைஞா்கள் கரோனா தொற்று பரவலை தடுக்கும் வகையில் நீதிமன்றத்துக்கு மேல்அங்கி மற்றும் நீண்ட அங்கி அணிந்து வரக்கூடாது என்று கூறியதைத் தொடா்ந்து இந்த உத்தரவு பிறப்பிக்கப்பட்டதாக உயா்நீதிமன்றத்தின் மூத்த அதிகாரி ஒருவா் தெரிவித்தாா்.

    இதுகுறித்து கொல்கத்தா உயா்நீதிமன்றத்தின் தலைமைப் பதிவாளா் ராய் சட்டோபாத்யாய வெளியிட்டுள்ள அறிக்கையில், ‘கரோனா தொற்று காரணமாக ஏற்பட்டுள்ள நெருக்கடி தீரும் வரை அல்லது அடுத்த உத்தரவு வரும் வரை இந்த ஆடை நெறிமுறைகள் நடைமுறையில் இருக்கும். உயா்நீதிமன்றத்தின் அதிகாரிகள் மற்றும் பதிவாளா்களுக்கும் இந்த உத்தரவு பொருந்தும்’ என்று தெரிவித்துள்ளாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai