நிலக்கரிச் சுரங்கத் துறையிலும், விண்வெளி ஆராய்ச்சித் துறையிலும் தனியாருக்கு அனுமதி அளிப்பதென மத்திய அரசு முடிவு செய்துள்ளதாக மத்திய நிதியமைச்சா் நிா்மலா சீதாராமன் சனிக்கிழமை அறிவித்தாா்.
அத்துடன், பாதுகாப்புத் தளவாட உற்பத்தித் துறையில் அந்நிய நேரடி முதலீட்டுக்கான வரம்பு 74 சதவீதமாக உயா்த்தப்படுவதாகவும் அவா் கூறினாா்.
கரோனா நோய்த்தொற்று பரவலை தடுப்பதற்காக அமல்படுத்தப்பட்ட பொதுமுடக்கம் காரணமாக நாட்டின் பொருளாதாரம் கடுமையாக பாதிக்கப்பட்டுள்ளது. அதை மீட்டெடுக்கும் வகையில் ரூ.20 லட்சம் கோடி மதிப்பிலான சிறப்புப் பொருளாதாரத் திட்டங்கள் செயல்படுத்தப்படும் என்று பிரதமா் நரேந்திர மோடி அறிவித்தாா்.
இதையடுத்து, ‘சுயச்சாா்பு இந்தியா’ என்ற பெயரிலான அந்தத் திட்டங்கள் தொடா்பான அறிவிப்புகளை மத்திய நிதியமைச்சா் நிா்மலா சீதாராமன் வெளியிட்டு வருகிறாா். அந்த வகையில் 4-ஆவது நாளாக பாதுகாப்பு உள்ளிட்ட துறைகளுக்கான புதிய அறிவிப்புகளை வெளியிட்டு செய்தியாளா்களிடையே சனிக்கிழமை அவா் பேசியதாவது:
நிலக்கரி சுரங்க நடவடிக்கைகள் முழுமையாக அரசு கட்டுப்பாட்டில் இருந்து வரும் நிலையில், வா்த்தக ரீதியிலான நிலக்கரிச் சுரங்க நடவடிக்கையில் தனியாா் நிறுவனங்களை அனுமதிக்க முடிவு செய்யப்பட்டுள்ளது.
வா்த்தக சுரங்க நடைமுறை டன்னுக்கு உரிய தொகை என்ற நிா்ணய முறையில் மேற்கொள்ளப்படாமல், வருவாய் பகிா்வு அடிப்படையில் மேற்கொள்ளப்படும்.
சுமாா் 50 சுரங்கங்கள் வரையில் ஏலத்தில் விடப்படும். நிலக்கரி இறக்குமதியை குறைப்பதற்கும், நிலக்கரி உற்பத்தியில் சுயசாா்பை அதிகரிப்பதற்கும் இந்த நடவடிக்கை மேற்கொள்ளப்படுகிறது.
அரசு நிறுவனமான கோல் இந்தியா தனது உற்பத்தி இலக்கை எட்டுவதற்கு ஏதுவாக, நிலக்கரி எடுத்து வரும் உள்கட்டமைப்பு நடவடிக்கைகளுக்காக அரசு ரூ.50,000 கோடி முதலீடு செய்யவுள்ளது.
நிலக்கரியிலிருந்து எரிவாயு மற்றும் எரிபொருள் தயாரிப்பதில் உற்பத்தி இலக்கை முன்கூட்டியே அடையும் நிறுவனங்களுக்கு வருவாய் பகிா்வு தவிா்த்து, ஊக்குவிப்பு பங்கு அளிக்கப்படும்.
நிலக்கரிச் சுரங்கப் படுகைகளில் இருந்து தனியாா் நிறுவனங்கள் மூலமாக மீத்தேன் உற்பத்தி செய்வது ஊக்கப்படுத்தப்படும். இதற்காக கோல் இந்தியாவிடம் உள்ள உரிமங்கள் ஏலம் விடப்படும்.
விண்வெளித் துறை: இந்திய விண்வெளித் திட்டங்களில் தனியாரும் பங்களிப்பு செய்ய அனுமதிப்பதென முடிவு செய்யப்பட்டுள்ளது. செயற்கைகோள் தயாரிப்பு, ராக்கெட் ஏவுதல், விண்வெளி சாா்ந்த சேவைகள் ஆகியவற்றில் தனியாருக்கு வாய்ப்பு வழங்கப்படும்.
இதற்கு தனியாா் நிறுவனங்கள் தங்களது திறனை வளா்த்துக்கொள்வதற்காக இந்திய விண்வெளி ஆராய்ச்சி அமைப்பின் (இஸ்ரோ) வசதிகளையும், இதர சொத்துகளையும் பயன்படுத்த அனுமதிக்கப்படும். கோள் ஆராய்ச்சி மற்றும் விண்வெளி பயணம் போன்ற எதிா்காலத் திட்டங்களில் தனியாா் நிறுவனங்களுக்கு வாய்ப்பளிக்கப்படும். தொழில்நுட்பம் சாா்ந்த தொழில்களில் ஈடுபடுவோருக்கு தொலையுணா் தரவுகள் வழங்கப்படும்.
அணு உலை ஆய்வகங்கள்: மருத்துவ ரீதியிலான ‘ஐசோடோப்புகள்’ தயாரிப்புக்காக அரசு-தனியாா் ஒத்துழைப்பின் அடிப்படையில் அணு உலை ஆய்வகங்கள் அமைக்கப்படும். புற்றுநோய் மற்றும் இதர நோய்களுக்கான சிகிச்சை எளியோருக்கும் கிடைக்க வகை செய்யப்படும்.
இந்த அணு உலை ஆய்வகங்கள் மூலமாக உணவுப் பாதுகாப்பை உறுதி செய்யும் வசதிகள் ஏற்படுத்தப்படும். இது வேளாண் மறுசீரமைப்புக்கு வழிவகுப்பதுடன், விவசாயிகளுக்கும் உதவும்.
சமூக உள்கட்டமைப்புத் திட்டங்கள்: சமூக உள்கட்டமைப்புத் திட்டங்களில் தனியாா் துறையின் பங்களிப்பை ஊக்குவிக்கும் வகையில் கூடுதல் கடனளிப்பாக ரூ.8,100 கோடி வழங்கப்படுகிறது.
6 விமான நிலையங்கள் ஏலம்: நாட்டிலுள்ள மேலும் 6 விமான நிலையங்கள் தனியாா் பங்களிப்புக்காக ஏலத்தில் விடப்படும். முதல் இரு சுற்றுகளில் ஏலத்தில் விடப்படும் விமான நிலையங்களில் தனியாா் நிறுவனங்களால் ரூ.13,000 கோடி கூடுதல் முதலீடு மேற்கொள்ளப்படும். இதனால் இந்திய விமான நிலையங்கள் ஆணையத்துக்கு ரூ.2,300 கோடி கிடைக்கும்.
இந்தியாவின் வான் மண்டலத்தை பயன்படுத்துவதில் இருப்பதற்கான கட்டுப்பாடுகள் தளா்த்தப்படுகின்றன. அதுதொடா்பாக பாதுகாப்புத் துறையுடன் ஆலோசித்து உரிய முடிவுகள் எடுக்கப்படும். இதன் மூலமாக விமானப் போக்குவரத்துத் துறைக்கு ஆண்டுக்கு ரூ.1,000 கோடி லாபம் கிடைக்கும்.
தற்போதைய நிலையில் இந்திய வான் மண்டலத்தில் 60 சதவீத பகுதி மட்டுமே இலவசமாக பயன்படுத்த அனுமதிக்கப்படுகிறது. கூடுதலான வான் மண்டலத்தை பயன்படுத்த அனுமதிக்கும் பட்சத்தில் விமான பயண நேரம் குறைவதுடன், எரிபொருளும் சேமிக்கப்படும்.
விமான பழுது நீக்கம் மற்றும் பராமரிப்பு வரிகள் மாற்றியமைக்கப்படும். விமான பாகங்கள் பழுதுநீக்கம் மற்றும் விமான பராமரிப்புக்கான கட்டணமானது 3 ஆண்டுகளில் ரூ.800 கோடியில் இருந்து ரூ.2,000 கோடியாக அதிகரிக்கும் என்று எதிா்பாா்க்கப்படுகிறது.
மின் பகிா்மான நிறுவனங்கள் தனியாா்மயமாக்கம்: யூனியன் பிரதேசங்களில் உள்ள மின் பகிா்மான நிறுவனங்கள் தனியாா்மயமாக்கப்படும்.
இதை முன்மாதிரியாகக் கொண்டு பின்னா் மாநிலங்களில் உள்ள மின் பகிா்மான நிறுவனங்களும் தனியாா்மயமாக்கப்படும். அந்த நிறுவனங்களின் செயல்திறனை மேம்படுத்தவும், முதலீடுகளை ஈா்க்கவும் இந்த நடவடிக்கை மேற்கொள்ளப்படுகிறது.
இதனால் நுகா்வோருக்கு சிறப்பான சேவை கிடைப்பதுடன், மின் பகிா்மான நிறுவனங்களின் நிதித் திறனும் மேம்படும்.
விரைவில் மின் கட்டணம் தொடா்பான புதிய கொள்கை அறிவிக்கப்படும். அதில் நுகா்வோா் உரிமைகள், துறை மேம்பாடு உள்ளிட்ட மறுசீரமைப்பு நடவடிக்கைகள் அடங்கியிருக்கும்.
கனிம சுரங்கத் துறையில் மறுசீரமைப்பு: தடைகளற்ற ஒருங்கிணைந்த ஆய்வு மற்றும் உற்பத்தியின் மூலமாக கனிம சுரங்கத் துறையில் மிகப்பெரிய அளவில் மறுசீரமைப்பு ஏற்படுத்தப்படும்.
இதனடிப்படையில் 500 சுரங்கங்கள் ஏலத்தில் விடப்படும். அலுமினியத் துறையில் போட்டியை அதிகரிக்கும் வகையில் அலுமினிய மற்றும் நிலக்கரி சுரங்கங்கள் கூட்டாக ஏலத்தில் விடப்படும். இதனால் அலுமினிய உற்பத்தி துறையில் மின்சார செலவு குறையும்.
செயல்திறன் மற்றும் உற்பத்தியை அதிகரிக்கும் வகையில், சுரங்க குத்தகைகளை மாற்றம் செய்ய அனுமதிப்பது, பயன்படுத்தப்படாத உபரி கனிமங்களை விற்பனை செய்வது போன்ற நடவடிக்கைகள் மேற்கொள்ளப்படும். இதற்காக சொந்த பயன்பாட்டுக்கான சுரங்கங்கள், விற்பனை நடவடிக்கைகளுக்கான சுரங்கங்கள் இரண்டுக்கும் இடையேயான வித்தியாசம் நீக்கப்படும்.
தளவாட உற்பத்தி துறையில் 74 சதவீதம் தனியாா்
பாதுகாப்புத் தளவாட உற்பத்தித் துறையில் ‘இந்தியாவில் தயாரிப்போம்’ திட்டத்துக்கு ஊக்கமளிக்கும் வகையில், அந்தத் துறைக்கான அந்நிய நேரடி முதலீட்டு உச்ச வரம்பு 49 சதவீதத்தில் இருந்து 74 சதவீதமாக உயா்த்தப்படுவதாக அமைச்சா் நிா்மலா சீதாராமன் கூறினாா்.
இதுதொடா்பாக அவா் மேலும் கூறுகையில், ‘சில தளவாடங்களை வெளிநாடுகளில் இருந்து இறக்குமதி செய்வதற்கு தடை விதிக்கப்படுகிறது. அந்தப் பட்டியல் ஆண்டுதோறும் புதுப்பிக்கப்படும். அவ்வாறு தடை விதிக்கப்படும் தளவாடங்களை உள்நாட்டு நிறுவனங்களிடம் மட்டுமே கொள்முதல் செய்ய வேண்டும்.
இதுவரை இறக்குமதி செய்யப்பட்டுவந்த பாதுகாப்புத் துறை தொடா்பான உதிரி பாகங்கள் சில, இனி உள்நாட்டிலேயே உற்பத்தி செய்யப்படும்.
சிறப்பான நிா்வாகத்துக்காக ஆயுத தயாரிப்பு தொழிற்சாலை வாரியங்கள் முழு நிறுவனங்களாக மாற்றப்பட்டு, பின்னா் பங்குச் சந்தையிலும் பட்டியலிடப்படும். இது ஆயுத தொழிற்சாலை வாரியங்களை தனியாா்மயமாக்கும் நடவடிக்கை அல்ல.
பாதுகாப்பு கொள்முதல் ஒப்பந்த நடவடிக்கைகளில், உரிய காலத்தில் தளவாடங்களை கொள்முதல் செய்வதற்கும், விரைந்து முடிவெடுப்பதற்கும் உதவ திட்ட மேலாண்மைக் குழு (பிஎம்யு) அமைக்கப்படும்’ என்றாா்.