நிறுவனங்கள் திவாலாவது தொடர்பான விதிமுறைகளில் மாற்றம் செய்யப்பட்டுள்ளதாக மத்திய நிதியமைச்சர் நிர்மலா சீதாராமன் அறிவித்துள்ளார்.
பிரதமர் நரேந்திர மோடி அறிவித்த தற்சார்பு இந்தியா திட்டத்தின் கீழ் 5 ஆம் கட்ட அறிவிப்புகளை மத்திய நிதியமைச்சர் நிர்மலா சீதாராமன் இன்று வெளியிட்டு பேசியதாவது:
ஊரடங்கு காலத்தில் கடன்களை கட்ட முடியாத சூழல் இருந்தாலும் நிறுவனங்கள் மீது நடவடிக்கை எடுக்கப்பட மாட்டாது. ஊரடங்கு காலத்தில் ஏற்பட்ட இழப்புகளை சரிசெய்யும் வகையில் நிறுவனங்கள் திவாலாவது தொடர்பான சட்டத்தில் திருத்தம் மேற்கொள்ளப்படும்.
அதன்படி, ரூ. 1 கோடி வரை வசூல் செய்யப்பட வேண்டிய நிறுவனங்கள் மட்டுமே திவாலானதாக அறிவிக்கப்படும். முன்னதாக இது ரூ. 1 லட்சமாக இருந்த நிலையில், தற்போது ரூ. 1 கோடியாக அதிகரிக்கப்பட்டுள்ளது.
நிறுவனங்கள் திவாலாகும் நிலை ஏற்பட்டால் நடவடிக்கை எடுக்கும் காலம் 6 மாதத்தில் இருந்து ஓராண்டாக அதிகரிக்கப்பட்டுள்ளது. மொத்தமாக நிறுவன விதிமுறை மீறல்கள் தொடர்பான நடவடிக்கைகள் கடுமையாக குறைக்கப்பட்டுள்ளன.
மேலும், அனைத்து தொழில்துறைக்கான விதிமுறைகள் எளிமையாக்கப்படுகிறது. சிறு, குறு தொழில்துறைக்கான சிறப்பு திவால் சட்டம் உருவாக்கப்படும் என்றார்.