குவாலியா்: மத்திய பிரதேச மாநிலம், குவாலியரில் கடைகளுடன் கூடிய அடுக்குமாடி குடியிருப்பில் ஏற்பட்ட தீ விபத்தில் 4 குழந்தைகள், 3 பெண்கள் என மொத்தம் 7 போ் உயிரிழந்தனா். 4 போ் தீக்காயம் அடைந்தனா்.
இந்த விபத்து குறித்து காவல் துறை ஏடிஎஸ்பி சத்யேந்திர சிங் தோமா் கூறியதாவது:
குவாலியரில் உள்ள இந்திரகஞ்ச் நகரில் கடைகளுடன் கூடிய அடுக்குமாடி குடியிருப்பு உள்ளது. இதன் கீழ்த்தளத்தில் உள்ள ஒரு பெயிண்ட் கடையில் காலை 10 மணியளவில் தீ விபத்து ஏற்பட்டது. பெயிண்ட் மற்றும் வண்ணப்பூச்சு பொருள்கள் எளிதில் தீப்பற்றிக் கொள்ளக் கூடியது என்பதால் தீ வேகமாகப் பரவி, அந்த கட்டடம் முழுவதும் புகையால் சூழ்ந்தது. இதில், இரண்டாவது மாடியில் இருந்த 4 குழந்தைகள், 3 பெண்கள் மூச்சுத்திணறி உயிரிழந்தனா். பலத்த காயமடைந்த 4 போ் மருத்துவமனையில் அனுமதிக்கப்பட்டுள்ளனா்.
கீழ்தளத்தில் இயங்கி வந்த அந்த பெயிண்ட் கடையை 3 சகோதரா்கள் நடத்தி வந்தனா். உயிரிழந்த 7 பேரும், இவா்களின் குடும்பத்தைச் சோ்ந்தவா்கள் ஆவா். விபத்துக்கான காரணம் இன்னும் கண்டறியப்படவில்லை என்றாா் சத்யேந்திர சிங் தோமா்.