Enable Javscript for better performance
பிஎம் கோ்ஸ் நிதிக்கு மேலும் ரூ.8 கோடி: எஸ்பிஐ ஊழியா்கள் உறுதி- Dinamani

சுடச்சுட

    

    பிஎம் கோ்ஸ் நிதிக்கு மேலும் ரூ.8 கோடி: எஸ்பிஐ ஊழியா்கள் உறுதி

    By DIN  |   Published on : 19th May 2020 11:15 PM  |   அ+அ அ-   |    |  

    sbi083121

    பிஎம் கோ்ஸ் நிதிக்கு மேலும் ரூ. 7.95 கோடி அளிக்கப்படும் என்று பாரத ஸ்டேட் வங்கி (எஸ்பிஐ) ஊழியா்கள் தரப்பில் கூறப்பட்டுள்ளது.

    முன்னதாக, மாா்ச் மாதத்தில் ஒரு நாள் ஊதியம் மற்றும் ஒரு நாள் ஈட்டிய விடுப்பு ஊதியத்தை பிஎம் கோ்ஸ் நிதிக்கு எஸ்பிஐ ஊழியா்கள்அளித்தனா். இதன் முலம் ரூ.107.95 கோடி நிதி அளிக்கப்பட்டது. எஸ்பிஐ-யில் சுமாா் 2,56,000 ஊழியா்கள் உள்ளனா். இது தவிர 2019-20 ஆம் ஆண்டு லாபத்தில் 0.25 சதவீதத்தை பெரு நிறுவனங்கள் சமூகப் பொறுப்பு நிதிக்கு அளிப்பதாகவும், இந்தத் தொகை கரோனா நோய்த்தொற்று தடுப்புப் பணிகளுக்கு பயன்படுத்தப்படும் என்றும் எஸ்பிஐ வெளியிட்ட அறிவிப்பில் கூறப்பட்டுள்ளது.

    கரோனா நோய்த்தொற்று பரவல் அதிகரித்து வரும் சூழ்நிலையில், வாடிக்கையாளா்கள் முடிந்த அளவுக்கு வீடுகளில் இருந்த படியே இணைய வழியில் வங்கிச் சேவைகளை பயன்படுத்திக் கொள்ள வேண்டும். இதற்காக எஸ்பிஐ இணையதளம் மற்றும் செயலிகளை சிறப்பாக மேம்படுத்தியுள்ளது என்றும் அந்த அறிவிப்பில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai