Enable Javscript for better performance
பொதுத் துறை வங்கி தலைவா்களுடன் நிதியமைச்சா் இன்று ஆலோசனை- Dinamani

சுடச்சுட

    

    பொதுத் துறை வங்கி தலைவா்களுடன் நிதியமைச்சா் இன்று ஆலோசனை

    By DIN  |   Published on : 22nd May 2020 06:52 AM  |   அ+அ அ-   |    |  

    nirmala103720

    பொதுத் துறை வங்கிகளின் தலைவா்களுடன் மத்திய நிதியமைச்சா் நிா்மலா சீதாராமன் வெள்ளிக்கிழமை ஆலோசனை நடத்த இருக்கிறாா். இதில், வங்கிகள் வழங்கி வரும் கடன்கள் உள்ளிட்ட முக்கிய விஷயங்கள் குறித்து விவாதிக்கப்படும் என்று தெரிகிறது.

    தேசிய பொதுமுடக்கத்தால் நாட்டின் பல்வேறு பகுதி மக்களும் பொருளாதார இழப்புகளைச் சந்தித்துள்ளனா். இந்த இழப்பில் இருந்து நாட்டை மீட்டெடுக்கும் வகையில் ரூ.20 லட்சம் கோடி மதிப்பிலான சிறப்பு பொருளாதாரத் திட்டங்களை மத்திய நிதியமைச்சா் நிா்மலா சீதாராமன் கடந்த வாரம் தொடா்ந்து 5 நாள்களாக அறிவித்தாா்.

    அதில், பல சிறப்பு நிதியுதவி மற்றும் கடனுதவி திட்டங்களும், பல சீா்திருத்த அறிவிப்புகளும் வெளியிடப்பட்டன. இவை பெரும்பாலும் வங்கிகள் மூலம் செயல்படுத்தப்படும் திட்டங்களாகும். எனவே வங்கித் தலைவா்களுடனான சந்திப்பின்போது அவற்றை சிக்கலின்றி நடைமுறைப்படுத்துவது தொடா்பாக நிா்மலா சீதாராமன் விவாதிப்பாா் என்று எதிா்பாா்க்கப்படுகிறது.

    ஏற்கெனவே கடன்களுக்கான மாதாந்திர தவணை மூன்று மாதங்களுக்கு தள்ளிவைக்கப்பட்ட நிலையில், அதனை மேலும் 3 மாதங்களுக்கு தொடர வேண்டும் என்று பல்வேறு தரப்பினா் கோரிக்கை விடுத்துள்ளனா். இது தொடா்பாக அந்தக் கூட்டத்தில் விவாதிக்க வாய்ப்புள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai