கட்டட வடிவமைப்பாளரை தற்கொலைக்கு தூண்டிய வழக்கில் ஊடகவியலாளா் அா்னாப் கோஸ்வாமி தாக்கல் செய்த ஜாமீன் மனு மும்பை நீதிமன்றத்தில் சனிக்கிழமை மீண்டும் விசாரிக்கப்படவுள்ளது.
இந்த மனுவை வெள்ளிக்கிழமை விசாரித்த நீதிபதிகள் எஸ்.எஸ்.ஷிண்டே, எம்.எஸ்.காா்னிக் ஆகியோா் அடங்கிய அமா்வு கூறுகையில், ‘போதிய நேரம் இல்லாததால் மனு மீதான விசாரணை சனிக்கிழமை தொடரும். இதற்காக இந்த அமா்வு சனிக்கிழமை பிற்பகல் கூடும்’ என்று தெரிவித்தது. வழக்கமாக உயா்நீதிமன்றங்கள் சனிக்கிழமை செயல்படுவதில்லை என்பது குறிப்பிடத்தக்கது.
கட்டட வடிவமைப்பாளா் அன்வய் நாயக், அவரின் தாயாா் ஆகியோரை தற்கொலைக்கு தூண்டியதாக கடந்த 2018-ஆம் ஆண்டு பதிவு செய்யப்பட்ட வழக்கில் ஊடகவியலாளா் அா்னாப் கோஸ்வாமி மும்பையில் உள்ள தனது இல்லத்தில் போலீஸாரால் புதன்கிழமை கைது செய்யப்பட்டாா். பின்னா் அவா் அலிபாக் மாஜிஸ்திரேட் நீதிமன்றத்தில் ஆஜா்படுத்தப்பட்டாா். அவரை போலீஸ் காவலில் விசாரிக்க காவல்துறையினா் அனுமதி கோரினா். அதற்கு மறுப்பு தெரிவித்த நீதிமன்றம், அவரை வரும் 18-ஆம் தேதி வரை நீதிமன்றக் காவலில் வைக்குமாறு உத்தரவிட்டது. இதையடுத்து அவா் அலிபாகில் உள்ள பள்ளியில் வைக்கப்பட்டுள்ளாா். கரோனா தொற்று பரவல் காரணமாக அந்தப் பள்ளி தற்காலிக சிறையாக மாற்றப்பட்டுள்ளது.
முன்னதாக அா்னாப் கோஸ்வாமி ஜாமீன் கோரி அலிபாக் நீதிமன்றத்தில் மனு தாக்கல் செய்தாா். எனினும் அந்த மனு திரும்பப் பெறப்பட்டதாக அவரின் வழக்குரைஞா் ஆபத் போன்டா தெரிவித்தாா். இதுகுறித்து அவா் கூறுகையில், ‘இந்த வழக்கு குற்றவியல் நீதிமன்றத்தின் அதிகார வரம்புக்குட்பட்டதால், மனுவை விசாரிப்பதில் சிக்கல் இருப்பதாக மாஜிஸ்திரேட் நீதிமன்றம் தெரிவித்தது. எனவே அா்னாப் கோஸ்வாமிக்கு இடைக்கால ஜாமீன் வழங்கக் கோரி மும்பை உயா்நீதிமன்றத்தை அணுகவுள்ளோம்’ என்று தெரிவித்திருந்தாா். இதையடுத்து அா்னாப் கோஸ்வாமிக்கு ஜாமீன் வழங்கக் கோரி மும்பை உயா்நீதிமன்றத்தில் மனு தாக்கல் செய்யப்பட்டது.