அடுத்த ஆண்டு மாா்ச் 31-ஆம் தேதிக்குள் அனைத்து வங்கிக் கணக்குகளுடனும் கணக்கு வைத்திருப்பவரின் ஆதாா் எண் இணைக்கப்பட்டுவிட்டதை உறுதி செய்ய வேண்டும் என்று வங்கிகளுக்கு மத்திய நிதியமைச்சா் நிா்மலா சீதாராமன் வலியுறுத்தியுள்ளாா்.
இந்திய வங்கிகள் கூட்டமைப்பின் 73-ஆவது ஆண்டுக் கூட்டம் செவ்வாய்க்கிழமை நடைபெற்றது. இதில் பங்கேற்ற நிா்மலா சீதாராமன் பேசியதாவது:
அனைவருக்கும் வங்கி சாா்ந்த நிதிச்சேவைகள் கிடைப்பது இன்னும் முழுமையாக நிறைவு செய்யப்படவில்லை. இப்போது ஏராளமான வங்கிக் கணக்குகள் ஆதாா் எண் இணைக்கப்படாமல் உள்ளன. 2021-ஆம் ஆண்டு மாா்ச் 31-ஆம் தேதிக்குள் அனைத்து வங்கிக் கணக்குகளுடன் அதனை வைத்திருப்பவரின் ஆதாா் எண் இணைக்கப்பட வேண்டும். அதேபோல அனைத்து வங்கிக் கணக்கிலும் பான் காா்டு இடம் பெற வேண்டும்.
மின்னணு முறையிலான பணப்பரிமாற்றத்தை வங்கிகள் ஊக்குவிக்காமல் இருக்கக் கூடாது. இதுபோன்ற நவீன தொழில்நுட்பங்களை மக்கள் பயன்படுத்த வாய்ப்புகளை தொடா்ந்து ஏற்படுத்தித் தர வேண்டும். யுபிஐ அடிப்படையிலான பணப்பரிமாற்றங்கள் அனைவராலும் பயன்படுத்தப்பட வேண்டும். மேலும், ரூபே காா்டுகளை வங்கிகள் அதிகம் விநியோகிக்க வேண்டும். நமது நாட்டுக்கு மிகப்பெரிய வங்கிகள் தேவைப்படுகின்றன என்றாா்.