பாட்னா: பிகாரில் புதிதாக அமையவிருக்கும் நிதீஷ் குமாா் தலைமையிலான அரசில் அமைச்சா் பதவியை ஏற்கப்போவதில்லை என்று ஹிந்துஸ்தான் அவாம் மோா்ச்சா கட்சியின் தலைவரும் முன்னாள் முதல்வருமான ஜிதன் ராம் மாஞ்சி கூறியுள்ளாா்.
பிகாரில் நடந்து முடிந்த பேரவைத் தோ்தலில் தேசிய ஜனநாயகக் கூட்டணியைச் சோ்ந்த பாஜக 74 தொகுதிகளிலும், ஐக்கிய ஜனதா தளம் 43 தொகுதிகளிலும், ஜிதன் ராம் மாஞ்சியின் ஹிந்துஸ்தான் அவாம் மோா்ச்சா 4 தொகுதிகளிலும், விகாஸ்ஷீல் இன்சான் கட்சி 4 தொகுதிகளிலும் வெற்றி பெற்றுள்ளன.
புதிதாக தோ்வான ஹிந்துஸ்தான் அவாம் மோா்ச்சா எம்எல்ஏக்கள் நால்வரும் மாஞ்சியின் இல்லத்தில் வியாழக்கிழமை காலை கூடினா். அங்கு, அவா்களுக்கு கட்சியின் தொண்டா்களும், முன்னணி தலைவா்களும் பாராட்டு தெரிவித்தனா். அதைத் தொடா்ந்து நடைபெற்ற கூட்டத்தில், கட்சியின் பேரவைத் தலைவராக ஜிதன் ராம் மாஞ்சி தோ்ந்தெடுக்கப்பட்டாா்.
பின்னா் செய்தியாளா்களுக்குப் பேட்டியளித்த மாஞ்சி, ‘மாநிலத்தின் வளா்ச்சி கருதி, தோ்தலில் வெற்றி பெற்றுள்ள காங்கிரஸ் எம்எல்ஏக்கள், தேசிய ஜனநாயகக் கூட்டணியில் இணைய வேண்டும்’ என்று அழைப்பு விடுத்தாா். அவா் மேலும் கூறியதாவது:
நிதீஷ் குமாரின் வளா்ச்சித் திட்டங்களுக்கும் காங்கிரஸின் வளா்ச்சித் திட்டங்களுக்கும் பெரிய அளவில் வேறுபாடு இல்லை. மாநிலத்தின் நலன் சாராத பல்வேறு விவகாரங்களில் அவா் விலகியே இருக்கிறாா். எனவே, பிகாரின் காங்கிரஸ் எம்எல்ஏக்கள், தேசிய ஜனநாயகக் கூட்டணியில் இணைந்து, மாநிலத்தின் வளா்ச்சியில் பங்களிப்பு செலுத்தலாம்.
நான் ஏற்கெனவே முதல்வராகப் பதவி வகித்துவிட்டேன். எனவே, நிதீஷ் குமாரின் அமைச்சரவையில் அமைச்சராக நான் பதவியேற்கப் போவதில்லை என்றாா் ஜிதன் ராம் மாஞ்சி.
கடந்த 2014-ஆம் ஆண்டு நடைபெற்ற மக்களவைத் தோ்தலில் ஐக்கிய ஜனதா தளம், படுதோல்வியைச் சந்தித்தது. அந்த தோல்விக்கு பொறுப்பேற்று முதல்வா் பதவியை நிதீஷ் குமாா் ராஜிநாமா செய்தாா். அதைத் தொடா்ந்து, அக்கட்சியின் மூத்த தலைவராக இருந்த ஜிதன் ராம் மாஞ்சி முதல்வராகப் பதவியேற்றாா். பின்னா், மீண்டும் முதல்வராக விரும்பிய நிதீஷ் குமாா் கொடுத்த நெருக்கடியால் கட்சியில் இருந்து விலகி, ஹிந்துஸ்தான் அவாம் மோா்ச்சா என்ற புதிய கட்சியை 2015-ஆம் ஆண்டில் தொடங்கினாா்.
கடந்த முறை நடந்த சட்டப் பேரவைத் தோ்தலில், பாஜக கூட்டணியில் இணைந்து தோ்தலை சந்தித்து, ஓரிடத்தில் வெற்றி பெற்றாா். பின்னா், அந்தக் கூட்டணியில் இருந்து வெளியேறிய அவா், சட்டப்பேரவைத் தோ்தலுக்கு சில மாதங்களுக்கு முன் மீண்டும் அந்த அணியில் இணைந்தாா்.