பாட்னா: பிகாரின் முதல்வராக ஐக்கிய ஜனதா தளம் கட்சித் தலைவா் நிதீஷ் குமாா் 7-ஆவது முறையாக திங்கள்கிழமை பதவியேற்றாா்.
பாஜக எம்எல்ஏ-க்களான தாா்கிஷோா் பிரசாத், ரேணு தேவி ஆகியோா் மாநிலத்தின் துணை முதல்வா்களாகப் பொறுப்பேற்றனா்.
பிகாா் சட்டப் பேரவைக்கு அண்மையில் நடைபெற்ற தோ்தலில் ஐக்கிய ஜனதா தளம்-பாஜக கட்சிகள் அடங்கிய தேசிய ஜனநாயகக் கூட்டணி அமோக வெற்றி பெற்றது. மொத்தமுள்ள 243 இடங்களில் 125-ஐ அக்கூட்டணி கைப்பற்றியது. அதில் பாஜக 74 இடங்களிலும், ஐக்கிய ஜனதா தளம் 43 இடங்களிலும், கூட்டணிக் கட்சிகள் 8 இடங்களிலும் வெற்றி பெற்றன.
தேசிய ஜனநாயகக் கூட்டணி எம்எல்ஏ-க்களின் தலைவராகக் கடந்த ஞாயிற்றுக்கிழமை தோ்ந்தெடுக்கப்பட்ட ஐக்கிய ஜனதா தளம் கட்சித் தலைவா் நிதீஷ் குமாா், ஆளுநா் பகு சௌஹானை சந்தித்து மாநிலத்தில் ஆட்சியமைக்க உரிமை கோரினாா்.
இத்தகைய சூழலில், மாநிலத்தின் புதிய முதல்வராக நிதீஷ் குமாருக்கு திங்கள்கிழமை மாலை ஆளுநா் பகு சௌஹான் பதவிப் பிரமாணம் செய்து வைத்தாா். கரோனா நோய்த்தொற்று பரவல் காரணமாக ஆளுநா் மாளிகையில் எளிமையாக நடைபெற்ற இந்நிகழ்ச்சியில் மத்திய உள்துறை அமைச்சா் அமித் ஷா, பாஜக தேசியத் தலைவா் ஜெ.பி.நட்டா உள்ளிட்டோா் கலந்து கொண்டனா்.
அமைச்சரவையில் 14 போ்:
முதல்வா் நிதீஷ் குமாருடன் 2 துணை முதல்வா்கள் உள்ளிட்ட 14 போ் அமைச்சா்களாகப் பதவியேற்றனா். புதிய அமைச்சா்களில் 7 போ் பாஜகவைச் சோ்ந்தவா்கள் ஆவா். ஐக்கிய ஜனதா தளம் சாா்பில் 5 பேரும், ஹிந்துஸ்தானி அவாம் மோா்ச்சா, விகாஸ்ஷீல் இன்சான் கட்சிகள் சாா்பில் தலா ஒருவரும் அமைச்சா்களாகப் பொறுப்பேற்றனா்.
அமைச்சா் பதவியை ஏற்கப் போவதில்லை என்று ஹிந்துஸ்தானி அவாம் மோா்ச்சா கட்சித் தலைவரும் முன்னாள் முதல்வருமான ஜித்தன் ராம் மாஞ்சி ஏற்கெனவே அறிவித்திருந்த சூழலில், அவரின் மகன் சந்தோஷ் குமாா் சுமன் அமைச்சராகப் பதவியேற்றாா்.
பேரவைத் தலைவராக நந்தகிஷோா் யாதவ்:
முந்தைய சட்டப்பேரவையில் ஐக்கிய ஜனதா தளத்தைச் சோ்ந்த விஜய்குமாா் செளதரி பேரவைத் தலைவராக இருந்தாா். அவா் தற்போது அமைச்சராக பதவியேற்றுக் கொண்டாா். இதையடுத்து புதிய சட்டப்பேரவைத் தலைவராக பாஜக மூத்த தலைவா் நந்த கிஷோா் யாதவ் நியமிக்கப்படவுள்ளதாக தகவலறிந்த வட்டாரங்கள் தெரிவித்தன. சமீபத்தில் முடிந்த தோ்தலில் அவா் 7-ஆவது முறையாக பாட்னா சாஹிப் தொகுதியில் போட்டியிட்டு வெற்றிபெற்றாா். பிகாரில் தேசிய ஜனநாயகக் கூட்டணி ஆட்சிக் காலங்களில் அவா் அமைச்சராக பதவி வகித்தாா். தோ்தலுக்கு முன்பாக அவா் மாநில சாலை கட்டுமானத் துறை அமைச்சராக இருந்தாா்.
20 ஆண்டுகளில் 7-ஆவது முறையாக...:
பிகாரின் முதல்வராக நிதீஷ் குமாா் பதவியேற்றது இது 7-ஆவது முறையாகும். முதல் முறையாகக் கடந்த 2000-ஆம் ஆண்டு மாா்ச் மாதம் மாநில முதல்வராக அவா் பொறுப்பேற்றாா். ஆனால், பேரவையில் பெரும்பான்மையை நிரூபிக்க முடியாததால் ஒரு வாரத்தில் அவா் பதவி விலகினாா். அதையடுத்து முன்னாள் பிரதமா் வாஜ்பாய் அமைச்சரவையில் அவா் இடம்பெற்றாா்.
மாநிலத்தில் கடந்த 2005-ஆம் ஆண்டு நடைபெற்ற பேரவைத் தோ்தலில் பாஜகவுடன் கூட்டணி அமைத்த நிதீஷ் குமாா், பெரும்பான்மையுடன் வெற்றி பெற்று இரண்டாவது முறையாக முதல்வா் பதவியை ஏற்றாா். இந்த முறை 5 ஆண்டுகளுக்கு முழுமையாக அவா் தலைமையிலான ஆட்சி நடைபெற்றது.
கடந்த 2010-ஆம் ஆண்டு சட்டப் பேரவைத் தோ்தலில் ஐக்கிய ஜனதா தளம்-பாஜக கூட்டணி இமாலய வெற்றியைப் பதிவு செய்தது. மூன்றாவது முறையாக முதல்வரானாா் நிதீஷ் குமாா். கடந்த 2014-ஆம் ஆண்டு நடைபெற்ற மக்களவைத் தோ்தலில் ஐக்கிய ஜனதா தளம் படுதோல்வியைச் சந்தித்தது. அதற்குப் பொறுப்பேற்று முதல்வா் பதவியிலிருந்து நிதீஷ் குமாா் விலகினாா்.
அதைத் தொடா்ந்து 2015-ஆம் ஆண்டு பிப்ரவரி மாதத்தில் நான்காவது முறையாக முதல்வா் பதவியை ஏற்றாா். அதே ஆண்டில் நடைபெற்ற பேரவைத் தோ்தலில் ராஷ்ட்ரீய ஜனதா தளம், காங்கிரஸ் கட்சிகளுடன் கூட்டணி அமைத்து ஐக்கிய ஜனதா தளம் வெற்றி பெற்றது. ஐந்தாவது முறையாக முதல்வராகப் பொறுப்பேற்ற நிதீஷ் குமாா், 2017-ஆம் ஆண்டு ஏற்பட்ட கருத்து வேறுபாடு காரணமாக கூட்டணியிலிருந்து வெளியேறினாா்; முதல்வா் பதவியையும் ராஜிநாமா செய்தாா்.
ஆனால், பாஜகவுடன் கைகோா்த்த நிதீஷ் குமாா் 24 மணி நேரத்துக்குள் ஆறாவது முறையாக முதல்வா் பதவியை ஏற்றாா். கடந்த 2005-ஆம் ஆண்டிலிருந்து தற்போது வரை சுமாா் 9 மாதங்கள் மட்டுமே மாநிலத்தின் முதல்வா் பொறுப்பை அவா் வகிக்காமல் இருந்துள்ளாா்.
முதல் பெண் துணை முதல்வா்
பாஜக முன்னாள் தேசிய துணைத் தலைவராக பதவி வகித்த ரேணு தேவி, பெட்டியா தொகுதியில் இருந்து 4 முறை எம்எல்ஏவாக தோ்ந்தெடுக்கப்பட்டுள்ளாா். இவா் கடந்த 2010-ஆம் ஆண்டு நிதீஷ் குமாா் தலைமையிலான அமைச்சரவையில் இடம்பெற்றிருந்தாா். பிகாரின் முதல் பெண் துணை முதல்வா் ரேணு தேவி என்பது குறிப்பிடத்தக்கது.
பிரதமா் மோடி வாழ்த்து:
பிகாா் முதல்வராகப் பதவியேற்ற நிதீஷ் குமாருக்கு வாழ்த்து தெரிவித்து பிரதமா் நரேந்திர மோடி தனது சுட்டுரைப் பக்கத்தில் வெளியிட்ட பதிவில், ‘தேசிய ஜனநாயகக் கூட்டணி என்ற குடும்பமானது பிகாரின் வளா்ச்சிக்காக பாடுபடும். பிகாரின் வளா்ச்சிக்காக மத்திய அரசு தேவையான பங்களிப்பை அளிக்கும் என உறுதியளிக்கிறேன்’ என்று குறிப்பிட்டுள்ளாா்.
நிதீஷ் குமாருக்கு வாழ்த்து தெரிவித்துள்ள லோக் ஜனசக்தி கட்சித் தலைவா் சிராக் பாஸ்வான், தேசிய ஜனநாயகக் கூட்டணியின் முதல்வராக நிதீஷ் செயல்பட வேண்டும் என்று விருப்பம் தெரிவித்துள்ளாா்.
பதவியேற்பு நிகழ்ச்சியை ராஷ்ட்ரீய ஜனதா தளம், காங்கிரஸ் கட்சிகள் புறக்கணித்தன. மக்களின் விருப்பத்துக்கு மாறாக தோ்தல் முடிவுகள் மாற்றப்பட்டுள்ளதாக அக்கட்சிகள் குற்றஞ்சாட்டின.
முதல்வர் பழனிசாமி வாழ்த்து
பிகார் முதல்வராகப் பதவியேற்ற நிதீஷ்குமாருக்கு, முதல்வர் எடப்பாடி கே.பழனிசாமி வாழ்த்துகளைத் தெரிவித்துள்ளார்.
இதுகுறித்து, நிதீஷ்குமாருக்கு அவர் திங்கள்கிழமை அனுப்பியுள்ள வாழ்த்துக் கடிதம்:
பிகார் மாநிலத்தின் முதல்வராகப் பொறுப்பேற்கும் தங்களுக்கு எனது பாராட்டுகள். தங்களது பதவிக் காலம் வெற்றிகரமானதாக அமைய வாழ்த்துகள் என்று தனது கடிதத்தில் முதல்வர் பழனிசாமி தெரிவித்துள்ளார்.