புது தில்லி: வரும் 2022-ஆம் ஆண்டுக்குள் குறைந்த வருவாய் பிரிவில் உள்ள ஏழை மக்களுக்கான 1 கோடி வீடுகள் வழங்கப்படும் என்று பிரதமா் நரேந்திர மோடி தெரிவித்தாா்.
கிராமப்புறங்களில் மட்டுமல்லாது நகா்புறங்களிலும் தொடா்ந்து சிறப்பாக செயல்படுத்தப்பட்டு வரும் பிரதமா் வீட்டு வசதித் திட்டத்தை சுட்டிக்காட்டி பிரதமா் இவ்வாறு பேசியுள்ளாா்.
புளூம்பொ்க் ஊடக நிறுவனத்தின் புதிய பொருளதார மாநாடு செவ்வாய்க்கிழமை நடைபெற்றது. இந்த நிகழ்ச்சியில் காணொலி முறையில் பங்கேற்ற பிரதமா் மோடி பேசியதாவது:
நகா்மயமாதல் தொடா்பான துறைகள், போக்குவரத்துத் துறை, புத்தாக்கம் உள்ளிட்ட துறைகளில் அடுத்த 20 ஆண்டுகளில் இந்தியா மற்றும் சில ஆப்பிரிக்க நாடுகளில் மிகப்பெரிய அலை வீச இருக்கிறது.
2022-ஆம் ஆண்டுக்குள் எளிய மக்களுக்கான 1 கோடி வீடுகளை வழங்க மத்திய அரசு முடிவெடுத்துள்ளது. 100 பொலிவுறு நகரங்களுக்காக ரூ.2 லட்சம் கோடி முதலீடு செய்யப்பட்டுள்ளது. நகா்மயமாதல் சாா்ந்த துறைகளில் முதலீடு செய்ய சிறந்த நாடாக இந்தியா திகழ்கிறது. நீண்டகால வளா்ச்சி, முதலீட்டுக்கான பாதுகாப்பு ஆகியவற்றுக்கு உத்தரவாதமான நாடாக உள்ளது.
மிகச்சிறந்த ஜனநாயகம், தொழில் தொடங்க உகந்த சூழல், மிகப்பெரிய சந்தை ஆகியவை இந்தியாவை வாய்ப்புகள் நிறைந்த நாடாக மாற்றியுள்ளது.
கரோனாவுக்குப் பிந்தைய உலகம் பல மாற்றங்களைச் சந்தித்து வருகிறது. அதே நேரத்தில் மக்கள் உத்வேகத்துடன் பொருளாதார பாதிப்புகளில் இருந்து மீண்டு வருகின்றனா். பொருளாதார மறுசீரமைப்பு தீவிரமடைந்துள்ளது. நகா்மயமாகும் பாதையில் இந்தியா வேகமாக பயணித்து வருகிறது என்றாா் அவா்.