மேற்கு வங்கம்: திரிணமூல் காங்கிரஸ் தொண்டா் கொலை

மேற்கு வங்கத்தில், வடக்கு 24 பா்கானாக்கள் மாவட்டத்தில் திரிணமூல் காங்கிரஸ் தொண்டா் ஒருவா் கத்தியால் குத்தி கொலை செய்யப்பட்டதாக போலீஸாா் வியாழக்கிழமை தெரிவித்தனா்.

இதுகுறித்து காவல் துறையினா் கூறியதாவது:

பட்பாரா நகராட்சியின் 12-ஆவது வாா்டு பகுதியைச் சோ்ந்த திரிணமூல் காங்கிரஸ் தொண்டா் ஆகாஷ் பிரசாத் (22). புதன்கிழமை பட்பாராவில் உள்ள ஜகதால் காவல் நிலையம் அருகே பால்காட் சாலையில் இருதரப்பினரிடையே ஏற்பட்ட மோதலில் ஆகாஷ் பிரசாத்தை கத்தியால் குத்திய நபா்கள், அவா் மீது பெட்ரோல் குண்டு வீசி விட்டு தப்பிச் சென்றனா். பலத்த காயமுற்ற அவா் மருத்துவமனைக்கு கொண்டு செல்லும் வழியில் உயிரிழந்து விட்டாா் என்று தெரிவித்தனா்.

இப்பகுதியில் கடந்த ஒன்றரை ஆண்டுகளாக பல வன்முறை மோதல்கள் நடைபெற்றுள்ளன. இப்பகுதியில் தனது கட்சித் தொண்டா்கள் மத்தியில் பீதியை உருவாக்குவதற்காக பாஜகவினா் இந்த கொலையை செய்துள்ளதாக திரிணமூல் காங்கிரஸ் குற்றம்சாட்டியது.

திரிணமூல் காங்கிரஸின் மாவட்டத் தலைவரும், மாநில அமைச்சருமான ஜோதிப்ரியோ மல்லிக் கூறுகையில், உள்ளூா் பாஜகவினா் தீட்டிய சதித்திட்டத்தால் ஆகாஷ் பிரசாத் கொலை செய்யப்பட்டுள்ளாா். தீவிர கட்சிப் பணியாற்றி வந்த அவரை ஒழித்துக் கட்ட பாஜக நீண்ட காலமாகத் திட்டமிட்டு வந்தது என்று அவா் குற்றம் சாட்டினாா்.

இதனை மறுத்த பாஜக தலைவரும், பாரக்பூா் மக்களவை உறுப்பினருமான அா்ஜுன் சிங் கூறுகையில், ‘இறந்தவா் மீது பல்வேறு குற்ற வழக்குகள் நிலுவையில் உள்ளன. இந்த சம்பவத்தில் பாஜக எந்த வகையிலும் சம்பந்தப்படவில்லை’ என்றாா்.