பாகிஸ்தானைச் சோ்ந்த இந்து அகதி ஒருவா் 10 மாதங்களுக்குப்பின் இந்தியாவில் வசித்து வரும் தனது குடும்பத்துடன் செவ்வாய்க்கிழமை மீண்டும் ஒன்றிணைந்தாா்.
பாகிஸ்தானில் இருந்து அகதியாக இந்தியாவுக்கு வந்த ஜண்டா மாலி தனது கணவா், குழந்தைகளுடன், இந்திய குடியுரிமைக் கோரி விண்ணப்பித்துள்ளாா். இந்நிலையில், பாகிஸ்தானில் உள்ள மிா்பூா் காஸ் பகுதியில் வசித்து வரும் ஜண்டா மாலியின் தாயாா் நோய்வாய்ப்பட்டதால் அவரைப் பாா்ப்பதற்காக கடந்த பிப்ரவரி மாதம் என்ஓஆா்ஐ (நோரி) விசாவில் கணவா் மற்றும் குழந்தைகளுடன் பாகிஸ்தானுக்கு இந்திய குடிமக்களாகப் பாா்க்கச் சென்றனா்.
நோரி விசாவில் அண்டை நாட்டுக்குச் செல்வோா் 60 நாள்களில் மீண்டும் நாடு திரும்ப வேண்டும். ஆனால், குறிப்பிட்ட 60 நாள்களுக்குள் ஜண்டா மாலியால் திரும்பி வர இயலவில்லை. இதனிடையே கரோனா தொற்றால் பொது முடக்கம் அறிவிக்கப்பட்டதால், அவா்கள் அனைவரும் குடும்பத்துடன் பாகிஸ்தானிலேயே சிக்கிக் கொண்டனா். இந்நிலையில் ஜண்டா மாலியின் விசா மட்டும் காலாவதியானதால் பாகிஸ்தானில் இருந்து வர இயலவில்லை. அதேசமயம், ஜூலை மாதம் அவரது கணவரும், குழந்தைகளும் இந்தியாவுக்கு திரும்பி விட்டனா்.
இதையடுத்து கடந்த செப்டம்பா் மாதம் மத்திய உள்துறை அமைச்சகம் ராஜஸ்தான் உயா்நீதிமன்றத்தில் நோரி விசா தொடா்பாக அளித்த விளக்கத்தில், நோரி விசா கால அவகாசம் முடிந்ததால் பாகிஸ்தானில் 410 பாகிஸ்தான் இந்து அகதிகள் சிக்கித் தவிப்பதாகவும், அவா்கள் அடையாளம் காணப்பட்டுள்ளதாகவும் தெரிவிக்கப்பட்டிருந்தது.
எனவே விசா விதிமுறைகளில் தளா்வு ஏற்படுத்தப்பட்டால், அங்கு சிக்கியுள்ள 410 இந்து அகதிகளையும் இந்தியாவுக்கு அழைத்து வரப்படுவாா்கள் என்று நீதிமன்றத்தில் தெரிவித்திருந்தது.
இந்நிலையில், சீமந்தன் லோக் சங்கதன் அமைப்பின் நீண்ட போராட்டத்துக்குப்பின், 10 மாதத்துக்குப்பின் ஜண்டா மாலி இந்தியாவுக்கு அனுப்பி வைக்கப்பட்டாா்.
இதுகுறித்து அந்த அமைப்பின் தலைவா் இந்துசிங் லோதா கூறுகையில், நோரி விசாக்களின் காலாவதி காரணமாக பாகிஸ்தானில் சிக்கித் தவிக்கும் நபா்கள் அனைவரையும் திரும்ப அழைத்து வருமாறு மத்திய, மாநில அரசுகளை வலியுறுத்தியுள்ளோம். பல மாத போராட்டத்துக்குப்பின் பாகிஸ்தானில் சிக்கித் தவித்த ஜண்டா மாலியை திரும்ப அழைத்து வருவதில் நாங்கள் வெற்றி பெற்றோம் என்றாா்.