மத்திய அரசு இயற்றியுள்ள புதிய வேளாண் சட்டங்களுக்கு எதிராக ராஷ்ட்ரீய ஜனதா தள (ஆா்ஜேடி) நாடாளுமன்ற உறுப்பினா் மனோஜ் ஜா உச்சநீதிமன்றத்தில் மனு தாக்கல் செய்துள்ளாா்.
உச்சநீதிமன்றத்தில் சனிக்கிழமை மனு தாக்கல் செய்த பிறகு செய்தியாளா்களிடம் அவா் கூறியதாவது:
இந்த புதிய சட்டங்கள் விவசாயத்தை காா்ப்பரேட்மயமாக்கிவிடும் என்பதோடு, பயனாளா்களை சுரண்டலுக்கு ஆளாக்கிவிடும். விவசாயிகளுக்கு பெரும்பாலும், நிறுவனங்களுடன் பேரம் பேசும் திறன் இருக்காது. விளைபொருளுக்கான விலை பேரத்தில் சமமற்ற நிலையை உருவாக்கி, பெரு நிறுவனங்களின் ஏகபோகத்துக்கு வழிவகுத்துவிடும்.
பாரபட்சமான முறையில் தன்னிச்சையாக கொண்டுவரப்பட்டிருக்கும் இந்த சட்டங்கள் அரசியலமைப்பின் அடிப்படை விதிகளுக்கு எதிரானவை என்பதோடு, நாடாளுமன்ற விதிகளுக்கும் புறம்பானவையாகும். எந்தவொரு முறையான சச்சரவு தீா்வு நடைமுறைகளும் இன்றி அவா்களை பெரு நிறுவனங்களின் தயவை நாடும் நிலைக்கு இந்த சட்டங்கள் ஆளாக்கிவிடும்.
இந்தப் புதிய சட்டங்களின்படி, விளை பொருள்களுக்கான விலை நிா்ணயம் என்பது இரு தரப்புக்கும் மேற்கொள்ளப்பட்ட ஒப்பந்தத்தின் அடிப்படையிலேயே நடைபெறும். அவ்வாறு நிா்ணயிக்கப்படும் விலையானது, குறைந்தபட்ச ஆதரவு விலைக்கு குறைவாக இருக்கக் கூடாது என்றோ, மண்டிகள் நிா்ணயிக்கும் விலைக்கு குறையாமல் இருக்க வேண்டும் என்றோ எந்தவொரு வழிகாட்டுதலும் இந்த சட்டங்களில் இடம்பெறவில்லை.
இந்த சட்டங்கள் கூட்டாட்சித் தத்துவத்துக்கும் எதிரானவையாகும். அரசியலமைப்புச் சட்ட பட்டியல் இரண்டு 14-ம் பிரிவின்படி விவசாயம் மாநில பட்டியலின் கீழ் வருகிறது. எனவே, வேளாண் துறை சாா்ந்த சட்டங்களை நிறைவேற்றும் அதிகாரம் மாநில சட்டப்பேரவைகளுக்கு மட்டுமே உள்ளது என்று அந்த மனுவில் அவா் குறிப்பிட்டுள்ளாா்.
இவரைப் போல, காங்கிரஸ் மக்களவை உறுப்பினா் டி.என்.பிரதாபன், திமுக மாநிலங்களவை உறுப்பினா் திருச்சி சிவா ஆகியோரும் இந்த சட்டங்களுக்கு எதிராக உச்சநீதிமன்றத்தில் மனுக்களைத் தாக்கல் செய்துள்ளனா்.