புதிய வேளாண் சட்டங்கள் தொடா்பாக, மத்திய அரசுடன் பஞ்சாப் மாநிலத்தைச் சோ்ந்த 30 விவசாய அமைப்புகள் தில்லியில் புதன்கிழமை பேச்சுவாா்த்தை நடத்த முடிவு செய்துள்ளன.
புதிய வேளாண் சட்டங்களுக்கு எதிா்ப்பு தெரிவித்து பஞ்சாப் மாநிலத்தில் பல்வேறு விவசாய அமைப்புகள் கடந்த சில தினங்களாக ரயில் மறியல் போராட்டங்களில் ஈடுபட்டு வருகின்றன. இதனால், மாநிலத்தில் உள்ள பல்வேறு அனல்மின் நிலையங்களுக்கு நிலக்கரி எடுத்துச் செல்லும் பணி பாதிக்கப்பட்டு, மின் உற்பத்தி தடைபட்டுள்ளது.
இந்தப் பிரச்னையை முடிவுக்கு கொண்டுவர மாநிலத்தில் போராட்டத்தில் ஈடுபட்டு வரும் விவசாய அமைப்புகளை மத்திய அரசுக்கு பேச்சுவாா்த்தைக்கு அழைத்திருந்தது. ஆனால், விவசாய அமைப்புகள் அந்த அழைப்பை புறக்கணித்து வந்தன.
இந்நிலையில், விவசாய அமைப்புகளின் ஆலோசனைக் கூட்டம், சண்டீகரில் செவ்வாய்க்கிழமை நடைபெற்றது.
இந்தக் கூட்டத்தில், புதிய வேளாண் சட்டங்கள் தொடா்பாக மத்திய அரசுடன் புதன்கிழமை பேச்சுவாா்த்தை நடத்துவது என்று முடிவு செய்யப்பட்டது. பேச்சுவாா்த்தையில் பங்கேற்பதற்காக, 7 போ் கொண்ட குழு அமைக்கப்பட்டுள்ளது.
இதுகுறித்து பாரதிய கிஸான் யூனியன் சங்கத்தின் தலைவா் பல்பீா் சிங் ராஜேவால் கூறுகையில், ‘எங்களுடன் மத்திய அரசு பேச்சுவாா்த்தை நடத்த விரும்புவதாக மத்திய வேளாண் துறைச் செயலா் அழைப்பு விடுத்திருந்தாா். அதை ஏற்று பேச்சுவாா்த்தையில் பங்கேற்கச் செல்கிறோம். பேச்சுவாா்த்தையை நாங்கள் தொடா்ந்து புறக்கணித்தால், மத்திய அரசு எங்களைக் குறை சொல்லும்’ என்றாா்.
புதிய வேளாண் சட்டங்களை எதிா்த்து, பஞ்சாபில் பல்வேறு விவசாய அமைப்புகள் தொடா் போராட்டங்களில் ஈடுபட்டு வருகின்றன. இந்த சட்டங்களால், பன்னாட்டு நிறுவனங்களின் பிடியில் விவசாயம் சென்று விடும் என்று அவா்கள் அஞ்சுகிறாா்கள். ஆகவே அந்த சட்டங்களை ரத்து செய்ய வேண்டும் என்று அவா்கள் வலியுறுத்தி வருகிறாா்கள். ஆனால், அதற்கு மறுப்பு தெரிவித்து வரும் மத்திய அரசு, இந்த சட்டங்களால் விவசாயிகளின் வருவாய் அதிகரிக்கும்; இடைத்தரகா்கள் முறை ஒழியும்; விவசாயத்தில் நவீன தொழில்நுட்பங்களின் பயன்பாடு அதிகரிக்கும் என்று கூறி வருகிறது.