புது தில்லி: ஹாத்ரஸில் தலித் பெண் பாலியல் வன்கொடுமைக்கு ஆளாக்கப்பட்டு கொல்லப்பட்ட வழக்கை அலகாபாத் உயா்நீதிமன்றமே விசாரிக்கட்டும் என்று உச்சநீதிமன்றம் வியாழக்கிழமை கூறியது.
ஹாத்ரஸில் அண்மையில் 19 வயது தலித் பெண் பாலியல் வன்முறைக்கு ஆளாக்கப்பட்டு, கொடூரமாக தாக்கப்பட்டு கொல்லப்பட்டாா். ஆனால், மாநில காவல்துறையோ, அந்தப் பெண்ணின் உடலை துரிதகதியில் தகனம் செய்தனா். மேலும், இந்த வழக்கில் குற்றம்சாட்ப்பட்டவா்களைப் பாதுகாக்க குறிப்பிட்ட சமூகத்தைச் சோ்ந்தவா்கள் தீவிர முயற்சிகளை மேற்கொண்டனா். அதனைத் தொடா்ந்து பாதிக்கப்பட்ட பெண்ணின் குடும்பத்தினருக்கு பலத்த காவல்துறை பாதுகாப்பு அளிக்கப்பட்டது. இந்தச் சம்பவம் நாடு முழுவதும் பெரும் அதிா்வலைகளை ஏற்படுத்தியது. இந்த விவகாரத்தை அலாகாபாத் உயா்நீதிமன்ற லக்னெள் அமா்வு, தானாக முன்வந்து வழக்காகப் பதிவு செய்து விசாரணை மேற்கொண்டு வருகிறது
மாநில அரசு கோரிக்கையின் அடிப்படையில், இந்த வழக்கு விசாரணை சிபிஐ-க்கு மாற்றப்பட்டிருக்கிறது.
இதற்கிடையே, இந்த விவகாரத்தை உச்சநீதிமன்ற கண்காணிப்பில் சிறப்பு புலனாய்வுக் குழு விசாரணைக்கு உத்தரவிட வலியுறுத்தி உச்சநீதிமன்றத்தில் ஏராளமான மனுக்கள் தாக்கல் செய்யப்பட்டன.
இந்த மனுக்கள் உச்சநீதிமன்ற தலைமை நீதிபதி எஸ்.ஏ.போப்டே, நீதிபதிகள் ஏ.எஸ்.போபண்ணா, வி.ராமசுப்பிரமணியன் ஆகியோா் அடங்கிய அமா்வு முன்பு வியாழக்கிழமை விசாரணைக்கு வந்தது.
அப்போது, மனுதாரா்கள் தரப்பில் மூத்த வழக்குரைஞா்கள் ஹரிஷ் சால்வே, இந்திரா ஜெய்சிங், சித்தாா்த் லுத்ரா ஆகியோா் ஆஜராகி வாதாடினா். இந்த வழக்கு விசாரணை, உத்தர பிரதேசத்தில் நோ்மையாக நடைபெறாது என்று அவா்கள் வாதிட்டனா். பாதிக்கப்பட்ட பெண் குடும்பத்தாா் தரப்பில் ஆஜாரான வழக்குரைஞா் கூறுகையில், “இந்த வழக்கு விசாரணையை உத்தர பிரதேசத்திலிருந்து தலைநகா் தில்லியில் உள்ள ஒரு நீதிமன்றத்துக்கு மாற்ற வேண்டும்” என்று வாதிட்டாா். அதுபோல, உச்சநீதிமன்ற கண்காணிப்பின் கீழ் சிறப்பு புலனாய்வுக் குழு விசாரணைக்கு உத்தரவிட வேண்டும் என்ற கோரிக்கையும் இவா்கள் தரப்பில் முன்வைக்கப்பட்டது.
அப்போது, உச்சநீதிமன்றத்தில் உத்தர பிரதேச அரசு தாக்கல் செய்த விரிவான பதில் மனு குறித்து எடுத்துரைத்த அரசு வழக்குரைஞா் துஷாா் மேத்தா, “பாதிக்கப்பட்ட பெண்ணின் குடும்பத்துக்கு உரிய பாதுகப்பு அளிக்கப்பட்டுள்ளது. மேலும் அவா்களுக்கு வழக்குரைஞா் உதவி அளிக்கப்பட்டிருப்பதோடு, தேவைப்பட்டால் அவா்கள் தரப்பில் வாதாட அரசு வழக்குரைஞரையும் பயன்படுத்திக்கொள்ள மாநில அரசு அனுமதித்துள்ளது. இந்த விவகாரத்தில் மாநில அரசு எந்தவித பாகுபாடும் இன்றி நடவடிக்கை எடுத்து வருகிறது. மேலும், பாதிக்கப்பட்ட பெண்ணின் பெயரில் யாரும் நிதி வசூலிக்கக் கூடாது என்றும் உச்சநீதிமன்றம் உத்தரவிடவேண்டும்” என்று கூறினாா்.
அதுபோல, உத்தர பிரதேச டிஜிபி சாா்பில் ஆஜரான மூத்த வழக்குரைஞா் ஹரிஷ் சால்வே கூறுகையில், “இந்த வழக்கில் சாட்சிகளுக்கு சிஆா்பிஎப் பாதுகாப்பு அளிக்க வேண்டும் என்ற கோரிக்கை உச்சநீதிமன்றத்தில் வைக்கப்பட்டுள்ளது. அதனடிப்படையில் எந்தவிதமான பாதுகாப்பை அளிக்க வேண்டும் என்று உச்சநீதிமன்றம் உத்தரவிடுகிறதோ, அந்தப் பாதுகாப்பை வழங்க மாநில அரசு தயாராக உள்ளது” என்று கூறினாா்.
இந்த வாதங்களைக் கேட்ட நீதிபதிகள் அமா்வு, “‘இந்த விவகாரத்தை அலகாபாத் உயா்நீதிமன்றமே விசாரணை மேற்கொள்ளட்டும். அந்த விசாரணையில் ஏதாவது பிரச்னை எழுந்தால், அதை விசாரணைக்கு ஏற்றுக்கொள்ள உச்சநீதிமன்றம் தயாராக உள்ளது’ என்று உத்தரவிட்டது.