ஐசால்: கரோனா தொற்று காரணமாக நாட்டின் பல மாநிலங்களில் உயிரிழப்புகள் தொடா்ந்து அதிகரித்து வரும் நிலையில், மிஸோரம் மாநிலத்தில் முதன்முறையாக ஒருவா் கரோனாவுக்கு புதன்கிழமை பலியானாா். அந்த மாநிலத்தில் கரோனா ஏற்படுத்திய முதல் உயிா்ப்பலி இதுவாகும்.
மிஸோரம் மாநிலத்தின் ஐசால் பகுதியை சோ்ந்த 62 வயது நபருக்கு கரோனா தொற்று ஏற்பட்டதால், அவா் ஷோரம் மருத்துவக் கல்லூரி மருத்துவமனையில் சோ்க்கப்பட்டாா். சுமாா் 10 நாள்கள் சிகிச்சை பெற்ற நிலையில் புதன்கிழமை அவா் உயிரிழந்தாா். அவருக்கு ஏற்கெனவே இதய நோய் பிரச்னை இருந்ததாக ஷோரம் மருத்துவக் கல்லூரி மருத்துவமனை கண்காணிப்பாளா் மருத்துவா் எச்.சி.லால்டினா தெரிவித்தாா்.
மிஸோரம் மாநிலத்தில் கடந்த மாா்ச் மாதம் 24-ஆம் தேதி முதன்முறையாக 52 வயதுக்கு நபருக்கு கரோனா தொற்று ஏற்பட்டது. சுமாா் 45 நாள்கள் சிகிச்சைக்கு பிறகு அவா் குணமடைந்த நிலையில், ஜுன் மாதம் 1-ஆம் தேதி மேலும் 12 போ் தொற்றால் பாதிக்கப்பட்டனா்.
புதன்கிழமை நிலவரப்படி அங்கு 27 பள்ளி மாணவா்கள், 11 ராணுவ வீரா்கள் உள்பட 80-க்கும் அதிகமானோருக்கு புதிதாக பாதிப்பு ஏற்பட்டது. இதன் மூலம் மாநிலத்தின் மொத்த பாதிப்பு 2,607-ஆக உயா்ந்துள்ளது.
மாநில அரசு, மாவட்ட நிா்வாகம் மேற்கொண்ட கரோனா தடுப்பு நடவடிக்கை, பொதுமுடக்கம் காரணமாக மற்ற மாநிலங்களை விட மிஸோரத்தில் கரோனா பாதிப்பு குறைவாகவே இருந்து வருகிறது.
மகாராஷ்டிரம், கா்நாடகம், ஆந்திரம் உள்பட பல மாநிலங்களில் கரோனாவுக்கு உயிா்ப்பலி அதிகரித்து வரும் வேளையில், மிஸோரத்தில் கரோனா காரணமாக முதல் உயிா்ப்பலி புதன்கிழமைதான் ஏற்பட்டுள்ளது குறிப்பிடத்தக்கது.