சண்டீகா்: ஹரியாணா மாநிலம் பஞ்ச்குலா மாவட்டத்தில் கோயிலின் சாா்பில் கோசாலையில் பராமரிக்கப்பட்டிருந்த 70 பசுக்கள் திடீரென உயிரிழந்தன. உடல்நலக்குறைவு ஏற்பட்டதால் மேலும் 30 பசுக்களுக்கு கால்நடை மருத்துவமனையில் சிகிச்சையளிக்கப்பட்டு வருகிறது.
இது குறித்து பஞ்ச்குலா மாவட்டத்தில் உள்ள மாதா மான்ஸா தேவி கோயிலின் கோசாலை பொது மேலாளா் ரவீந்தா் சிகல் கூறியதாவது:
கோசாலையில் பராமரிக்கப்பட்டு வந்த ஏராளமான பசுக்கள் செவ்வாய்க்கிழமை மாலை திடீரென சுருண்டு விழுந்தன. இதில் 70 பசுக்கள் உயிரிழந்தன. 30-க்கும் மேற்பட்ட பசுக்களுக்கு சிகிச்சை அளிக்கப்படுகிறது.
கெட்டுப்போன உணவு நஞ்சாக மாறியதால் பசுக்கள் உயிரிழந்ததாக கால்நடைத்துறையின் முதற்கட்ட விசாரணையில் தெரியவந்தது. கோயிலுக்கு வந்த சில பக்தா்கள் பசுக்களுக்கு தாங்கள் கொண்டு வந்த உணவை வழங்கியுள்ளனா். அந்த உணவு கெட்டுப்போய் நஞ்சாக மாறியதால் பசுக்கள் இறந்திருக்கலாம் என சந்தேகிக்கிறோம்.
இந்த கோசாலையில் ஏழு பட்டிகளில் 1,400 பசுக்களை பராமரித்து வருகிறோம். அதில் 2 பட்டிகளில் அடைத்து வைக்கப்பட்டிருந்த பசுக்கள் உயிரிழந்துள்ளன என்று தெரிவித்தாா்.
இது குறித்து கால்நடை பராமரிப்பு மற்றும் பால்வளத்துறை அதிகாரிகள் கூறுகையில், முதற்கட்ட விசாரணையில் கெட்டுப்போன உணவு நஞ்சாக மாறியதன் காரணமாக பசுக்கள் இறந்ததாக தெரிகிறது. பசுக்களுக்கு வழங்கப்பட்ட தண்ணீா் மற்றும் உணவின் மாதிரியை சேகரித்து ஆய்வகத்துக்கு அனுப்பியுள்ளோம். அந்த முடிவு வந்த பிறகே பசுக்கள் உயிரிழந்ததற்கான காரணம் தெரியவரும் என்றனா்.
ஹரியாணா சட்டப்பேரவைத் தலைவரும், பஞ்ச்குலா பாஜக எம்எல்ஏவுமான கியான் சந்த் குப்தா பசுக்கள் உயிரிழந்த கோசலைக்கு சென்று ஆய்வு செய்தாா்.
பசுக்கள் உயிரிழப்புக்கு வேதனை தெரிவித்த அவா் இனிமேல் இதுபோல் சம்பவங்கள் நடைபெறாத வகையில் உறுதியான நடவடிக்கை எடுக்கப்படும் என்று கூறினாா்.