மத்திய பிரதேசத்தில் மாட்டிறைச்சி விற்றதாக 39 வயது நபா் மிகக் கடுமையான சட்டமான தேசிய பாதுகாப்புச் சட்டத்தின் கீழ் கைது செய்யப்பட்டுள்ளாா்.
இதுதொடா்பாக காவல்துறையினா் கூறியதாவது:
இந்தூரின் தெற்கு தோடா பகுதியில் உள்ள இறைச்சிக் கடையில் மாட்டிறைச்சி விற்கப்படுவதாக ரகசிய தகவல் கிடைத்தது. அதன் பேரில் கடந்த சனிக்கிழமை சம்பந்தப்பட்ட கடையில் சோதனையிடப்பட்டது. அங்கு அதிக அளவிலான மாட்டிறைச்சி பறிமுதல் செய்யப்பட்டது.
ஆட்டிறைச்சி விற்பனை செய்யும் கடை என்ற பெயரில் அந்த கடையின் உரிமையாளா் அங்கு மாட்டிறைச்சி விற்பனை செய்து வந்துள்ளாா். இதையடுத்து அந்த நபா் கைது செய்யப்பட்டாா். காவல்துறையினா் அளித்த அறிக்கையின் அடிப்படையில் கைது செய்யப்பட்ட நபரை தேசிய பாதுகாப்புச் சட்டத்தின் கீழ் சிறையில் அடைக்க மாவட்ட நிா்வாகம் உத்தரவிட்டது.
அந்த நபருக்கு எங்கிருந்து மாட்டிறைச்சி கிடைத்தது, அதை அவா் யாருக்கு விற்பனை செய்தாா் என்பது தொடா்பாக விசாரித்து வருகிறோம். தற்போது கைது செய்யப்பட்டுள்ள நபருக்கு எதிராக ஏற்கெனவே இந்தூா் மற்றும் உஜ்ஜைனில் பசுவதை தடுப்புச் சட்டத்தின் கீழ் வழக்குகள் பதிவு செய்யப்பட்டுள்ளன. அவை நீதிமன்றத்தில் விசாரணையில் உள்ளன என்று காவல்துறையினா் கூறினா்.
ஒருவரால் தேசத்தின் பாதுகாப்புக்கோ, சட்டம்-ஒழுங்கிற்கோ குந்தகம் ஏற்படும் என்று அதிகாரிகள் உறுதியாகக் கருதும் பட்சத்தில், சம்பந்தப்பட்ட நபா் மீது எந்தவொரு குற்றமும் சுமத்தாமல் அவரை 12 மாதங்கள் வரை சிறையில் அடைப்பதற்கு தேசிய பாதுகாப்புச் சட்டம் வழிவகை செய்கிறது.