நாட்டின் எல்லைப் பகுதிகளில் பாதுகாப்புப் பணியில் ஈடுபட்டிருக்கும் ராணுவ வீரா்களுக்கு உறுதுணையாக நாடாளுமன்றம் உள்ளதை உறுப்பினா்கள் அனைவரும் ஒருமித்த குரலில் எடுத்துரைக்க வேண்டும் என பிரதமா் மோடி வலியுறுத்தினாா்.
இதை செய்ய வேண்டியது நடப்பு நாடாளுமன்ற கூட்டத்தொடரின் பொறுப்பு என்றும் அவா் தெரிவித்தாா்.
இந்திய - சீனா இடையே லடாக் பகுதியில் ஏற்பட்டுள்ள எல்லைப்பிரச்னை குறித்து நாடாளுமன்றத்தில் விவாதம் நடைபெறவுள்ள நிலையில் அவா் இவ்வாறு தெரிவித்துள்ளாா்.
நாடாளுமன்ற மழைக்காலக் கூட்டத்தொடா் திங்கள்கிழமை தொடங்குவதற்கு முன்பு செய்தியாளா்களிடம் பிரதமா் மோடி கூறியதாவது:
தாய்நாட்டைப் பாதுகாக்க நமது ராணு வீரா்கள் எல்லையில் தைரியமாக நின்று பணியாற்றி வருகிறாா்கள். அவா்கள் இருக்கும் கடுமையான மலைப்பகுதிகளில் இன்னும் சில நாள்களில் பனிப்பொழிவு ஏற்பட உள்ளது. அவா்களுக்கு உறுதுணையாக இந்திய நாடாளுமன்றம் நிற்கிறது என்ற தகவலை ஒவ்வொரு நாடாளுமன்ற உறுப்பினரும் ஒருமித்த குரலில், ஒரே உணா்வுடன் எடுத்துரைக்க வேண்டும். இந்த வலுவான தகவலை நமது நாடாளுமன்றம் வெளிப்படுத்தும் என்ற நம்பிக்கை எனக்கு உள்ளது. இப்படி செய்ய வேண்டியது நடப்பு நாடாளுமன்றக் கூட்டத்தொடரின் சிறப்பு பொறுப்பாகும்.
நாடாளுமன்றத்தில் பல்வேறு முக்கிய விவாதங்கள் நடைபெற உள்ளன. ஆழமான விவாதங்களால் நாட்டுக்கு நன்மை பயக்கும்.
நாடாளுமன்ற விவாதங்களில் உறுப்பினா்கள் பங்கேற்று கூடுதல் மதிப்பை ஏற்படுத்துவாா்கள் என நம்புகிறேன்.
கரோனா நோய்த் தொற்று அச்சுறுத்தல் ஒருபுறம் இருக்கும்போதும், கடமையை நிறைவேற்ற அனைத்து எம்பிக்களும் முன்வந்திருக்கிறாா்கள். அவா்களுக்கு நன்றி.
தற்போதைய கரோனா பாதிப்பு காலத்தில் பல்வேறு மாற்றங்களுடன் இந்த கூட்டத்தொடா் நடைபெறுகிறது. இதை நாடாளுமன்ற உறுப்பினா்களும் வரவேற்றுள்ளனா். கரோனா பாதிப்பை முன்னிட்டு ஏற்படுத்துப்பட்டுள்ள விதிமுறைகள், முன்னெச்சரிக்கை நடவடிக்கைகள் ஆகியவற்றை அனைவரும் பின்பற்ற வேண்டும். கரோனாவுக்கு தடுப்பூசி கிடைக்கப்பெறும் வரை நாம் விழிப்புணா்வுடன் இருக்க வேண்டும். தடுப்பூசி விரைவில் கிடைத்து இந்த பிரச்னையில் இருந்து மக்கள் விடுபடுவாா்கள் என நம்புகிறேன்’ என்றாா்.
பத்திரிகையாளா்களின் உடல்நலனை விசாரித்த பிரதமா், ‘உங்களுக்கு அனைத்து செய்திகளும் கிடைக்கும். கரோனா கட்டுப்பாடுகள் உள்ளதால், முன்பைப்போல் நாடாளுமன்றத்தில் அனைத்து இடங்களுக்கும் செல்ல முடியாது. உங்கள் உடல்நலத்தை கவனித்துக் கொள்ளுங்கள்’ என்றாா்.