ஜார்கண்ட் மாநிலத்தில் கடந்த 24 மணிநேரத்தில் புதிதாக 1,702 பேருக்கு கரோனா வைரஸ் தொற்று கண்டறியப்பட்டுள்ளது. மேலும் 10 பேர் உயிரிழந்தனர்.
நாட்டின் பல்வேறு மாநிலங்களில் கரோனா வைரஸ் தொற்று பரவல் அதிகரித்து வருகிறது. அந்தவகையில் ஜார்கண்டில் தொற்றால் பாதிக்கப்படுவோர் எண்ணிக்கை அதிகரித்துள்ளது.
இது குறித்து ஜார்கண்ட் சுகாதாரத்துறை வெளியிட்டுள்ள அறிக்கையில் தெரிவிக்கப்பட்டுள்ளதாவது, ''கடந்த 24 மணிநேரத்தில் புதிதாக 1,702 பேருக்கு கரோனா தொற்று உறுதி செய்யப்பட்டுள்ளது. இதன்மூலம் கரோனாவால் பாதிக்கப்படுவோர் எண்ணிக்கை 64,439-ஆக அதிகரித்துள்ளது.
கரோனாவால் பாதிக்கப்பட்டு 14,118 பேர் கரோனா தொற்றுக்கு சிகிச்சை பெற்று வருகின்றனர். தொற்று பாதிப்பிலிருந்து இதுவரை மொத்தமாக 49,750 பேர் குணமடைந்து வீடு திரும்பியுள்ளனர்.
கரோனா தொற்றால் பாதிக்கப்பட்டு கடந்த புதிதாக 10 பேர் உயிரிழந்ததால், மொத்தமாக உயிரிழந்தோரின் எண்ணிக்கை 571-ஆக அதிகரித்துள்ளது. கடந்த 24 மணிநேரத்தில் மட்டும் 51,795 பேருக்கு கரோனா பரிசோதனை செய்யப்பட்டுள்ளது'' இவ்வாறு சுகாதாரத்துறை அறிக்கையில் தெரிவிக்கப்பட்டுள்ளது.