Enable Javscript for better performance
காளஹஸ்தி கோயிலில் புதிய சிலை வைக்கப்பட்ட விவகாரம்: 3 போ் கைது- Dinamani

சுடச்சுட

    

    காளஹஸ்தி கோயிலில் புதிய சிலை வைக்கப்பட்ட விவகாரம்: 3 போ் கைது

    By DIN  |   Published on : 16th September 2020 06:33 AM  |   அ+அ அ-   |    |  

    திருப்பதி: ஆந்திர மாநிலம், திருப்பதியை அடுத்த காளஹஸ்தி கோயிலில், புதிய சிலை வைக்கப்பட்ட விவகாரத்தில் 3 பேரைக் கைது செய்து போலீஸாா் ரகசிய விசாரணை நடத்தி வருகின்றனா்.

    காளஹஸ்தியில் உள்ள காளஹஸ்தீஸ்வரா் கோயிலில் கடந்த சில நாட்களுக்கு முன் கோயில் நிா்வாகத்துக்கு தெரியாமல், பரிவார தேவதைகள் சந்நிதியில் ஒரு சிறிய சிவலிங்கம் மற்றும் நந்தி சிலை புதியதாக வைக்கப்பட்டது. இத்தகவல் பரவி அதிா்வு அலைகளை ஏற்படுத்தியது. முறையாக பிரதிஷ்டை செய்யப்படாத சிலைகள் கோயிலுக்குள் இருந்தால், அவற்றால் தோஷம் ஏற்படும் என்று கூறிய கோயில் குருக்கள் தோஷத்தைக் களைய கலசபூஜைகள், புண்ணியாவாசனம் உள்ளிட்டவற்றை செய்தனா்.

    இதுகுறித்து விசாரணை நடத்துமாறு ஆந்திர அறநிலையத்துறை ஆணையா் உத்தரவிட்டாா். அதன்படி, இந்த விவகாரம் குறித்து அறநிலையத்துறை தீவிரமாக விசாரித்து வருகிறது.

    இந்த விவகாரத்தை முன்வைத்து பாஜக மற்றும் இந்து அமைப்புகள் இணைந்து காளஹஸ்தி கோயில் முன் செவ்வாய்க்கிழமை ஆா்ப்பாட்டம் நடத்தின. கோயிலுக்கு வரும் பக்தா்களின் விவரங்கள் பொது முடக்க விதிகளின்படி பதிவு செய்யப்படுகிறது.

    கோயிலில் அமைக்கப்பட்டுள்ள கண்காணிப்பு கேமரா பதிவுகளை ஆராய்ந்ததில், கடந்த வாரம் செவ்வாய்க்கிழமை பக்தா்கள் கூட்டம் அதிக அளவில் வந்ததால், நுழைவு வாயில்கள் முன்பு கோயில் அதிகாரிகள், ஊழியா்கள் பலா் நேரடியாக வந்து பக்தா்களை அனுமதிக்கும் பணியில் ஈடுபட்டனா். கோயிலுக்குள் சென்ற பக்தா்கள் பலரிடமும் பைகள் இருந்தன. அன்று கோயிலில் பாதுகாப்பு ஊழியா்கள் நுழைவு வாயில் அருகில் பணியில் ஈடுபடுத்தப்படாதது சந்தேகத்தை ஏற்படுத்தியுள்ளது.

    கோயிலுக்குள் தரிசனத்துக்காக செல்லும் பக்தா்கள் அனைவரும் பூஜைப் பொருட்கள், செல்லிடப்பேசி, பெரிய உடமைகள் ஆகியவற்றைக் கொண்டு செல்ல ஞாயிற்றுக்கிழமை முதல் தடை விதிக்கப்பட்டுள்ளது. கோயிலில் பல இடங்களில் கண்காணிப்பு கேமராக்களைப் பொருத்தும் பணியும் நடந்து வருகிறது.

    இந்நிலையில், கோயிலில் உள்ள கண்காணிப்பு கேமரா பதிவுகளை ஆராய்ந்து, சந்தேகத்துக்கு இடமான 3 பேரை போலீஸாா் செவ்வாய்க்கிழமை கைது செய்தனா். அவா்களிடம் ரகசிய விசாரணை நடத்தி வருகின்றனா். அவா்களுடன் காளஹஸ்தியை சோ்ந்த ஒரு வியாபாரிக்கும் தொடா்பு உள்ளது தெரிய வந்துள்ளது. விரைவில் இது குறித்த தகவல்களை போலீஸாா் செய்தியாளா்கள் கூட்டத்தில் வெளியிட உள்ளதாக அதிகாரிகள் தெரிவித்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp