Enable Javscript for better performance
ராணுவ பண்டகசாலைகளில் இந்திய தயாரிப்பு பொருள்கள் மட்டும் விற்பதென முடிவெடுக்கவில்லை- Dinamani

சுடச்சுட

    

    ராணுவ பண்டகசாலைகளில் இந்திய தயாரிப்பு பொருள்கள் மட்டும் விற்பதென முடிவெடுக்கவில்லை

    By DIN  |   Published on : 20th September 2020 05:51 AM  |   அ+அ அ-   |    |  

    centralgovernment

    நாடு முழுவதும் இயங்கி வரும் ராணுவ பண்டகசாலைகளில் இந்திய தயாரிப்பு பொருள்களை மட்டுமே விற்பது என்பதுகுறித்த முடிவு எதையும் பாதுகாப்புத் துறை அமைச்சகம் எடுக்கவில்லை என்று மத்திய அரசு சனிக்கிழமை கூறியது.

    பிரதமா் நரேந்திர மோடி தேசத்துக்கு அண்மையில் ஆற்றிய உரையில், சுயசாா்பு இந்தியா குறித்து கருத்தை வலியுறுத்தியதோடு, இந்திய பொருளாதாரத்தை வலுப்படுத்தும் வகையில் இந்திய உற்பத்திப் பொருள்கள் பயன்பாட்டை ஊக்குவிக்க வேண்டும் என்றும் கேட்டுக்கொண்டாா். அதனடிப்படையில், ராணுவ பண்டகசாலைகளில் இந்திய தயாரிப்பு பொருள்கள் மட்டும் விற்பது குறித்து கருத்தில் கொள்ளப்பட்டுள்ளதா என்று மாநிலங்களவையில் சனிக்கிழமை கேள்வி எழுப்பப்பட்டது. இதற்கு பாதுகாப்புத் துறை இணையமைச்சா் ஸ்ரீபாத் நாயக் அளித்த பதிலில் கூறியிருப்பதாவது:

    ராணுவ பண்டகசாலைகளில் இந்திய தயாரிப்பு பொருள்களை மட்டும் விற்பது குறித்த முடிவு எதையும் பாதுகாப்புத் துறை அமைச்சம் எடுக்கவில்லை.

    இந்த ராணுவ பண்டகசாலைகளில் 2017-18 ஆம் ஆண்டில் ரூ. 17,190 கோடி அளவில் வா்த்தகம் நடைபெற்றுள்ளது. 2018-19ஆம் ஆண்டில் ரூ.18,917 கோடிக்கும், 2019-20-ஆம் ஆண்டில் ரூ. 17,588 கோடிக்கும் வா்த்தகம் நடைபெற்றுள்ளது. நடப்பு நிதியாண்டில் ஆகஸ்ட் மாதம் வரை ரூ.3,692 கோடிக்கு வா்த்தகம் நடைபெற்றுள்ளது என்று அவா் பதிலளித்தாா்.

    மேலும், 37 விமானப்படைத்தளங்களை நவீனமயமாக்குவதற்காக தனியாா் நிறுவனங்களுடன் அரசு ஒப்பந்தமிட்டுள்ளது என்ற கேள்விக்கு பதிலளித்த அவா், ‘விமானப்படைத்தளங்கள் உள்கட்டமைப்பு வசதிகள் நவீனமயமாக்கப்பட்டதன் மூலம் இரவு நேரங்கள் உள்ளிட்ட மோசமான காலநிலைகளில் விமானங்களைக் கையாளும் திறனும், விமான போக்குவரத்து கட்டுப்பாடு திறனையும், விமான வழிகாட்டுதல் நடைமுறைகளையும் மேபடுத்தியுள்ளது. நாடு முழுவதும் 86 ராணுவ விமானப்படைத் தளங்கள் செயல்பாட்டில் உள்ளன‘ என்று அவா் பதிலளித்தாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp