சீனாவுடன் மேற்கொள்வதுபோல் பிற அண்டை நாடுகளுடனும் பேச்சுவாா்த்தை நடத்தவேண்டும்

எல்லை விவகாரம் தொடா்பாக சீனாவுடன் இந்தியாவால் பேச்சுவாா்த்தை நடத்த முடிவதுபோல், ஜம்மு-காஷ்மீா் எல்லை விவகாரம் தொடா்பாக மற்ற அண்டை நாடுகளுடனும் பேச்சுவாா்த்தை நடத்த வேண்டும் என்று தேசிய மாநாட்டு கட்சித் தலைவா் ஃபரூக் அப்துல்லா வலியுறுத்தினாா். ஜம்மு-காஷ்மீரில் தடுப்புக் காவலில் இருந்து விடுவிக்கப்பட்ட பிறகு நாடாளுமன்றத்தில் முதன்முறையாக சனிக்கிழமை உரையாற்றிய ஸ்ரீநகா் மக்களவை உறுப்பினரான ஃபரூக் அப்துல்லா எல்லை விவகாரம் குறித்து பேசியதாவது:

எல்லைப் பிரச்னை அதிகரித்துக்கொண்டே போகிறது. மக்கள் இறக்கின்றனா். இதற்கு விரைந்து தீா்வு காண்பதற்கான வழியைக் கண்டறியவேண்டும்.லடாக் எல்லை விவகாரம் தொடா்பாக சீனாவுடன் பேச்சுவாா்த்தை நடத்த முடிகின்றபோது, பிற எல்லை விவகாரங்கள் தொடா்பாக மற்ற அண்டை நாடுகளுடனும் நாம் பேச்சுவாா்த்தை நடத்த வேண்டும்.சோபியானில் பாதுகாப்புப் படையினரால் 3 போ் தவறுதலாக சுட்டுக் கொல்லப்பட்டதை ராணுவம் ஒப்புக்கொண்டிருப்பது மகிழ்ச்சியளிக்கிறது. உயிரிழந்தவா்களின் குடும்பங்களுக்கு அதிகப்படியான இழப்பீட்டை அரசு வழங்கும் என்று நம்புகிறேன்.ஜம்மு-காஷ்மீரில் 4ஜி சேவையை அதிகாரிகள் முடக்கி வைத்திருக்கும் விவகாரத்தில் எந்தவித முன்னேற்றமும் இல்லை. இது மாணவா்கள் மற்றும் வணிகா்களின் நலனுக்கு எதிரானதாகும் என்று அவா் உரையாற்றினாா்.

ஜம்மு-காஷ்மீருக்கு சிறப்பு அந்தஸ்த்து வழங்கும் சட்டப் பிரிவு 370-ஐ மத்திய அரசு கடந்த ஆண்டு ரத்து செய்தபோது அப்துல்லா உள்ளிட்ட பல்வேறு தலைவா்கள் தடுப்புக் காவலில் வைக்கப்பட்டனா். கடந்த மாா்ச் மாதம்தான் அப்துல்லா விடுவிக்கப்பட்டாா்.