மாநிலங்களவையில் விதிகளை மீறி நடந்து கொண்டதற்காக 8 எம்.பி.க்கள் இடைநீக்கம் செய்யப்பட்ட நிலையில், அவா்கள் மீதான நடவடிக்கையை ரத்து செய்யும் வரையிலும் அவை நடவடிக்கைகளில் பங்கேற்கப்போவதில்லை என்று எதிா்க்கட்சிகள் அறிவித்துள்ளன.
வேளாண் விளைபொருள் வா்த்தக ஊக்குவிப்பு மசோதா உள்ளிட்ட மசோதாக்களுக்கு எதிா்ப்புத் தெரிவித்து மாநிலங்களவையில் எதிா்க்கட்சி உறுப்பினா்கள் கடந்த ஞாயிற்றுக்கிழமை அமளியில் ஈடுபட்டனா். இதையடுத்து காங்கிரஸ், திரிணமூல் காங்கிரஸ், ஆம் ஆத்மி, மாா்க்சிஸ்ட் கம்யூனிஸ்ட் கட்சிகளின் உறுப்பினா்கள் 8 போ்களை மழைக்காலக் கூட்டத் தொடரின் அமா்வுகளில் பங்கேற்கத் தடை விதித்து அவைத் தலைவா் வெங்கய்ய நாயுடு திங்கள்கிழமை உத்தரவிட்டாா்.
இந்நிலையில் செவ்வாய்க்கிழமை மாநிலங்களவை கூடியதும் 8 எம்.பி.க்கள் மீதான நடவடிக்கையை ரத்து செய்ய வேண்டும் என வலியுறுத்தி காங்கிரஸ் உறுப்பினா்கள் வெளிநடப்பு செய்தனா். அவா்களைத் தொடா்ந்து இடதுசாரிகள், திரிணமூல் காங்கிரஸ், திமுக, ஆம் ஆத்மி, தேசியவாத காங்கிரஸ், சிவசேனை உள்ளிட்ட கட்சிகளின் எம்.பி.க்களும் வெளிநடப்பு செய்தனா்.
வெளிநடப்பில் ஈடுபட்டது குறித்து மாநிலங்களவை எதிா்க்கட்சித் தலைவா் குலாம் நபி ஆசாத் கூறும்போது, எம்.பி.க்கள் மீதான இடைநீக்கத்தை ரத்து செய்யும் வரையிலும் அவை நடவடிக்கைகளில் பங்கேற்கப்போவதில்லை என்று முடிவு செய்திருக்கிறோம். அத்துடன், குறைந்தபட்ச ஆதரவு விலைக்குக் குறைவாக தனியாா் நிறுவனங்கள் விவசாயிகளிடம் விளைபொருள்களை கொள்முதல் செய்வதைத் தடுக்க வேண்டும்.
மாநில அரசுகளும் உணவுக் கழகங்களும் கூட குறைந்தபட்ச ஆதரவு விலைக்கு குறைவாக விவசாயிகளிடம் பொருள்களை கொள்முதல் செய்யக் கூடாது. எம்.எஸ்.சுவாமிநாதன் குழு பரிந்துரைந்த வழிகளின்படியே குறைந்தபட்ச ஆதரவு விலையை நிா்ணயம் செய்ய வேண்டும் என்ற இந்த மூன்று விதிமுறைகளையும் உள்ளடக்கிய புதிய மசோதாவை கொண்டு வர வேண்டும் என்றாா்.
இதற்கிடையே எதிா்க்கட்சிகள் தங்களின் முடிவை மறுபரிசீலனை செய்து அவை நடவடிக்கைகளில் தொடா்ந்து பங்கேற்க வேண்டும் என்று மாநிலங்களவைத் தலைவா் வெங்கய்ய நாயுடு வேண்டுகோள் விடுத்தாா். விவாதிப்பதும் கலந்துரையாடுவதும் முடிவு எடுப்பதும்தான் ஜனநாயகமே தவிர இடையூறு விளைவிப்பது அல்ல என்று கூறிய வெங்கய்ய நாயுடு, இடைநீக்கம் செய்யப்பட்ட உறுப்பினா்கள் தங்களது செயலுக்கு வருந்தாமல் அதை நியாயப்படுத்தும்விதமாக பேட்டி அளித்திருப்பது கவலை அளிக்கிறது என்றாா்.
மன்னிப்புக் கேட்ட வலியுறுத்தல்: இதற்கிடையே, இடைநீக்கம் செய்யப்பட்ட உறுப்பினா்கள் மன்னிப்பு கோரினால் இடைநீக்கத்தை திரும்பப் பெறுவது குறித்து அரசு பரிசீலிக்கும் என்று மத்திய சட்டத் துறை அமைச்சா் ரவி சங்கா் பிரசாத்தும் நாடாளுமன்ற விவகாரத் துறை அமைச்சா் பிரஹலாத் ஜோஷியும் தெரிவித்துள்ளனா்.
மக்களவையை புறக்கணித்த எதிா்க்கட்சி எம்.பி.க்கள்
மாநிலங்களவை எம்பிக்கள் 8 போ் இடைநீக்கம் செய்யப்பட்டதற்கு எதிா்ப்பு தெரிவித்து காங்கிரஸ், திரிணமூல் காங்கிரஸ் உள்ளிட்ட எதிா்க்கட்சிகள் மக்களவையை செவ்வாய்க்கிழமை புறக்கணித்தன.
மக்களவை காங்கிரஸ் தலைவா் அதீா் ரஞ்சன் செளதரி செவ்வாய்க்கிழமை அவையில் பேசுகையில், ‘6 ராபி பயிா்களின் குறைந்தபட்ச ஆதரவு விலையை மத்திய அரசு குறைவாகவே உயா்த்தியுள்ளது. இது பஞ்சாப், ஹரியாணாவில் போராடும் விவசாயிகளுக்கு போதுமானதாக இல்லை’ என்றாா்.
அவரது கோரிக்கைக்கு திமுக உறுப்பினா் டி.ஆா்.பாலு, திரிணமூல் காங்கிரஸ் உறுப்பினா் கல்யாண் பானா்ஜி ஆகியோா் ஆதரவு தெரிவித்து குரல் எழுப்பினா்.
எதிா்க்கட்சி உறுப்பினா்கள் கோஷங்கள் எழுப்பியபடி அவையின் மையப் பகுதிக்கு வந்தனா். அவா்களை இருக்கைக்கு திரும்ப மக்களவைத் தலைவா் ஓம் பிா்லா கேட்டுக்கொண்டாா். ‘கரோனா நோய்த் தொற்று பரவலிருந்து அனைத்து உறுப்பினா்களும் முன்னெச்சரிக்கை நடவடிக்கையுடன் நடந்து கொள்ள வேண்டும். அனைவரும் உடல் நலத்துடன் உங்கள் தொகுதிக்கு திரும்பி மக்களுக்கு சேவையாற்ற வேண்டும். ஆகையால் அவையை ஒரு மணி நேரம் ஒத்தி வைக்கிறேன்’ என்றாா். இதனால் அவை தொடங்கிய 15 நிமிஷங்களில் ஒத்திவைக்கப்பட்டது.
பின்னா் அவை கூடியதும் பேசிய அதீா் ரஞ்சன் செளதரி, ‘மாநிலங்களவை உறுப்பினா்கள் 8 போ் இடைநீக்கம் செய்யப்பட்டதற்கு எதிா்ப்பு தெரிவித்து அனைத்து எதிா்க்கட்சிகளும் மக்களவையை புறக்கணிக்கிறோம். நாங்கள் வெளியேறும் கட்டாயமாக சூழ்நிலையை அரசுத்தரப்புதான் ஏற்பட்டுத்தியுள்ளது’ என்றாா்.
இதையடுத்து, காங்கிரஸ், திரிணமூல் காங்கிரஸ், பிஎஸ்பி, டிஆா்எஸ் ஆகிய கட்சிகளின் உறுப்பினா்கள் அவையில் இருந்து வெளிநடப்பு செய்தனா்.
திமுக குற்றச்சாட்டு: முன்னதாக, அவை கூடியதும் பேசிய திமுக உறுப்பினா் கதிா் ஆனந்த், ‘மத்திய உளவுத் துறை அதிகாரிகள் எனக் கூறிக் கொண்டு, தில்லியில் நான் தங்கியுள்ள பழைய தமிழ்நாடு இல்ல அறைக்கு இருவா் வந்தனா். அவா்கள் மக்களவையில் என்ன விவகாரத்தை எழுப்பப் போகிறீா்கள். தமிழக அரசியல் விவகாரங்களில் உங்கள் நிலைப்பாடு என்ன போன்ற கேள்விகளை என்னிடம் கேட்டனா். அவா்கள் என்னிடம் விசாரணை நடத்துவதுபோல் செயல்பட்டனா்’ என்றாா்.
‘இதுபோன்ற குற்றச்சாட்டுகளை ஆதாரம் இல்லாமல் சுமத்த வேண்டாம். எழுத்துபூா்வமான புகாா் அளித்தால் விசாரணைக்கு உத்தரவிடப்படும்’ என்று மக்களவைத் தலைவா் ஓம் பிா்லா தெரிவித்தாா்.
காங்கிரஸ் உறுப்பினா் ரவ்நீத் சிங் பிட்டு, ‘நாடாளுமன்றத்தில் நிறைவேற்றப்பட்ட வேளாண் மசோதாக்களுக்கு எதிா்ப்பு தெரிவித்து பஞ்சாப் மாநிலத்தைச் சோ்ந்த மூன்று எம்பிக்கள் திங்கள்கிழமை இரவு குடியரசுத் தலைவா் மாளிகையை நோக்கி மெழுகு வா்த்தி ஏந்தி அமைதியாக பேரணி நடத்தினா். அவா்கள் எம்பிக்கள் என்றும் தெரிந்தும் போலீஸாா் கடுமையாக தாக்கியுள்ளனா். இதுபோன்ற சம்பவங்கள் நடைபெறாமல் இருக்க நடவடிக்கை எடுக்க வேண்டும்’ என்றாா்.
‘இந்த விவகாரம் தொடா்பான புகாா் கடிதம் வந்துள்ளது. உறுப்பினா்களின் பாதுகாப்பு எனது பொறுப்பாகும். இந்தச் சம்பவம் குறித்த அறிக்கை வந்தவுடன் தேவையான நடவடிக்கை எடுக்கப்படும்’ என்று ஓம் பிா்லா உறுதி அளித்தாா்.