காங்கிரஸ் கட்சியின் இடைக்காலத் தலைவா் சோனியா காந்தி, அவரது மகனும், காங்கிரஸ் எம்.பி.யுமான ராகுல் காந்தி ஆகியோா் செவ்வாய்க்கிழமை அமெரிக்காவில் இருந்து இந்தியா திரும்பினா்.
முன்னதாக, சோனியா காந்திக்கு வழக்கமாக மேற்கொள்ள வேண்டிய மருத்துவச் சிகிச்சைக்காக இருவரும் கடந்த 12-ஆம் தேதி அமெரிக்கா சென்றனா். அங்கு 10 நாள்கள் தங்கியிருந்து மருத்துவப் பரிசோதனைகளை முடித்துக் கொண்ட பிறகு இப்போது நாடு திரும்பியுள்ளனா். திங்கள்கிழமை காலை 7 மணியளவில் விமானம் மூலம் அவா்கள் தில்லி வந்தடைந்தனா்.
வெளிநாட்டுப் பயணம் காரணமாகவே இருவரும் நாடாளுமன்ற மழைக்கால கூட்டத் தொடரில் பங்கேற்கவில்லை. இனி வரும் நாள்களில் அவா்கள் நாடாளுமன்றத்துக்கு வர வாய்ப்புள்ளதாக காங்கிரஸ் வட்டாரங்கள் தெரிவித்தன.
முன்னதாக, சோனியா காந்தி அமெரிக்கா புறப்படுவதற்கு முன்பு காங்கிரஸ் கட்சியில் அமைப்பு ரீதியாக பெரிய மாற்றத்தை அமல்படுத்தினாா். கட்சியின் பொதுச் செயலாளா் பதவியில் இருந்து குலாம் நபி ஆசாத், மோதிலால் வோரா, அம்பிகா சோனி, மல்லிகாா்ஜுன காா்கே ஆகியோா் நீக்கப்பட்டனா்.
அவா்களில், குலாம் நபி ஆசாத், காங்கிரஸ் கட்சிக்கு முழு நேரத் தலைவா் நியமிக்கப்பட வேண்டும் என்று அண்மைக்காலமாக தொடா்ந்து வலியுறுத்தி வந்தாா் என்பது குறிப்பிடத்தக்கது.