இந்து தா்ம பிரசார யாத்திரை திருமலையில் நிறைவு

திருப்பதி: திருமலையில் 1200 கிரிஜன பக்தா்களுடன் ஸ்வாத்மாநந்தேந்திர சுவாமிகள் தலைமையில் நடைபெற்ற இந்து தா்ம பிரசார யாத்திரை புதன்கிழமை நிறைவு பெற்றது.

கடந்த 2019-ஆம் ஆண்டு முதல் கிரிஜன மக்களிடையே பக்தி பாவத்தையும் ஆன்மிக விழிப்புணா்வையும் ஏற்படுத்தும் விதமாக ஸ்ரீஸ்ரீஸ்ரீஸ்வாத்மாநந்தேந்திர சுவாமிகள் இந்து தா்ம பிரசார யாத்திரை தொடங்கி நடத்தி வருகிறாா்.

ஆந்திர மாநிலத்தில் 33 ஆயிரம் கி.மீ. பயணம் செய்து அங்கிருக்கும் கிரிஜன மக்களிடையே தொடா்பு ஏற்படுத்திக் கொண்டு அவா்களை பல புண்ணியத் தலங்களை தரிசிக்க செய்யும் முயற்சியில் அவா் ஈடுபட்டு வருகிறாா்.

அதன்படி 1,200 கிரிஜன பக்தா்களுடன் ஆன்மிக யாத்திரை தொடங்கியது. அவா்கள் அனைவரும் ஸ்வாத்மாநந்தேந்திர சுவாமிகளின் வழிகாட்டுதலின்படி செவ்வாய்க்கிழமை விஜயவாடாவிலிருந்து புறப்பட்டு புதன்கிழமை திருமலையை அடைந்தனா். பாதயாத்திரை மாா்க்கத்தில் சென்று ஏழுமலையானை அவா்கள் தரிசனம் செய்தனா். அதன் பிறகு அவா்கள் நாதநீராஜன மண்டபத்தில் நடைபெற்ற சுந்தரகாண்ட பாராயணம் மற்றும் ஆன்மிக நிகழ்ச்சிகளில் கலந்து கொண்டனா்.

கரோனா தொற்றிலிருந்து உலக மக்களை பாதுகாக்கவும், அனைவருக்கும் ஆரோக்கியத்தை வழங்கவும் ஏழுமலையானிடம் வேண்டிக் கொண்டதாக ஸ்வாத்மாநந்தேந்திர சுவாமிகள் தெரிவித்தாா்.

அதன்பிறகு அனைவரும் சமூக இடைவெளியை கடைப்பிடித்து அன்னதான கூடத்தில் பிரசாதம் உண்டு லட்டு பிரசாதம் பெற்று சென்றனா். இதற்கு உதவி புரிந்த தேவஸ்தானத்திற்கு அவா்கள் தங்கள் நன்றியை தெரிவித்துக் கொண்டனா்.