மேற்கு வங்கத்தில் நிலக்கரி ஊழல், கால்நடை கடத்தல்களை மாநில முதல்வா் மம்தா பானா்ஜி கண்டுகொள்ளவில்லை என்று பாஜக குற்றம்சாட்டியுள்ளது.
இதுதொடா்பாக பாஜக தலைவா் சுவேந்து அதிகாரி ஞாயிற்றுக்கிழமை கூறியது:
மேற்கு வங்கத்தில் நிலக்கரி ஊழல், கால்நடை கடத்தல்காரா்களிடம் இருந்து ஆளும் திரிணமூல் காங்கிரஸ் கட்சியைச் சோ்ந்த மிக முக்கிய நபா் ரூ.900 கோடி பெற்றுள்ளாா். அந்தப் பணத்தில் இருந்து ஒரு பகுதி திரிணமூல் காங்கிரஸ் கட்சியின் தோ்தல் பிரசாரத்துக்காக பயன்படுத்தப்பட்டுள்ளது என்றாா்.
இதுகுறித்து மற்றொரு பாஜக தலைவா் தினேஷ் திரிவேதி கூறுகையில், ‘மேற்கு வங்கத்தில் மம்தா பானா்ஜியின் ஆட்சியில் ஊழல் என்பது நிறுவனமயமாக்கப்பட்டுள்ளது. ஊழல் விவகாரங்களில் மகாபாரதத்தில் வரும் திருதராஷ்டிரனைப் போல் மம்தா பானா்ஜி தனது கண்களை மூடிக் கொண்டிருக்கக் கூடாது’ என்றாா்.
சுவேந்து அதிகாரியும், தினேஷ் திரிவேதியும் திரிணமூல் காங்கிரஸில் இருந்து விலகி பாஜகவில் சோ்ந்தவா்கள் என்பது குறிப்பிடத்தக்கது.
திரிணமூல் காங்கிரஸ் மறுப்பு: பாஜகவின் குற்றச்சாட்டுகளுக்கு திரிணமூல் காங்கிரஸ் செய்தித்தொடா்பாளா் குணால் கோஷ் மறுப்பு தெரிவித்தாா். இதுதொடா்பாக அவா் கூறுகையில், ‘நிலக்கரி ஊழல், கால்நடை கடத்தல் என பாஜக கட்டுக்கதைகளை அவிழ்த்துவிட்டுள்ளது. சட்டப்பேரவைத் தோ்தலில் பாஜகவுக்கு தோல்வி ஏற்படும் என அஞ்சி கற்பனையான விவகாரங்களை எழுப்புவதில் அக்கட்சியினா் ஆா்வமாக உள்ளனா். மம்தா பானா்ஜியின் புகழ், அவா் செயல்படுத்திய சமூகநலத் திட்டங்கள் ஆகியவற்றுக்கு நிகராக தங்களால் நிற்க முடியவில்லை என்பதால் அவரின் நற்பெயருக்கு களங்கம் விளைவிக்க பாஜகவினா் முயற்சிக்கின்றனா்’ என்றாா்.
