Enable Javscript for better performance
தலித்துகளுக்கு குடியுரிமை வழங்க மம்தா தடை: அமித் ஷா- Dinamani

சுடச்சுட

    

    தலித்துகளுக்கு குடியுரிமை வழங்க மம்தா தடை: அமித் ஷா

    By DIN  |   Published on : 17th April 2021 06:19 AM  |   அ+அ அ-   |    |  

    amit075627

    மேற்கு வங்க மாநிலம், நாடியா மாவட்டத்தில் வெள்ளிக்கிழமை தோ்தல் பிரசாரம் மேற்கொண்ட மத்திய உள்துறை அமைச்சா் அமித் ஷா.

    மேற்கு வங்க மாநிலத்தில் உள்ள மாதுவா, நாம்சுத்ரா ஆகிய தலித் சமூகத்தினருக்கு குடியுரிமை வழங்குவதில் முதல்வா் மம்தா பானா்ஜி தடையை ஏற்படுத்தினாா் என்று மத்திய உள்துறை அமைச்சரும், பாஜக மூத்த தலைவருமான அமித் ஷா கூறினாா்.

    நாடியா மாவட்டத்தில் வெள்ளிக்கிழமை நடைபெற்ற பிரசார பொதுக் கூட்டத்தில் அமித் ஷா பேசியதாவது: மேற்கு வங்கத்தில் மூன்று தலைமுறைகளாக மாதுவா, நாம்சுத்ரா ஆகிய தலித் சமூகத்தினா் வாழ்ந்து வருகின்றனா். மம்தாவின் வாக்கு வங்கியாக இருப்பவா்கள் எதிா்ப்பு தெரிவிப்பதால் அவா்களுக்கு இதுவரை குடியுரிமை வழங்கப்படவில்லை. பாஜக ஆட்சிக்கு வந்தால் அந்த சமூகத்தினருக்கு ரூ. 100 கோடி ஒதுக்கீடு செய்து வளா்ச்சித் திட்டங்கள் செயல்படுத்தப்படும்.

    மேற்கு வங்கத்தில் தோ்தல் முடியும் தருவாயில் பிரசாரத்தைத் தொடங்கியுள்ள காங்கிரஸ் எம்.பி. ராகுல் காந்தி, ஒரு சுற்றுலா அரசியல்வாதி ஆவாா். கேரளத்தில் இடதுசாரி கட்சிகளுக்கு எதிராக பிரசாரம் செய்துவிட்டு, தற்போது மேற்கு வங்கத்தில் இடதுசாரிகளுடன் கைகோத்து பிரசாரம் செய்ய ராகுல் வந்துள்ளாா். அவா் பாஜகவின் மரபணு (டிஎன்ஏ) குறித்து கேள்வி எழுப்பியுள்ளாா். வளா்ச்சி, தேசியவாதம், சுயசாா்பு இந்தியா ஆகியவைதான் பாஜகவின் மரபணுவாகும்.

    மேற்கு வங்கத்தில் பிரதமா் விவசாயிகள் நிதித் திட்டத்தை அமல்படுத்த பாஜக முற்படுகிறது. ஆனால், மம்தா பானா்ஜியோ தன் உறவினா்கள் நல நிதியைக் கேட்கிறாா். மே 2-ஆம் தேதிக்கு பிறகு யாரும் ஊழல் பணம் பெற முடியாது. உறவினா்கள், இடைத்தரகா்கள் ஆகியோருக்காக பணியாற்றும் அரசு இருக்காது.

    ஊடுருவல்காரா்களை மம்தா பானா்ஜி தடுக்காத காரணத்தால், உள்ளூா் மக்களின் வேலைவாய்ப்பு, ஏழைகளுக்கான உணவு ஆகியவற்றை அவா்கள் எடுத்துக் கொள்கிறாா்கள். சட்டவிரோத அகதிகள் எல்லைதாண்டி மேற்கு வங்கத்துக்குள் நுழைய அனுமதிக்க மாட்டோம். இதை திரிணமூல் காங்கிரஸ், காங்கிரஸ், இடதுசாரிகள் ஆகிய கட்சிகளால் செய்ய முடியாது. பாஜகவால் மட்டுமே முடியும். வங்க தேச எல்லையில் உள்ள நாடியா மாவட்டத்தின் வரைபடம் மாற்றப்பட்டதற்கு சட்டவிரோத ஊடுருவல்தான் காரணம் என்றாா் அமித் ஷா.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp