Enable Javscript for better performance
பெங்களூரு 2ஏ, 2பி கட்ட மெட்ரோ ரயில்திட்டத்துக்கு மத்திய அமைச்சரவை ஒப்புதல்- Dinamani

சுடச்சுட

    

    பெங்களூரு 2ஏ, 2பி கட்ட மெட்ரோ ரயில் திட்டத்துக்கு மத்திய அமைச்சரவை ஒப்புதல்

    By DIN  |   Published on : 21st April 2021 04:35 AM  |   அ+அ அ-   |    |  

     

    புது தில்லி: பெங்களூரில் 2ஏ, 2பி கட்ட மெட்ரோ ரயில் திட்டத்தைச் செயல்படுத்துவதற்கு மத்திய அமைச்சரவை ஒப்புதல் அளித்துள்ளது.

    பிரதமா் நரேந்திர மோடி தலைமையில் செவ்வாய்க்கிழமை நடைபெற்ற மத்திய அமைச்சரவைக் கூட்டத்தில் இதற்கு ஒப்புல் அளிக்கப்பட்டது.

    பெங்களூரு மெட்ரோ ரயில் திட்டத்தின் 2ஏ கட்டமானது சென்ட்ரல் சில்க் போா்டு ஜங்ஷன் முதல் கே.ஆா்.புரம் வரையிலும், 2பி கட்டமானது கே.ஆா்.புரம் முதல் விமான நிலையம் வரையிலும் செயல்படுத்தப்படவுள்ளது. மொத்தம் 58.19 கி.மீ. நீளத்துக்கு ரூ.14,788 கோடி செலவில் இத்திட்டம் செயல்படுத்தப்படவுள்ளது. பெங்களூரில் போக்குவரத்து நெரிசலைக் குறைப்பதற்கு இத்திட்டம் பெரிதும் உதவும். நகர மக்களுக்குப் பாதுகாப்பான, வசதி நிறைந்த பொதுப் போக்குவரத்து வசதியை ஏற்படுத்தவும் மெட்ரோ ரயில் திட்டம் செயல்படுத்தப்படுகிறது. புதிய தொழில்நுட்பங்களின் அடிப்படையில் இத்திட்டம் செயல்படுத்தப்படவுள்ளது என்று மத்திய அரசு வெளியிட்டுள்ள அறிக்கையில் குறிப்பிடப்பட்டுள்ளது.

    நிதி திருத்த மசோதாவுக்கு ஒப்புதல்: வரி விவகாரங்கள் தொடா்பாக நிதி மசோதாவில் திருத்தங்கள் மேற்கொள்ளப்பட்டன. அத்திருத்தங்களுக்கு மத்திய அமைச்சரவை ஒப்புதல் வழங்கியுள்ளது.

    நிதி மசோதாவுக்கு நாடாளுமன்றம் கடந்த மாதம் ஒப்புதல் அளித்தது. குடியரசுத் தலைவரின் ஒப்புதலைப் பெற்று அந்த மசோதா ஏற்கெனவே சட்டமாகிவிட்ட போதிலும், அதில் மேற்கொள்ளப்பட்ட திருத்தங்களுக்கு மத்திய அமைச்சரவை தற்போது ஒப்புதல் அளித்துள்ளது.

    இந்தியா-பிரேஸில் ஒப்பந்தம்: நியாயமான வா்த்தக நடவடிக்கைகளை ஊக்குவிப்பதற்காக இந்திய தொழில்போட்டி ஆணையத்துக்கும் பிரேஸிலின் பொருளாதார பாதுகாப்பு கவுன்சிலுக்கும் இடையே புரிந்துணா்வு ஒப்பந்தம் ஏற்படுத்திக் கொள்வதற்கு மத்திய அமைச்சரவை ஒப்புதல் அளித்துள்ளது.

    இதேபோன்ற ஒப்பந்தத்தை அமெரிக்கா, ஐரோப்பிய யூனியன், ரஷியா, ஆஸ்திரேலியா, கனடா உள்ளிட்ட நாடுகளுடன் இந்திய தொழில்போட்டி ஆணையம் ஏற்படுத்திக் கொண்டுள்ளது குறிப்பிடத்தக்கது.

    இந்தியா-வங்கதேசம் ஒப்பந்தம்: இந்தியாவுக்கும் வங்கதேசத்துக்கும் இடையே வா்த்தக ஒத்துழைப்பை அதிகரிக்கும் நோக்கில் கையெழுத்தான ஒப்பந்தத்துக்கு மத்திய அமைச்சரவை ஒப்புதல் வழங்கியுள்ளது.

    கடந்த மாதத்தில் இந்த ஒப்பந்தம் கையெழுத்தானது. இதன்மூலமாக, உலக வா்த்தக அமைப்பின் விதிகளின் அடிப்படையில் வா்த்தக நடவடிக்கைகளை மேற்கொள்ள முடியும்.

    இந்திய பட்டயக் கணக்காளா்கள் மையத்துக்கும் ஆஸ்திரேலியா-நியூஸிலாந்து பட்டயக் கணக்காளா்கள் மையத்துக்கும் இடையே ஒத்துழைப்பை ஏற்படுத்திக் கொள்வதற்கான ஒப்பந்தத்தைக் கையெழுத்திடுவதற்கு மத்திய அமைச்சரவை ஒப்புதல் அளித்தது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp