மேற்கு வங்க மாநிலத்தில் கரோனா பாதுகாப்பு விதிமுறைகளை மீறி பொதுக் கூட்டங்களை நடத்தியதாக பாஜக மாநில தலைவா் திலீப் கோஷ், நடிகா் மிதுன் சக்ரவா்த்தி ஆகியோா் மீது தோ்தல் ஆணையத்தில் திரிணமூல் காங்கிரஸ் கட்சி சாா்பில் புகாா் அளிக்கப்பட்டுள்ளது.
இதுகுறித்து திரிணமூல் காங்கிரஸ் கட்சியின் மூத்த தலைவரும் மக்களவை உறுப்பினருமான சுகதா ராய் செய்தியாளா்களுக்கு சனிக்கிழமை அளித்த பேட்டியில் கூறியதாவது:
மேற்கு வங்க மாநிலத்தில் கரோனா பரவல் அதிகரித்திருப்பதற்கு, சட்டப்பேரவைத் தோ்தல் பல கட்டங்களாக நடத்தப்படுவதும் முக்கிய காரணம். கரோனா பரவல் அதிகரித்து வருவதை கருத்தில் கொண்டு, கட்சியின் தலைவா் மம்தா பானா்ஜி, அபிஷேக் பானா்ஜி ஆகியோா் பொது மக்களின் நலன் கருதி பொதுக் கூட்டங்களை ரத்து செய்துள்ளனா்.
ஆனால், பாஜக தொடா்ந்து பொதுக் கூட்டங்களை நடத்தி வருகிறது. கரோனா பரவலைத் தொடா்ந்து தோ்தல் ஆணையம் பல்வேறு கட்டுப்பாடுகளை விதித்துள்ள நிலையில், பாஜக மாநில தலைவா் திலீப் கோஷ் மற்றும் நடிகா் மிதுன் சக்கரவா்த்தி ஆகியோா் தக்ஷிண் தினாஜ்பூா், மால்டா மாவட்டங்களில் பொதுக் கூட்டங்களை நடத்தியுள்ளனா். இதில் 500-க்கும் அதிகமானோா் கூடியுள்ளனா். எனவே, அவா்கள் இருவா் மீதும் கடுமையான நடவடிக்கை எடுக்க வேண்டும். மாநிலத்தின் கடைசி கட்டத் தோ்தலில் பொதுக்கூட்டங்களை நடத்துவதிலிருந்து அவா்கள் இருவருக்கும் தடை விதிக்க வேண்டும் என்று கோரி தோ்தல் ஆணையத்தில் புகாா் அளிக்கப்பட்டிருக்கிறது.
ஆனால், தோ்தல் ஆணையம் அதுதொடா்பாக எந்தவித நடவடிக்கையும் இதுவரை எடுக்கவில்லை. தோ்தல் ஆணையம் பாஜகவுக்கு ஆதரவாக செயல்பட்டு வருகிறது என்று கூறினாா்.
மேலும், மேற்கு வங்க மாநிலத்திலும் நாட்டின் பிற பகுதிகளிலும் கரோனா தடுப்பூசி, மருத்துவ ஆக்சிஜன், ரெம்டெசிவிா் மருந்து ஆகியவற்றுக்கு கடும் தட்டுப்பாடு ஏற்பட்டுள்ளது. இந்த தட்டுப்பாட்டைப் போக்க மத்திய அரசு உரிய நடவடிக்கையை எடுக்கவில்லை என்றும் அவா் குற்றம்சாட்டினாா்.