பாஜக தேசியத் தலைவர் ஜெ.பி.நட்டா
கரோனா தடுப்பூசி செலுத்தப்படும் விஷயத்தில் மேற்கு வங்க மக்களை முதல்வா் மம்தா பானா்ஜி தவறாக வழிநடத்துகிறாா் என்று பாஜக தேசிய தலைவா் ஜெ.பி. நட்டா கூறியுள்ளாா்.
மேற்கு வங்கத்தில் 8-ஆவது கட்டத் தோ்தலுக்கான பிரசாரத்தை மால்டாவில் திங்கள்கிழமை காணொலி முறையில் மேற்கொண்ட அவா் பேசியதாவது:
தனது தோ்தல் ஆதாயத்துக்காக மேற்கு வங்க முதல்வா் மம்தா பானா்ஜி மாநில மக்களைத் தவறாக வழி நடத்துகிறாா். கரோனா பரவல், அதற்கான தடுப்பூசி திட்டம் ஆகியவற்றையும் அவா் அரசியலாக்குகிறாா். அதிலும் வெளிநபா்கள், உள்நபா்கள் என்று கூறி தவறான எண்ணங்களை மக்கள் மத்தியில் விதைக்கிறாா்.
மேற்கு வங்கத்தின் கலாசாரப் பெருமை குறித்து பேசும் அவா், பாஜக தலைவா்களைத் தொடா்ந்து அவமதிக்கும் வகையில் பேசுகிறாா். மேற்கு வங்க மண்ணிற்குப் பெருமை சோ்த்த நேதாஜி சுபாஷ் சந்திரபோஸ், சியாமா பிரசாத் முகா்ஜி ஆகியோரின் கருத்துகளையும், பெருமைகளையும் நாடு முழுவதும் கொண்டு சோ்க்கும் பணியை பாஜக தொடா்ந்து மேற்கொண்டு வருகிறது. ஆனால், எங்களைப் பாா்த்து மம்தா பானா்ஜி அந்நியா்கள் என்று கூறுகிறாா். எல்லாவற்றுக்கும் மேலாக வெளியில் இருந்து வந்தவா்களால் மேற்கு வங்கத்தில் கரோனா பரவுகிறது என்கிறாா்.
பிரதமா் மோடி தன்னால் முடிந்த அளவுக்கு இனிமையாக வங்கமொழியில் பேசுகிறாா். ஆனால், மம்தாவின் பிரசாரம் முழுவதும் பாஜகவை வசைபாடுவதாகவும், தவறான கருத்துகளால் துற்றுவதாகவும் உள்ளது. இதுதான்அவா் மேற்கு வங்க கலாசாரத்தைக் காப்பாற்றும் வழிமுறையா?
மேற்கு வங்கத்தில் கரோனா தடுப்பூசி கிடைக்கவில்லை என்பது உள்பட பல்வேறு பொய்யான தகவல்களை மம்தா தெரிவிக்கிறாா். மேலும், தேசிய அளவில் கரோனா பிரச்னை தொடா்பாக விவாதிக்க பிரதமா் நடத்தும் அனைத்து மாநில முதல்வா்கள் கூட்டத்தையும் அவ்வப்போது புறக்கணிக்கிறாா். இதுதான் கரோனாவில் இருந்து மக்களைக் காக்க அவா் காட்டும் ஆா்வமா என்ற கேள்வி எழுகிறது.
மேற்கு வங்கத்தில் வன்முறை ஆட்சி நடத்தி, அரசியல் ரீதியாகத் தன்னை எதிா்க்கும் கட்சித் தொண்டா்களைக் கொலை செய்வதை திரிணமூல் காங்கிரஸ் கட்சியினா் செய்து வருகின்றனா். இதற்குத் தோ்தலின்போது மக்கள் பதிலடி கொடுக்க வேண்டும் என்றாா் ஜெ.பி. நட்டா.
