பெகாஸஸ் உளவு குற்றச்சாட்டு தொடா்பாக மனுக்களைத் தாக்கல் செய்துள்ள மனுதாரா்கள், நீதிமன்றத்துக்கு வெளியே தேவையின்றி விவாதத்தில் ஈடுபடாமல் நீதித்துறை மீது நம்பிக்கை வைக்க வேண்டும் என்று உச்சநீதிமன்றம் தெரிவித்துள்ளது.
இஸ்ரேலின் என்எஸ்ஓ நிறுவனம் உருவாக்கிய பெகாஸஸ் உளவு மென்பொருளைப் பயன்படுத்தி காங்கிரஸ் எம்.பி. ராகுல் காந்தி, சமூக ஆா்வலா்கள், 40-க்கும் மேற்பட்ட பத்திரிகையாளா்கள் உள்ளிட்ட சுமாா் 300 பேரின் செல்லிடப்பேசிகள் உளவு பாா்க்கப்பட்டதாகக் குற்றச்சாட்டு எழுந்துள்ளது.
இது குறித்து சுதந்திரமான விசாரணை நடத்துவதற்கு தனிக் குழுவை நியமிக்கக் கோரி மூத்த பத்திரிகையாளா்கள் என்.ராம், சசி குமாா், மாா்க்சிஸ்ட் எம்.பி. ஜான் பிரிட்டாஸ், வழக்குரைஞா் எம்.எல்.சா்மா உள்ளிட்டோா் சாா்பில் உச்சநீதிமன்றத்தில் 9 மனுக்கள் தாக்கல் செய்யப்பட்டுள்ளன.
அந்த மனுக்கள் மீதான விசாரணை, தலைமை நீதிபதி என்.வி.ரமணா, நீதிபதிகள் வினீத் சரண், சூா்யகாந்த் ஆகியோரைக் கொண்ட அமா்வு முன் செவ்வாய்க்கிழமை நடைபெற்றது. அப்போது, மனுதாரா்களான என்.ராம், சசி குமாா் ஆகியோா் தரப்பில் ஆஜரான மூத்த வழக்குரைஞா் கபில் சிபல், பெகாஸஸ் உளவு விவகாரம் குறித்து கூறிய கருத்துக்காக சமூக வலைதளங்களில் என்.ராம் கேலி செய்யப்பட்டதாகத் தெரிவித்தாா்.
அதையடுத்து நீதிபதிகள் கூறுகையில், ‘‘வழக்கு விசாரணை தொடா்பான குறிப்பிட்ட விவரங்களை மட்டும் பொதுவெளியில் வெளியிட்டால் இதுபோன்ற பிரச்னைகள் ஏற்படும். வழக்கு தொடா்பான பல்வேறு கேள்விகளை நீதிமன்றம் எழுப்பும். அதற்கு பதிலளிக்க வேண்டியது மனுதாரா்களின் கடமை.
தேவையற்ற விவாதங்கள் கூடாது: வழக்கு குறித்து கருத்து தெரிவிக்க வேண்டுமானால், பிரமாணப் பத்திரம் வாயிலாக நீதிமன்றத்தில் தெரிவிக்கலாம். வழக்கு தொடா்பான விவாதங்கள் நீதிமன்றத்துக்கு உள்ளே மட்டும்தான் நடைபெற வேண்டும். வழக்குகள் நீதிமன்றத்தில் நிலுவையில் இருக்கும்போது, நீதிமன்றத்துக்கு வெளியே அதுதொடா்பான விவாதங்களில் மனுதாரா்கள் ஈடுபடக் கூடாது.
நீதிமன்றம் குறிப்பிட்ட வழிமுறைகளைப் பின்பற்றி வருகிறது. நீதித்துறையின் மீது நம்பிக்கை வைத்து அந்த வழிமுறைகளை மனுதாரா்கள் தவறாமல் பின்பற்ற வேண்டும்’’ என்றனா்.
கால அவகாசம் தேவை: மத்திய அரசு சாா்பில் ஆஜரான சொலிசிட்டா் ஜெனரல் துஷாா் மேத்தா கூறுகையில், ‘‘அனைத்து மனுதாரா்களும் தங்கள் மனுக்களின் நகலை மத்திய அரசிடம் வழங்கியுள்ளனா். அவற்றை ஆராய்வதற்குக் கால அவகாசம் தேவைப்படுகிறது.
மேலும், வழக்கு தொடா்பாக மத்திய அரசிடமும் கருத்துகளைப் பெற வேண்டியுள்ளது. எனவே, வழக்கு விசாரணையை குறைந்தபட்சம் ஆகஸ்ட் 13-ஆம் தேதி வரை ஒத்திவைக்க வேண்டும்’’ என்றாா்.
அதை ஏற்றுக்கொண்ட நீதிபதிகள், வழக்கின் விசாரணையை ஆகஸ்ட் 16-ஆம் தேதிக்கு ஒத்திவைத்தனா். மனுக்கள் மீது விளக்கமளிக்குமாறு மத்திய அரசுக்கு நோட்டீஸ் அனுப்புவது தொடா்பாக அன்றைய தினம் முடிவெடுக்கப்படும் என்றும் நீதிபதிகள் தெரிவித்தனா்.